Freyr - 01.09.1987, Blaðsíða 29

frá 10. júlí sl. um breytingu á
reglugerð 129/1987 frá 30. mars sl.
um innheimtu fóðurgjalda.
Samkvæmt hinni nýju reglugerð
skal sérstakt grunngjald vera kr.
4,00 á hvert kg gjaldskyldrar vöru
skv. bráðabirgðalögum, sem nýja
ríkisstjómin setti, til viðbótar eldra
grunngjaldi.
Greiðsla fyrir sauðfjárafurðir
umfram fullvirðisrétt.
Borist hafði ályktun frá Félagi
sauðfjárbænda í Skagafirði þar
sem skorað er á Framleiðsluráð og
Stéttarsamband bænda að vinna
að því að bændur fái einhverja
greiðslu fyrir fyrirsjáanlega um-
framframleiðslu sauðfjárafurða
haustið 1987. Bent er á að ásetn-
ingi sauðfjár hafi verið lokið
haustið 1986 þegar bændum bár-
ust útreikningar um fullvirðisrétt
verðlagsárið 1987/88. Einnig er
bent á að koma þurfi í veg fyrir
hugsanlega sölu dilkakjöts utan
hefðbundins sölukerfis landbún-
aðarins.
Af þessu tilefni samþykkti
Framleiðsluráð eftirfarandi
ályktun:
„Með hliðsjón af því hve
fullvirðisréttur í sauðfjárfram-
leiðslu verðlagsárið 1987/88 lá
seint fyrir, lýsir Framleiðsluráð
þeirri skoðun sinni að gefa þurfi
bændum kost á fækkunarsamning-
um á sauðfé nú í haust og jafn-
framt verði leitað allra leiða til
þess að unnt verði að greiða fram-
leiðendum eitthvert verð fyrir
kindakjöt sem kann að berast til
sláturhúsa nú í haust og er umfram
fullvirðisrétt viðkomandi fram-
leiðanda.
Með því væri mönnum auðveld-
uð aðlögun að nauðsynlegri fram-
leiðslustjórnun.
Framleiðsluráð samþykkir að
leita eftir viðræðum við landbún-
aðarráðherra um þetta mál.“
Tillaga að reglugerð um stjóm
sauðfjárframleiðslunnar
verðlagsárið 1982/88.
Borist hafði bréf frá landbúnaðar-
ráðuneytinu með ósk um tillögur
að reglugerð um stjórn sauðfjár-
framleiðslunnar verðlagsárið
1988/89.
Samþykkt var að koma á fót
vinnuhóp í því skyni og voru í
hann valdir Magnús Sigurðsson,
Gilsbakka; Þórarinn Þorvaldsson,
Póroddsstöðum og Fíermann Sig-
urjónsson, Raftholti. Einnig var
Gunnari Guðbjartssyni og Jóni
Viðari Jónmundssyni falið að
vinna með hópnum.
Verð á dilkakjöti fyrstu tvær
vikur september.
Haustið 1986 var greitt álag á
dilkakjöt af fé sem slátrað var í
tveimur fyrstu vikum september.
Fyrirspurnir hafa borist Fram-
leiðsluráði hvort það verði einnig
gert í ár. Að því tilefni samþykkti
Framleiðsluráð eftirfarandi
ályktun:
„Framleiðsluráð landbúnaðar-
ins fer þess á leit við landbúnaðar-
ráðherra að hann heimiii að nota
hluta af sérstöku fóðurgjaldi
sauðfjárræktarinnar til að greiða
álag á verð kjöts, sem kemur í
sláturhús fyrstu tvær vikur sept-
embermánaðar. Álagið verði eins
og á sl. ári allt að 8% fyrri vikuna
en allt að 4% síðari vikuna.
Pessi tillaga er gerð á trausti
þess að hún örvi menn til að
lengja sláturtíma og einnig til að
minnka hættu á að mikið kjöt fari í
O—flokk í haust.“
Minningarfundur um dr. Halldór
Pálsson.
Dagana 18. og 19. ágúst sl. var
efnt til minningafundar um dr.
Halldór Pálsson búnaðarmála-
stjóra. Borist hafði beiðni frá að-
standendum fundarins um fjár-
framlag vegna hans en efni fund-
arins fjallaði um hagkvæmni við
dilkakjötsframleiðslu og skylda
þætti.
Auglýsing
Til mjólkurframleiöenda
Umsóknarfrestur um aukinn fullvirðisrétt í mjólk á verð-
lagsárinu 1987/1988, skv. 13. og 14. grein reglugerðar
nr. 291/1987 er til 20. sept. nk. Umsóknir skulu sendar
stjórn búnaðarsambands á hverju búmarkssvæði.
Framleiðsluráð landbúnaðarins.
Auglýsing
til framleiðenda kindakjöts
Bændur!
Athygli er vakin á því að ærgildi kjöts í fullvirðisrétti er
18,2 kg hvort sem kjötið er af dilkum eða fullorðnu fé.
Fullvirðisrétturinn nýtist því best með því að leggja inn
dilkakjöt í bestu gæðaflokkunum. Minna fer í O-flokk sé
slátrað snemma hausts.
Framleiðsluráð landbúnaðarins
Freyr 672