Fréttabréf Ættfræðifélagsins - 01.02.1997, Side 14
aðsent - aðsent - aðsent - aðsent - aðsent - aðsent - aðsent -
Ásmundur U. Guðmundsson, á Akranesi leitar
gjaman til félaga í Ættfræðifélaginu þegar finna þarf
svörvið áleitnum spumingum. Erþað til eftirbreytni;
vel mættu fleiri félagsmenn nýta sér Fréttabréfið til
samskipta við aðra lesendur blaðsins. Vonandi
bregðast félagsmenn vel við spurningum Ásmundar
ef svör finnast.
Hér á eftir fara bréf sem Ásmundur hefur ritað
Fréttabréfinu síðustu mánuði og er hann beðinn
velvirðingar á því hvað dregist hefur að birta þau en
það stafar af því hve stopul útgáfa Fréttabréfsins
hefur verið að undanfömu.
H.H.
Kæra Ættfræðifélag
Enn á ný leita ég á náðir ykkar í Ættfræðifélaginu.
Þannig er, mér er svo gjörsamlega fyrirmunað að
finna stafkrók um mann, sem hét Kristmann T orfason,
vitað er að hann fór til Vesturheims 1887, þá bam að
aldri, með foreldrum sínum, Torfa Sveinssyni bónda
í Kirkjuskógi í Miðdölum, Dalasýslu (þar 1871-87,
áður í Neðri-Hundadal 1857-71) og þriðju konu hans
Guðrúnu Jónsdóttur. Settust þau að í Glenboro í
Manitoba og áttu þar heima til æviloka. Þrátt fyrir leit
í líklegum sem ólíklegum gögnum, finn ég ekki
stafkrók um þennan frænda minn Kristmann, nema
smá klausu, aðeins nafnið hans og að hann hafi fallið
í heimsstyrjöld, í Dalamönnum 1. bindi á bls. 237.
Yrði ég mjög þakklátur hverjum þeim sem gæti frætt
mig um lifshlaup Kristmanns, sömuleiðis um bróður
hans Matthías, sem líkur benda til að sé fæddur á
Islandi, getur eins verið fæddur vestanhafs, hann finn
ég ekki heldur.
Þrátt fyrir leit í Vestur-íslenzkum Æviskrám,
hefur mér ekki tekist að finna neitt um Torfa Sveinsson
og hans fólk nema í 2. bindi á bls. 247-8, er þar
lesning varðandi Jón Andrés Olsen uppeldisson hans
en hann var sonur Guðrúnar þriðju konu Torfa. Um
hin börn Torfa, sem fóru vestur um haf 1887, Kristfríði
Jensínu og Kristhönu Ingibjörgu og Gísla sem fór
vestur um haf með fjölskyldu sína 1888, finn ég ekki
neitt nema í Dalamönnum 3. bindi, þar er smávegis
um þau, eins um Torfa, sem skrifað er mest um.
Þar sem vitnað er til búsetu afkomenda Gísla
Torfasonar vestan hafs finn ég ekki neitt þó leitað
hafi mikið í Vestur-íslenzkum Æviskrám. Væri ég
þakklátur hverjum þeim sem frætt gæti mig um
afkomendur Gísla, búsetu þeirra og lífshlaup.
Það skal segjast eins og er, að mjög er andstætt að
eiga heima utan borgarmarka Reykjavíkur, en þurfa
að sækja stofnanir og söfn þau er geyma gögn
varðandi ættfræði, varla er hægt fyrir þá senr langt
eiga að sækja að offra einum, jafnvel fleiri dögum
fyrir áhugamál sín íleitir að efni, því skrifstofutíminn
er stuttur á degi hverjum, svo meira en hálfur dagurinn
væri til lítils gagns.
Það væri til bóta fyrir ættfræðigrúskarana ef
viðeigandi stofnanir væru með opinn tíma utan við
hefðbundinn opnunartíma, svona 2-3 tíma einu sinni
í viku eða hálfsmánaðarlega, fyrir þá sem ættu heima
utan umráðasvæðis Reykjavíkur, en væru að grúska
í ættum sínum.
\
Til athugunar
Vegna skrifa minna í síðasta tölublaði
Fréttabréfs Ættfræðifélagsins um Jón Gott-
skálksson ogKristínuNeveláBlómsturvöllum
á Hellissandi, vil ég gera hér yfirbót. Eftir að
blaðið kom út, var mér bent á dóm frá árinu
1812, í dóma-og þingbók Snæfellsnessýslu,
þar sem fyrirgreind Jón og Kristín koma við
sögu. Eftir að hafa athugað þennan dóm, svo
og dóma-og þingbókina næstu ár á eftir, sýnist
mér að mikilll vafi sé á því, að Jón Gott-
skálksson hafi verið faðir Kristjönu (f. um
1815) sem seinna var húsfreyja í Bjarneyjum.
Vissulega áttu þau Jón Gottskálksson og
Kristín Nevel börn saman, þar á meðal Krist-
jönu, sem f. var 12.des. 1811 á Blómsturvöll-
um og dó á 1. ári, en þar með er ekki sagt og
raunar ekki líklegt, að Jón Gottskálksson hafi
verið faðir Kristjönu í Bjarneyjum. Með
þessu aukast líkurnar á því að sá hafi verið
Jón Jónsson í Lukku, sem áður hefur verið
nefndur. Þetta bið ég niðja Kristjönu í Bjarn-
eyjum að hafa í huga. Og þá er mál að linni
bollalegginum mínum um barnsfeður
Kristínar Nevel.
7. janúar 1997
Eggert Th. Kjartansson.
V_______________________________________)
14