Litli Bergþór - 01.07.1998, Blaðsíða 5

Hvað segirðu til?
A þeim tíma, sem þessi pistill greinirfrá, eða mars til
byrjunar júlí, hefur tíðarfar verið mjög gott.
Frostakaflinn í febrúarlok og marsbyrjun skildi eftir
nokkurn klakabörk íjörðu, og hvarfhann ekki aðfullu
fyrr en komið varfram íjúní. Snjór var nœstum enginn á
láglendi og lítill tilfjalla, rigningasamt var framan af
maí og ekki sérlega hlýtt, en síðari hluti hans var með
eindœmum blíður og einnig júní. Marga daga var
sólskin og logn en nokkuð kalt um nœtur. Hiti varð allt
að 20 stigum suma dagana undir lok maí, og laufguðust
tré þá mjög ört, og birkið varð algrœnt áfáum dögum.
Sœmilegt sauðkropp var komið á tún upp úr 20. maí, og
sumstaðar varfarið að láta kýr út um hvítasunnu. Viku
afjúní var úthagi víða orðinn töluvert grænn. íbyrjun
júní gerði tvisvar haglél víða í sveitinni svo ber mold og
möl gránuðu í bili. Síðari hluta júní var einnig mjög milt
veðurfar.
Menningarlífið hefur ekki verið sérlega líflegt nú á
vordögum. Ymsa viðburði má þó nefna, svo sem söng
kórs frá Færeyjum í Skálholtskirkju, söngskemmtun
Alftavatnskórins, Söngkórs Miðdalskirkju og
Skálholtskórs í Aratungu síðasta kvöld vetrar, söng
þriggja barnakóra, Oddakirkju, Gnúpverja og
Biskupstungna, við messu í Skálholtskirkju síðla í maí og
á tónleikum að henni lokinni, þar sem Sinfóníuhljómsveit
áhugamanna lék einnig.
Helgihald hefur að öðru leyti einkennst mjög af
bamaguðsþjónustum, hefðbundnum messum um páska
og fermingu á hvítasunnu.
í vor hefur risið herjans mikið íþróttahús við
Reykholtslaug. Það er háreist en að því séð verður
ánallra glugga.
Sveitungar og samstarfsmenn þökkuðu fráfarandi
oddvita, Gísla Einarssyni, samstarfíð síðustu áratugi með
samsæti í Aratungu snemma í júní. Þar var boðið uppá
kokteil og kjötsúpu, ávörp flutt og sungið af list.
Greint er frá merkisviðburðum, svo sem afmæli Umf.
Bisk. og fundum í tengslum við kosningar, annars staðar
í blaðinu.
Þjóðhátíð var haldin í hefðbundnum stfl. Hún hófst
með guðsþjónustu í Torfastaðkirkju, skrautreið með
fjallkonu í söðli í broddi fylkingar austur í Aratungu, þar
sem hún flutti hátíðaljóð úti. Þar var einnig flutt
hátíðarávarp og Skálholtskórinn söng. í sundlauginni var
brugðið á leik, m. a. dró nýkjörin hreppsnefnd
maka sína og fleiri aðstandendur í
laugina í reiptogi.
Drauga- og
tröllaskoðunarfélag Evrópu hélt
ráðstefnu í Skálholti seint í júní. Þar voru
gestir fræddir um skrímsli, drauga, tröll og fleira
af því tagi. Einnig var álfakirkja í Reykholti og
sýruker á Bergsstöðum skoðað.
Árbók Ferðafélags íslands 1998 er
nýkomin út. Hún heitir Fjallajarðir og
Framafréttur Biskupstungna og er skrifuð að
Gísla Sigurðssyni frá Úthlíð.
Frímann IS 40 tekinn út úr skipasmíðastöðinni á
Miðhúsum í maí 1998. Hann hefur aflað ágœtlega í vor.
í vor hefur verið unnið að endurbyggingu um 2 km
kafla Biskupstungunabrautar frá Fellsrana og upp fyrir
Þverkeldu á mörkum Fellskots og Vatnsleysu. Vonertil
að nýuppbyggður vegur með bundnu slitlagi verði
kominn upp fyrir Heiði fyrir haustið. Væntanlega verður
notuð í hann möl, sem er verið að mala í nýrri námu við
Tungufljót í landi Hjarðarlands. Bygging nýrrar brúar
yfir Andalæk hefur verið boðin út.
Sjálfvirk veðurathugunarstöð hefur verið reist við
Skálholtsveg fyrir vestan Skálholt. Hún gefur
upplýsingar um hitastig, vind og bflaumferð, og birtast
þær í textavarpi.
Allmiklar framkvæmdir eru í fyrrum sláturhúsi í
Laugarási. Aðstaða til gestamóttöku hefur verið bætt og
tækjum til fiskverkunar og fiskibollugerðar komið þar
fyrir. Fleira er á prjónunum, svo sem aðstaða fyrir
sölumarkað, þar sem áður var fjárrétt.
Ferðamenn urðu varir við kindaspor í Fögruhlíð um
páska. Tveir Tungnamenn fóru að leita þeirra og fundu
tvær veturgamlar kindur frá Magnúsi á Kjóastöðum.
Tókst þeim að ná gimbrinni, en hrúturinn gekk þeim úr
greipum enda færi vont til eltinga, laus snjór ofan á hörðu
hjarni. Þau voru vel á sig komin og bar gimbrin á
sauðburði.
Fullum mánuði síðar sáust tvær gráar veturgamlar
kindur og eitt grátt lamb vestan við Svartá á móts við
Árbúðir. Við eftirgrennslan reyndust þær frá Val á
Gýgjarhóli, og tókst aðeins að ná hrútnum, og var hann
talinn í dágóðum holdum. Þær bíða allar fjallmanna í
haust að verða færðar til byggða.
Daginn eftir þjóðhátíð var áburði dreift með
dráttarvélum á uppgræðslulandið á Tunguheiði. Þar
var slóðadregið daginn þar á eftir. Þann dag voru 24
tonn borin á nýræktina fyrir innan Sandá og 6 tonn við
Fremstaver. Þegar menn voru að koma frá því verki sáu
þeir að sláttur var hafinn í Brattholti.
Allmargir bændur aðrir hófu slátt undir lok júní.
Helga Guðrún Eiríksdóttir, húsmóðir á Bóli, lést í
byrjun júlí. Hún var jarðsett á Torfastöðum.
A. K.
Litli - Bergþór 5