Freyr - 01.01.1987, Blaðsíða 44
um er unnt að lækka framleiðslu-
kostnaðinn og ná þannig fram tví-
þættum markmiðum, þ.e. að halda
verðhækkunum í skefjum og bæta
kjör framleiðenda búvara.
Upplýsingaþjónusta landbúnað-
arins er reiðubúin til að aðstoða
félögin eftir því sem þörf er á í
þessu efni og aðstaða hennar frek-
ast leyfir.“
Útflutningur kindakjöts og
mjólkurvara á yfirstandandi
verðlagsári.
Fjallað var um hver eða hverjir eigi
að taka ákarðanir um útflutning
mjólkurvara og kindakjöts eftir þær
breyttu forsendur þegar útflutn-
ingsbætur eru orðnar takmarkaðar.
Um þessar mundir er sérstök nauð-
syn að flytja út mikið af þessum
vörum til að ná niður birgðum í
landinu.
Eftirfarandi ályktun var gerð um
málið:
„Framleiðsluráð landbúnaðarins
telur óhjákvæmilegt að tekinn verði
til sérstakrar umfjöllunar útflutn-
ingur kindakjöts á þessu verðlags-
ári, meðal annars til að gert verði
sérstakt markaðsátak á vegum
stjórnvalda og að birgðum kinda-
kjöts verði á verðlagsárinu komið
niður í eðlilegt horf miðað við áætl-
un í fullvirðissamningum milli Stétt-
arsambands bænda og ríkisstjómar-
innar.
Jafnframt vekur Framleiðsluráð
athygli landbúnaðarráðherra á því
að nauðsynlegt er að komið verði á
samningsgerð á milli Framleiðslu-
ráðs annars vegar og Landssamtaka
sláturleyfishafa hins vegar, sbr. 51.
grein laga nr. 46/1985, m. a. til að
ákveða skiptingu markaða bæði
innanlands og utan.
Framleiðsluráð telur nauðsynlegt
að ráðherra neyti þess valds sem
hann hefur samkvæmt lögum til að
knýja fram slíka samningsgerð eða
úrskurði um málið að öðrum kosti.
t>á telur Framleiðsluráð nauðsyn-
legt að Framkvæmdanefnd búvöru-
samninga fjalli um og geri útflutn-
ingsáætlun fyrir búvörur, sbr. 7. gr.
búvörusamninga.
Skipting gjalds til
Framleiðsluráðs og greiðslur til
búgreinafélaga.
Eftirfarandi ályktun var samþykkt
um greiðslu til sérgreinafélaga sem
viðurkennd eru af Stéttarsambandi
bænda af fé (0,25% gjaldi) sem
kemur til Framleiðsluráðs:
„Framleiðsluráð landbúnaðarins
samþykkir að greiða 50% af inn-
heimtu fé skv. 25. gr. laga nr. 46/
1985 til viðurkenndra sérgreinafé-
laga, þó ekki hærri fjárhæð til hvers
einstaks félags eða landssambands
en 400 þúsund krónur vegna síðasta
verðlagsárs.
Þau samtök sem falla undir þessa
ákvörðun eru:
Samband eggjaframleiðenda
Æðarræktarfélag íslands
Samband garðyrkjubænda
Félag kjúklingabænda
Svínaræktarfélag íslands
Landssamband kartöflubænda
Landssamtök sauðfjárbænda
Félag hrossabænda
Landsamband kúabænda fái
vegna síðasta verðlagsárs kr. 200
þús. Samband ísl. loðdýrabænda fái
75% af gjaldi því, sem kemur af
loðdýrarækt.“
Fullvirðisréttur og byggðamál.
Borist hefur fjöldi bréfa og sam-
þykkta einkum varðandi fullvirðis-
rétt til sauðfjárframieiðslu og sam-
hengi hans og áframhaldandi bús-
etu í dreifbýli. Þar á meðal eru
ályktanir frá Bf. Jökuldalshrepps,
Félagi sauðfjárbænda í Dalasýslu,
Bf. Skógarstrandarhrepps, hrepps-
nefnd Mjóafjarðarhrepps, Bf.
Hofshrepps í A.-Skaftafellssýslu,
Félags sauðfjárbænda á Snæfells-
nesi, bændum í Þistilfirði, Mjólkur-
samlagi V-Barðstrendinga o.fl.
í þessum ályktunum er því haldið
fram að takmörkun á framleiðslu
sauðfjárafurða og sums staðar
mjólkur valdi byggðaeyðingu ef
ekkert verður að gert. Yfirleitt eru
bú smá á þessum svæðum og marg-
ar þessar byggðir eru einangraðar
og hafa takmarkaða möguleika til
annarrar framleiðslu.
Fundurinn féllst á að þessi sjón-
armið hefðu við mikil rök að styðj-
ast en hins vegar væri erfitt að
ætlast til að einstök byggðarlög
væru undanþegin þeim framleiðslu-
takmörkunum sem beita þyrfti.
Eftirfarandi ályktun var gerð um
málið og send landbúnaðarráð-
herra.
„Framleiðsluráði landbúnaðarins
hafa borist ýmis erindi frá einangr-
uðum byggðarlögum þar sem bú-
vöruframleiðsla stendur völtum fót-
um. Takmörkun framleiðsluréttar
á búvörum kemur illa við mörg
þessara byggðarlaga vegna þes að
þar eru bú víða smá og þola ekki
samdrátt framleiðslu, nema annað
komi til.
Framleiðsluráð landbúnaðarins
telur óhjákvæmilegt að staða þess-
ara veiku byggða verði tekin til
sérstakrar skoðunar af opinberum
aðilum, t.d. Byggðastofnun.
Ákvörðun um þetta efni þarf að fá
skjótt.
Framleiðsluráð landbúnaðarins
telur nauðsynlegt að reynt verði að
fá fjármagn til að treysta þessar
veiku byggðir með öðrum hætti en
þeim að heimila þeim aukna fram-
leiðslu kindakjöts og mjólkur, ef
tök eru á því.“
Sala á óskoðuðu kjöti.
Greint var frá því að Framleiðslu-
ráð hafi fyrir nokkru skrifað Holl-
ustuvemd ríkisins og óskað eftir að
hún hlutaðist til um að fram færi
athugun á því hvort á markaði væri
kjöt sem hefði ekki hlotið heil-
brigðisskoðun. Jafnframt voru
sendar auglýsingar um kjöt úr blöð-
um sem gáfu tilefni til að ætla að
um væri að ræða kjöt af heimaslátr-
uðum gripum.
Svarbréf hefur borist og hefur
verið ákveðið að Framleiðsluráð og
Hollustuvemd efni til fundar um
málið ásamt yfirdýralækni, kjöt-
matsformanni og fulltrúa Iandbún-
aðarráðuneytisins.
Greiðsla fyrir sláturafurðir 15.
desember sl.
Lagt var fram erindi frá Félagi
sláturleyfishafa varðandi fjármagn
36 Freyr