Árbók VFÍ/TFÍ - 01.06.1995, Blaðsíða 93

Lög og reglur VFÍ 91
5. gr.
Verkfræðinemar, sem lokið hafa tveimur námsárum af háskólanámi í verkfræði eða
vísindagrein, sem verkfræðin byggist á, geta orðið félagar með takmörkuðum réttindum og
skyldum skv. 11. og 12. gr. meðan þeir stunda námið. Nefnast þeir unglélagar.
6. gr.
Aðalstjórn félagsins getur boðið fræðimönnum í raunvísindum og framkvæmdamönnum
að gerast kjörfélagar, enda mæli sérstakar ástæður með því.
7. gr.
Aðalstjórn félagsins getur kjörið heiðursfélaga menn, sem leyst hafa af hendi mikilsverð
störf á sviði verkfræði eða vísinda.
Inntaka fclaga
8. gr.
Aðalstjórn setur menntamálanefnd reglur um meðferð umsókna (inntökureglur), þar sem
m.a. skal kveðið á um lágmarkskröfur sem gera skal til menntunar nýrra félagsmanna.
Þeir, sem óska að gerast félagar skv. 1. lið 4. gr., skulu senda framkvæmdastjórn umsóknir
um inngöngu á þar til gerðum eyðublöðum ásamt æviágripi og mynd.
Framkvæmdastjóri félagsins sendir menntamálanefnd VFI til umsagnar allar umsóknir um
inngöngu í félagið og/eða verkfræðingstitilinn.
Ef umsögn menntamálanefndar er jákvæð og umsækjandi íslenskur ríkisborgari ber
framkvæmdastjórn að veita honum aðild að félaginu.
Ef umsögn er jákvæð, en umsækjandi erlendur ríkisborgari, þarf meirihluti aðalstjórnar
félagsins að mæla með inngöngu í félagið.
Ef umsögn er neikvæð getur aðalstjórn ekki veitt viðkomandi aðild að félaginu, nema í
algjörum undantekningartilvikum, t.d. ef viðkomandi getur ekki atlað tilskilinna gagna vegna
styrjalda eða af stjómmálalegum ástæðum. í slíkum tilfellum þarf aðalstjórn að samþykkja
inngöngu samhljóða.
9. gr.
Verkfræðinemar, sem óska eftir inntöku samkv. 5. gr., skulu senda framkvæmdastjórn
skriflega umsókn.
Framkvæmdastjórn tekur endanlega afstöðu til slíkra umsókna.
10. gr.
Til kjörs kjörfélaga og heiðursfélaga þarf samhljóða atkvæði allra aðalstjórnarmanna.
Skyldur fclaga
11. gr.
Félagsmönnum er skylt að fara eftir lögum félagsins, stéttarreglum, samkeppnisreglum og
öðrum samþykktum þess.
Sérhver almennur i'élagi er skyldur til að verða við kosningu til starfa í félaginu, nema gild
forföll hamli, en getur neitað endurkjöri jafnlangan tíma og hann hefur gegnt störfum.