Fréttabréf Ættfræðifélagsins - 01.02.2012, Blaðsíða 2

Fréttabréf Ættfræðifélagsins í febrúar 2012
FRETTABREF
^ETTFRÆÐIFÉLAGSINS
Útgefandi:
© Ættfræðifélagið
Ármúla 19,108 Reykjavík.
® 588-2450
aett@aett.is
Heimasíða:
http://www.ætt.is
Ritnefnd Fréttabréfs:
Guðfinna Ragnarsdóttir
S 568-1153
gudfragn@mr.is
Ragnar Böðvarsson
S 482-3728
grashraun@gmail.com
Ritstjóri
Fréttabréfs:
Guðfinna Ragnarsdóttir
Laugateigi 4, 105 Reykjavík
® 568-1153
gudfragn@mr.is
Ábyrgðarmaður:
Anna Guðrún Hafsteinsdóttir
formaður Ættfræðifélagsins
annagunnah@simnet.is
Umbrot:
Þórgunnur Sigurjónsdóttir
Meira um framhjáhald bændanna
í tilefni frásagnanna um framhjáhald bændanna í næstsíðsta Fréttabréfi
sendi Benedikt Sigurðsson eftirfarandi viðbót með góðum kveðjum:
„Þegar ég las greinina um Jakob í Vesturhaga og systurnar sem hann
eignaðist börnin með rifjaðist upp vís'a sem gamall Þingeyingur kenndi
mér fyrir mörgum árum.
Á þorrablótum norður þar í sveit Jakobs var siður að kveða alltaf nýja
rímu af bændum sveitarinnará hverju ári, enda margt góðra hagyrðinga í
Þingeyjarsýslum. Einu sinni var Guðmundur Friðjónsson skálda á Sandi
fenginn til að yrkja bændarímu ársins. Tók hann það að sér og fór það vel
úr hendi, eins og hans var von og vísa.
Vísan um Jakob í Vesturhaga var þannig:
Jakob Hagann Vestur- ver,
veiðir á dorg með snilli.
Oft og tíðinn öngul ber
ála tveggja milli.
Ekki nein stóryrði, en meiningin skilst.“
Viðbót ritstjóra:
Þessi vísa um Jakob í Vestur-Haga rifjaði upp aðra frábæra vísu sem ort
var um Forna, son Jakobs og Sesselju. Forni (1907-1998) og kona hans
Margrét Hjálmarsdóttir (1918 -2005 ) bjuggu m.a. í Fornhaga í Aðaldal.
Þau áttu sex börn, fyrstu fjögur nokkuð þétt. Þá orti Egill Jónasson á
Húsavrk eftirfarandi vísu:
Kvölds og morgna gleðigjörn
girndarnornin sporin hvetur.
Enn er Forni að eignast börn
enginn spornað við því getur.
Það má til gamans geta þess að Margrét Hjálmarsdóttir var langafabarn
Bólu-Hjálmars.

Efni sem óskast birt í
blaðinu berist umsjónar-
manni á rafrœnu formi
(tölvupósturlviðhengi)
Prentun: GuðjónÓ

Prentað efni
Fréttabréf Ættfræði-
félagsins er prentað í 450
eintökum og sent öllum
skuldlausum félögum. Verð
í lausasölu er 300 kr. Allt
efni sem skrifað er undir
nafni er birt á ábyrgð
höfundar. Annað er á
ábyrgð ritstjórnar.
Athugasemd við ættrakningu
I Fréttabréfi Ættfræðifélagsins, nóvember 2006, eru raktar ættir Jóns
Espólíns sýslumanns. Á bls. 12, grein 18, geri ég eftirfarandi athugasemd-
ir:
Nr 8. Þar mun rétt farið með fæðingarár Bjama Magnússonar á
Melgraseyri, þ.e. 1530. Vitað er að Eiríkur bróðir hans fæddist 1528.
Nr. 9. Magnús Einarsson faðir hans getur ekki verið fæddur 1550 eða 20
árum síðar en synirnir. Menn telja Magnús fæddan á árunum 1470-1504
og hefur verið skotið á u.þ.b. 1490.
Nr. 10. Á sama hátt er áætlað fæðingarár Einars Magnússonar alrangt
(1480). Hann gæti hafa verið fæddur á bilinu 1435-1460.
Enn varðandi lið nr. 9 í 18. grein. Kona Magnúsar Einarssonar getur
ekki verið Guðríður Þorsteinsdóttir sem var fædd 1580, ættuð frá Múla í
Aðaldal. (Hún er u.þ.b. 90 árum yngri en Magnús Einarsson). Guðríður
þessi átti allt annan mann, en kona Magnúsar hét hins vegar Svanborg.
Það þarf mjög lítið til að svona villur komi inn, slíkt gæti gerst (og ger-
ist) hjá hverju okkar sem er, en leiðrétta skal það þegar eftir því er tekið.
Gunnar Guðmundsson frá Heiðarbrún.
http://www.aett.is
2
aett@aett.is