Litli Bergþór - 01.03.1995, Blaðsíða 3

Ritstjómargrein
í vetur hafa þær náttúruhamfarir orðið sem vekja okkur til umhugsunar um stöðu okkar og
smæð gagnvart náttúruöflunum.
Hér er auðvitað átt við snjóflóðin sem hafa orðið vestur á fjörðum og eru þau öllum kunnug.
Þjóðin öll hefur sýnt hug sinn í verki með glæsilegri söfnun en peningar koma þó aldrei til
með að bæta allan þann missi sem þar hefur orðið.
Ritstjórn Litla Bergþórs vill fyrir hönd UMF Bisk. og allra íbúa Biskupstungnahrepps senda
öllum sem eiga um sárt að binda vegna þessara atburða dýpstu samúðarkveðjur
Biskupstungur gætu einnig eins og svo margir aðrir staðir á Islandi orðið fyrir
mannskæðum náttúruhamförum. Hér er einkum átt við jarðskjálfta en einnig er
tjón vegna eldgosa hugsanlegt.
I þeim umræðum sem hafa fylgt í kjölfar snjóflóðanna hefur komið fram að
menn hafa teflt á tæpasta vað með byggingar á svæðum sem varað hafði verið við
sem hættulegum. I þessu ljósi er sú tillaga sem fram hefur komið um úttekt á byggingum með
tilliti til styrkleika við jarðskjálfta nauðsynleg. Að fleiru þarf þó að hyggja. Nauðsyn góðs
skipulags almannavarna og öruggur og styrkrar stjórnar hefur sannað gildi sitt.
Ekkert er þó hægt að gera nema vel búnar og vel æfðar björgunarsveitir séu fyrir hendi.
Leitarhundar voru notaðir til að leita að fólki í snjóflóðunum. Er ekki nauðsyn að hafa slíka
hunda til að leita í rústum eftir jarðskjálfta ?
Samkvæmt spá jarvísindamanna er að vænta öflugs jarðskjálfta á Suðurlandi á næstu
20 árum. Sögulegar heimildir benda til þess að styrkur hans geti orðið verulegar í
Biskupstungum. Látum ekki henda okkur að hafa ekki gert það sem hægt er til að forða
tjóni þegar þar að kemur. Við verðum að kynna okkur þær varúðarráðstafanir sem hægt er
að gera heima við. Við verðum að styðja í verki þá sem vinna almannavörnum og
bj örgunarstörfum.
Aðeins með þessu móti getum við reynt að draga úr því áfalli sem getur orðið. Verum
viðbúin.
P.S.
Ritnefnd Litla Bergþórs að störfum en henni
bætist jafiit og þétt liðsauki. Nýjasti meðlimurinn
Margrét í Miðhúsum sefur ífangi Elínar.
Litli - Bergþór 3