Freyr - 01.09.1987, Blaðsíða 38

Frá
Rannsóknastofnun
landbúnaðarins
Tilraunastööin á Mööruvöllum
Saga stöðvar í hnotskurn.
Tilraunastöð fyrir landbúnað hefur nú verið á Möðruvöllum í Hörgárdal síðan 1974.
Aður var stöðin í suðurjaðri Akureyrar í Gróðrarstöðinni sem svo var kölluð og með
allnokkrum túnum uppi á brekkunum.
Nýtt tilraunafjós Tilraunastöðvarinnar á MöðruvöUum. (Ljósm. M.E.).
Á þeim stað höfðu verið gerðar
tilraunir í landbúnaði frá 1903
þegar Ræktunarfélag Norðurlands
var stofnað og einnig lengst af
nokkrar rannsóknir í garðrækt og
skógrækt. Hús og jarðir voru eign
Ræktunarfélags Norðurlands og
öll starfsemi var um langan aldur á
vegum þess félags.
Með lögum um rannsóknir í
landbúnaði frá 1940 var gert ráð
fyrir því að ríkið tæki við rekstri
bús og tilrauna í Gróðararstöð-
inni. Gerðist það um áramót
1946—1947.
Árið 1963 keypti ríki allar eigur
Ræktunarfélagsins og eins og áður
sagði fluttist tilraunastöðin í
Möðruvelli 1974.
Á árunum 1947—1965 meðan
eldri lög um rannsóknir í landbún-
aði voru í gildi voru tilraunastöðv-
arnar nokkuð sjálfstæðar einingar
undir faglegri yfirstjórn tilrauna-
ráða. Með setningu nýrra laga
1965 um rannsóknir í þágu at-
vinnuveganna og tilurð Rann-
sóknastofnunar landbúnaðarins
voru tilraunastöðvarnar felldar
undir þá stofnun. Við ýmsan
vanda var að stríða í rekstri til-
raunastöðvanna næstu árin. Upp
úr 1980 var reynt að ráða bót á
honum með því að breyta rekstr-
arformi stöðvanna í þá veru að
heimamenn á hverjum stað tækju
þátt á þessum rekstri að nokkru.
Fyrsti samningur sem gerður var
um þetta nýja form var raunar
gerður milli RALA og Búnaðar-
sambands Suðurlands um rekstur
Tilraunastöðvar á Stóra-Ármóti.
Síðar hafa svo verið gerðir hlið-
stæðir samningar milli RALA og
Ræktunarfélags Norðurlands um
rekstur Tilraunastöðvarinnar á
Möðruvöllum og á milli RALA og
Búnaðarsambands Ausurlands
um rekstur Tilraunastöðvarinnar
á Skriðuklaustri.
Samningur RALA og Ræktun-
arfélagsins um rekstur Möðruvalla
var undirritaður 23. nóvember
1982 og skyldi koma til fram-
kvæmda við þau áramót er í hönd
fóru. í samningnum er gert ráð
fyrir að rekstur bús sé á ábyrgð
Ræktunarfélagsins en tilraunir á
vegum RALA. Starfsemin er þó
öll færð undir eina stjórn —
Staðarstjórn Möðruvalla — sem
ræður sér tilraunastjóra til dag-
legrar umsjónar.
Þegar samningar voru gerðir
1982 var enginn tilraunastjóri á
Möðruvöllum. Tók höfundur
þessa pistils við þeim starfa á
vordögum 1983.