Litli Bergþór - 01.03.1994, Blaðsíða 5

Hvað segirðu til?
Að þessu sinni verður greint frá helstu viðburðum
hér í sveit frá vetrarbyrjun og fram í byrjun góu.
Veðurfar hefur verið fremur óstöðugt en ekki nein
sérstök harðindi. Nokkurn snjó setti niður snemma í
nóvember en hann tók fljótlega upp aftur. Hefur
raunar á því gengið allan þennan tíma. Snjórinn
hefur samt lítið hamlað samgöngum en stuttar
bylgusur stundum gert ferðalöngum lífið leitt í bili.
Frosthörkur voru nokkrar fyrir og um miðjan
desember og kom þá dálítill klaki í jörð. Þorrinn var
dálítð rysjóttur, framan af, öskudagurinn var mildur og
fyrstu góudagana var blíða. Samkvæmt þjóðtrúnni
ætti því að verða veðurblíða á föstunni en vora illa.
Heilsufar fólks hefur verið heldur gott, en þó bar
töluvert á flensu fyrir jólin.
Minnigarsamkoma um Þorstein Sigurðsson á
Vatnsleysu varhaldin í Aratungu fyrsta laugardag í
desember í tilefni af að 100 ár voru liðin frá fæðingu
hans 2. des. Bæði heimafólk og aðkomið skemmti
sér þar við ræðuhöld, drykkju og þó einkum söng.
Aðventusamkomur voru í kirkjum og var sú fyrsta í
Skálholti fyrsta sunnudag í aðventu. Þar söng kór
Menntaskólans að Laugarvatni og skólameistari flutti
hugvekju. Einnig söng kór Fjölbrautaskólans í
Breiðholti og strengjasveit lék. Viku síðar söng þar
Árnesingakórinn í Reykjavík og enn viku síðar sungu
Skálholtskórinn, Barnakór Biskupstungna, barnakórúr
Gnúpverjahreppi og kór Stóra-Núpskirkju á
kvölsdsamkomu þar ásamt hljóðfæraleikurum..
Skálholtskór söng í fleiri kirkjum og yngri hluti
Barnakórs Biskupstungna söng og börn fluttu fluttu
helgileik í messu á Torfastöðum. Síra Kristinn Ágúst
Friðfinnsson, sóknarprestur í Hraungerði predikaði í
kvöldmessu í Haukadal, svo nokkuð sé nefnt af
kirkjulegum viðburðum á aðventunni.
Jóla- og áramótamessur voru með hefðbundnum
hætti, og svo var einnig um jólatrésskemmtun
Kvenfélagsins.
Nýja árið heilsaði með sorglegum atburði er
íbúðarhúsið á Stöllum brann til kaldra kola á
nýársnótt og tvö börn fórust. Guðrún Magnúsdóttir á
Kjóastöðum bjargaði á síðustu stundu tæplega
ársgamalli stúlku með því að sækja hana inn í
brennandi húsið, og Þorgeir Björnsson á
Reykjavöllum braut rúðu og hjálpaði stúlku þar út,
þegar ófært var orðið um ganginn vegna hita og
reyks. Fyrir þetta hlutu þau heiðursskjal og
björgunarorðu Slysavarnafélags íslands. Fjársöfun
fór fram til styrktar fjölskyldunni og mun hafa safnast
um 2,5 milljónir króna.
Óverðurshrinum nálægt þorrabyrjun fylgdu
nokkkrar truflanir á rafmagni einkum syðst í sveitinni.
Hjá Hitaveitu Laugaráss hefur verið keypt vararafstöð
til að sjá dælum fyrir rafmagni í slíkum tilvikum, og er
hún þeim kostum búin að fara sjálfkrafa í gang þegar
rafmagn frá samveitu bregst.
Fjölbreyttir tónleikar voru um miðjan janúar í Skál-
holti, söngur og hljóðfæraleikur bæði í kirkju og skóla.
Sigríður og Þorsteinn, börn Guðna Þorfinnssonar
og Steingerðar Þorsteinsdóttur frá Vatnsleysu,
syngja tvísöng á minningarhátið um afa sinn.
Bygging rektorsbústaðar þar er vel á veg komin.
Væntanleg fermingarbörn koma þar mörg um
þessar mundir til stuttrar dvalar.
Hjálparstofnun kaþólsku kirkjunnar, Caritas,
afhenti nýlega Meðferðarheimilinu á Torfastöðum
550 þúsund króna styrk, sem er framlag til
byggingar skólahúss þar.
Þorrablót var haldið í annarri viku þorra í umsjá
Torfastaðsóknar. Það var með hefðbundnum hætti,
gestir snæddu úr trogum og skemmtu sér við
heimasamda gamanþætti, söng og dans.
Ær frá Guðmundi á Vatnsleysu fannst í Kiðagili á
afrétti Bárðdælinga um miðjan febrúar. Hermt er að
hún hafi verið illa á sig komin eftir langa hrakninga.
Fregnir hafa borist af að hjá Sjónvarpinu sé verið
að ganga frá þætti um skógræktarsvæðið í
Haukadal. Upptökur fóru fram þar síðsumars en
sýndur mun hann verða fyrir vorið næsta.
Kristín Sigurðardóttir í Bergholti II, áður húsmóðir
í Víðigerði, lést í Reykjavík á aðfangadag. Hún var
jarðsett Torfastöðum.
Börnin tvö á Stöllum, sem fórust nýársnótt, hétu
Pétur Steinn Freysson Njarðvík og ísabella Diljá
Hafsteinsdóttir. Þau voru jörðuð í Skálholti.
Guðrún Einarsdóttir, sem var fædd á Litla-Fljóti
fyrir rúmum 100 árum og uppalin þar, andaðist í
Reykjavík í febrúarbyrjun og var jarðsett á
Torfastöðum.
Guðmundur Jónsson, áður bóndi á
Kjaransstöðum, lést á Selfossi um miðjan febrúar.
Hann var jarðaður á Torfastöðum.
A.K.
________________________ Litli - Bergþór 5