Símablaðið - 01.11.1936, Blaðsíða 40

56
SÍMABBLAÐIÐ
Selskinna Landssímans.
Þess var einhvern tíina getið i Síma-
blaðinn, að til stæði að safna i eina
bók mynd af öllum þeim, sem hefði
verið í þjónustu símans, ásamt stuttri
æfiferilsskýrslu. Skyldi bók þessi vera
i vörslum símastjórnarinnar, sem
sjálfsagt hefði verið, en uppástunga
kom þó um það, að hún færi öðru
hverju í hringferð um landið, svo að
sem flestum símamönnum gæfist kost-
ur á að kynnast henni.
Mér þótli þessi hugmynd g'óð. Slíkar
stofnanir sem síminn byrja aldrei of
fljótt á að halda til haga þvi, sem síð-
ar kann að hafa sögulegt gildi, og
forða þvi frá gleymsku. í slíka bók
fvndist mér að einnig bæri að skrá
og geyma ýmsa viðburði í sögu sím-
ans, og ýmislegt það, er telja má, að
eftirkomendum okkar léki hugur á að
vita um, eða til gamans getur orðið.
Eg sakna þess t. d., hve illa hefir ver-
ið haldið til liaga ýmsu skemtilegu,
sem fyrir . kom á fyrstu árum
shnans, víðsvegar um land, og sem
ennþá gerist. Því að í raun og veru
verður að telja það merkilegt, svo
upplýst þjóð sem íslendingar nú eru,
hve hjákátlegar hugmyndir margir
gerðu sér um símann, og hve skop-
legar myndir endurminningarnar um
ýmsa viðburði fyrstu áranna rifja upp.
Eg tel að slík bók og hér um ræðir,
væri einmitt best til þess fallin, að
geyma þær endurminningar, og þeim
á að safna, áður en farið er með þær
i gröfina.
En hvað nú um bókina?
Eg liefi orðið þess lítt var, að verið
sé að vinna áð henni; þó hefir mér
verið sagt, að einhver tilraun hafi ver-
ið gerð til þess að safna myndum, en
hún hefir áreiðanlega ekki verið við-
læk.
Mér hefir einnig verið sagt, að sér-
stökum manni hafi verið falið þetta
starf fyrir löngu. Eg vona, að þvi hafi
ekki verið liætt, því eg teldi það illa
farið, og ég vona, að Símablaðið vilji
afla upplýsinga um það, því eg veit,
að marga, einkum hina eldri síma-
menn, langar til að heyra eitthvað um
það. Eg teldi best farið, að slíkt verk
væri algerlega unnið af símastjórn-
inni, því þá myndi ganga greiðlega
um svör og söfnun mynda. Óvíst hvað
menn taka hitt alvarlega, þó einhver
einstaklingur leiti til manna um það.
En sem sagt, ég vona að þessu verki
verði haldið áfram.
Með þökk fyrir birtinguna og hug-
myndina.
Gamall símastjóri.
Ferðamenn!
Munið eftir að taka með vkkur umbúðir og nauðsynleg lyf,
þegar þið farið í ferðalög. Seljum einnig filmur, sólgleraugu,
sófkrem og margt fleira.
LYFJABÚÐIN IÐI3NN
Laugavegi 40.