Litli Bergþór - 01.12.1995, Blaðsíða 16
Frá Landgræðslufélaginu
Hér er ætlunin að segja frá tveimur framkvæmda-
dögum á vegum Landgræðslufélagsins í sumar. Félagið
hefur haft forgöngu um fleira. Þar er að telja áburðar-
dreifingu í Skálholtstungu og við Arbúðir. En hér verður
sagt frá áburðardreifingu fyrir innan Sandá og ferð, sem
farin var í september inn Haukadalsheiði og í Fremstaver.
Fyrri dagurinn er miðvikudagurinn 28. júní. Þá fór
hluti sauðfjárbænda úr Biskupstungum inn fyrir Sandá að
dreifa áburði og fræi. Landgræðslan hefur lengst af séð
um áburðardreifingu á uppgræðsluna við Sandá, en á
síðasta ári tóku sauðfjárbændur að sér að sjá um að koma
út áburði á þetta svæði. Aburðinn greiða
Biskupstungnahreppur, sauðfjárbændur og Land-
græðslan í sameiningu.
Þorfinnur og Garðar á Spóastöðum, Björn í Utlilíð,
Sigurður á Furubrún, Arnheiður í Gýgjarhólskoti og Helga
á Gýgjarhóli í nýrœkt á Haukadalsheiði. Sandvatn,
Sandvatnshlíð og Bláfell í baksýn.
Við Eiríkur lögðum af stað frá Gýgjarhólskoti eftir
mjaltir og tókum Magnús á Kjóastöðum með. Tvo
traktora áttum við á Kattarhrygg, annan fyrir áburðar-
dreifara en hinn fyrir vagni. Þeir höfðu verið daginn áður
við Árbúðir við áburðardreifingu. Á vagninum voru 6
tonn af áburði og um 300 kg af grasfræi. Þessu ætluðum
við að dreifa í grennd við sæluhúsið í Fremstaveri. Inn í
Fremstaver vorum við komin um kl. 11. Þá var að renna
í hlað Guðmundur bóndi á Vatnsleysu, á sinni Fiat
dráttarvél með áburðardreifara, tilbúinn í slaginn.
Fljótlega birtist Valur á Gýgjarhóli búinn traktor og
áburðardreifara. Var strax hafist handa við að blanda
áburði og fræi í dreifarana og spreða þessu síðan út um
melana. Eftir nokkra stund kom Amór í Arnarholti á
dráttarvél með áburðardreifara. Þetta virtist ætla að
ganga alveg eins og í sögu. Veðrið var að batna.
Þokunni frá því um morguninn að létta og veðrið hið
ákjósanlegasta til áburðardreifingar. Þá neitaði Zetorinn
hans Arnórs að dreifa áburði og þurfti að hefja samninga
við hann. Rétt í sama bili kom Eiríkur labbandi, hann var
kominn í hvarf og búinn að festa traktorinn í drullu.
Valur fór að draga hann upp, svo nú var Gummi einn um
áburðardreifinguna. Þetta átti að vera búið kl. 1, því þá
ætlaði Róbert að mæta með fullan bíl af áburði við
uppgræðsluna við Sandá. Þetta hafðist þó allt. Valur dró
Eirík upp án þess að festa traktorinn. Að vísu festi Valur
sig sjálfan undir áburðardreifaranum svo að korraði í
honum. Þegar Arnór var búinn að semja við traktorinn,
var Gummi rétt búinn að dreifa. Klukkan var líka orðin
eitt svo ég dreif mig á mínum fjallabíl niður að Sandá að
athuga málið.
Þar var Róbert mættur með áburðinn. Einnig voru
komnir þar vaskir menn með sína áburðardreifara,
Kjartan í Tungu, Heimir á Krók og Margeir á Brú. Þeir
voru farnir að setja í dreifarana. Athugað var með
stillingar á dreifurunum til að dreifimagnið yrði við hæfi
(um 150 kg/ha). Þeir fóru svo að dreifa þvert á
graslendið þarna. Fljótlega bættist Ragnar ráðsmaður á
Torfastöðum í hópinn. Svo komu þeir sem verið höfðu
að dreifa við Fremstaverið. Nú fór þetta að ganga vel.
Þó er alltaf erfitt að halda röð í svona dreifingu, langt á
milli og ekki alltaf hægt að keyra beint af augum vegna
skorninga og annars landslags. Það er helst að passa að
ekki sé oft dreift á það sama.
Um kl. 15 kom Jóhannes á Brekku með annað
áburðarhlass, sem gekk greiðlega að dreifa. Klukkan 17
var búið að dreifa öllum áburðinum. Þá var sest niður og
borðað nesti og málin rædd. Síðan var hugsað til
heimferðar. En mikill hluti af tímanum sem fer í þessa
dreifingu liggur í milliferðunum. Það voru allir ánægðir
eftir gott dagsverk.
Föstudaginn 8. sept. var farin ferð á vegum
félagsins inn á Haukadalsheiði, innúr „á milli vatna“ og
endað í Fremstaveri. Farið var frá Haukadal upp úr kl.
13 á þremur jeppabifreiðum. Með í för voru 9 félagar í
Landgræðslufélaginu, landgræðslustjóri og starfsmaður
Landgræðslunnar, Aðalsteinn Steinþórsson. Sigurður
Greipsson og frú fylgdu ferðinni af stað á bíl frá
Landgræðslunni. Farið var upp í gegnum
skógræktarlandið í Haukadal og inn á Haukadalsheiði.
Þar var stoppað, landið og gróðurinn skoðaður, í mjög
góðu veðri, undir leiðsögn starfsmanna Land-
græðslunnar. Þar mátti sjá lúpínuplöntur, melgresis-
sáningar og uppgræðslu með kjötmjöli, svo eitthvað sé
nefnt.
Áburðardreifing við Sandá.
Af Haukadalsheiði var farið inn á Biskupstungna-
afrétt með því að keyra eftir stíflugörðum milli
Sandvatnanna og yfir affallið úr efra vatninu. Þegar allir
voru komnir heilu og höldnu upp úr ánni dreif
landgræðslustjóri í að festa landgræðslujeppann í
sandbleytu við vatnið. Björn í Uthlíð brá snarlega við og
dró farartækið upp úr drullunni með sínum eðaljeppa.
Torfur niður við vatnið undan Sandvatnshlíð voru
skoðaðar úr tjarlægð og nánar með fuglaskoðunarkíki
Ingólfs á Engi. Á torfunum sáust 6 kindur. Ákveðið var
að Landgræðslan sæi um að girða þessar torfur. Síðan
var ekið að Rótarmannagili og skoðaður árangur af því
starfi sem þar hefur verið unnið. Þá var farið í
Fremstaver og drukkið þar kaffi, borðaðar samlokur og
kaka og málin rædd. Þegar allir voru mettir var haldið
heim á leið. Komið var við í girðingunni við Djúphóla
og skoðaður gróður þar. Aftur var komið í Haukadal um
kl. 19 eftir vel heppnaða ferð.
Arnheiður Þórðardóttir
Litli - Bergþór 16