Freyr - 15.06.1994, Blaðsíða 21
sem þá hefur skort mikilvægan hlekk
í veiðistjómunina á viðkomandi laxa-
stofni, og því undir hælinn lagt hvem-
ig háttað er veiðiálagi á einstaka stof-
na.
Byltingarkenndur árangur
Með samningum, sem Norður-
Atlantshafslaxasjóðurinn undir for-
ustu Orra Vigfússonar hefur gert,
bæði gagnvart Færeyingum og Græn-
lendingum, má segja að orðið liafi
bylting í þessum efnum. Ahrifin geta
orðið víðtæk á laxastofna allra lax-
veiðiþjóða. Þannig skilar árangur m.a.
af fiskræktarátaki í sérhverju veiði-
vatni sér til þeirra, sem fyrir því stan-
da, en þannig á það einmitt að vera.
Verkefni og vinnulag og árangur
Orra Vigfússonar hefur sett hann á
bekk með þekktustu mönnum í út-
löndum á sviði laxvemdunarmála í
heiminum í dag, ekki síst eftir að Karl
Bretaprins hélt honum veislu í vor og
heiðraði hann sérstaklega af þessu
tilefni. Sá sómi sem Orra hefur verið
sýndur beinir kastljósinu einnig að
Islandi og verður okkur til hagsbóta á
ýmsa vegu.
Það er vissulega fagnaðarefni fyrir
íslenska veiðiréttareigendur og
stangaveiðimenn að horfa til þessarar
þróunar, sent hér hefur verið gerð að
umtalsefni. Norðmenn bönnuðu á sín-
um tíma allar reknetaveiðar í sjó á
laxi hjá sér. Hinu er þó ekki að leyna
að enn er stunduð veruleg veiði á laxi
í sjó í reknet og önnur veiðitæki við
strendur Bretlands og írlands. Ýmsir
hér á landi óttast, þrátt fyrir bann við
laxveiði í sjó, að í okkar heimagarði,
sé töluvert um „arfa“, sem þurfi að
slíta upp. Olöglegar sjávarveiðar á
laxi við strönd landsins ættu að hverfa
með öllu, annað sæmir ekki forustu-
þjóð á sviði laxvemdunar.
þjóðhagslega hagstœtt
Að síðustu má nefna, að verðmæti
stangarveidds lax er auðvitað margfalt
meira en fisks, sem veiddur er í net
eða á línu á fæðustöðvunum í hafinu
og er ekki búinn að ná endanlegri
þyngd. Stangaveiðin skilar beint
miklum tekjum, og auk þess góðum
tekjum í formi afnota veiðimanns af
veiðihúsi, og ferðþjónustan nýtur auk
þess tekna af ferða- og uppihaldskost-
naði hans til og frá veiðistað og á
veiðistað og fleiru. Þjóðhagslega séð
er þetta því hið besta mál.
i
Veiðihúsið Flóðvangur við Vatnsdalsá. (Ljósm. E.H.).
Einn nýjasti laxastiginn, ftskvegurinn í Búdafossi í Þjórsá. (Ljósm. E.H.).
Laxveiðar í sjó við strönd Skotlands.
12'94 -FREYR 453