Freyr - 15.11.1987, Blaðsíða 20

Frá kanínumiðstöðinni í Ytri-Njarðvík. Röð af kanínubúrum á einni hœð með áföstum
gotkössum. (Ljósm. lngimar Sveinsson).
Tekjumöguleikar eru nokkuð
góðir ef það tekst að selja afurð-
ina, og núna er verðið á kanínu-
fiðu um kr. 2.000 á kg, fyrsti
flokkur, og af hverri kanínu fæst
um eitt kg af ull, þannig að hver
kanína gefur um kr. 2.000 kr. fyrir
ull ef ræktunin er í sæmilegu lagi.
Fyrirgreiðsla?
Þeir sem hefja kanínubúskap geta
fengið lán úr Stofnlánadeild land-
búnaðarins og þau eru með svip-
uðum kjörum og lán til annarra
búgreina. Það er hægt að fá lán
sem nemur 50% af kostnaði við
hús og innréttingar. Auk þess er
hægt að fá lán til kaupa á lífdýrum
og ef um búháttabreytingar er að
ræða er möguleiki að fá sérstakt
framlag úr Framleiðnisjóði.
Hefur eitthvað verið um það að
bændur hafi fengið stuðning úr
Framleiðnisjóði?
Það hefur ekki verið mikið um
það vegna þess að það er nýtil-
komið að loðkanínur séu færðar
undir sömu reglur og loðdýrarækt
en nú er það orðið þannig.
Hvaða möguleika hafa bændur á
að afla sé fræðslu um
loðkanínurækt?
Fræðsluefni á íslensku hefur verið
mjög takmarkað fram að þessu.
Búnaðarfélag íslands lét þýða og
gaf út bók á sl. ári en hún miðar
einkum við tómstundabúskap.
Annað innlent efni hefur ekki ver-
ið á boðstólum nema það sem
Landssamband kanínubænda hef-
ur gefið út í fréttabréfi sínu. Núna
hafa aftur bændaskólarnir tekið
upp fræðslu í greininni. Bænda-
skólinn á Hvanneyri hefur fellt
kanínurækt inn í búfjárrækt sem
skyldunámsgrein. Á öðru ári
námsins er kanínurækt svo val-
grein og fyrirhuguð er eftir nk.
áramót að halda námskeið í
kanínurækt, bæði bóklegt og verk-
legt, fyrir þá sem hugsa sér að fara
í kanínurækt eða eru nýbyrjaðir.
Hvert verður meginefnið á nám-
skeiðinu?
Meginefnið verður að kynna fyrir
mönnum þá þætti kanínuræktar,
sem mest brennur á. Það verður
kennt um hirðingu, fóðrun, hús og
búnað, klippingu og flokkun á ull
og námskeið verður í búrasmíði,
merkingum kanína þ.e. tattover-
ingu, geldingu á ungdýrum, svo að
það helsta sé nefnt.
Hver eru helstu atriði sem
bændur verða að kunna skil á í
kanínurækt, því að þama er um
nýjung að ræða?
Kanínur eru að mörgu leyti ólíkar
öðrum dýrum og á því þurfa menn
að átta sig. En margir sem byrja
eru bændur og vanir húsdýrum
þannig að þeir ættu að vera tiltölu-
lega fljótir að komast á lagið með
þessa búgrein, einkum ef þeir fá
fræðslu í upphafi.
Það fyrsta sem þarf að huga að
er aðbúnaður og húsvist og frum-
skilyrði varðandi kanínuhús er að
það sé vel loftræst, rakalaust og
ekki sé í því stækja né trekkur.
Raka, stækju og trekk þola kanín-
ur ekki. Hins vegar er miklu
mikilvægara að hús séu vel ein-
angruð og loftræst heldur en að
halda á þeim hita.
Annað sem menn þurfa að vita
er um fóðrunina. Kanínur eru afar
viðkvæmar fyrir öllum fóður-
breytingum þannig að menn hafa
orðið fyrir miklum skakkaföllum
nteð því að skipta snögglega um
fóður. Meltingu kanína er þannig
háttað að þær þola ekki snögg
fóðurskipti. Mörgum hefur einnig
gengið illa við pörunina og það
eru ýmsar ástæður fyrir því. Ein af
þeim er að fóðrið sem þeir hafa
haft er of gamalt og vítamínin í því
farin að eyðast og þess vegna
hefur frjósemin dottið niður.
Hver poki af kanínufóðurblöndu á
að vera merktur með dagsetningu
framleiðslu. Ef fóðrið er orðið
meira en þriggja mánaða gamalt
eða eldra er ábyrgðin fallin af því
og hætt við að það skorti vítamín.
Það er geysimikið atriði að ein-
göngu séu valin góð dýr til undan-
eldis og það þarf ekki nema lítinn
hluta af stofninum í undaneldið.
Til þess að geta valið undaneldis-
dýrin þarf skýrsluhaldið að vera í
lagi.
Er komið á skýrsluhald hjá
mörgum kanínubændum?
Það er komið á hjá nokkuð mörg-
um en ekki öllum. Það þarf að
verða alveg fastur liður í ræktun-
inni.
908 Freyr