Árbók VFÍ/TFÍ - 01.06.1995, Blaðsíða 176

174 ÁrbókVFÍ/TFÍ 1994/95
Aukaaðild
6. gr.
Tæknifræðinemar sem lokið hafa a.m.k. einu námsári í tæknifræði geta orðið aðilar að
T.F.I. með takmörkuðum réttindum og skyldum. Aukaaðilar hafa tillögurétt á félagsfundum
en hafa ekki atkvæðisrétt. Aukaaðili getur ekki setið í stjórn T.F.I.
Inntaka félaga
7. gr.
Þeir sem óska eftir því að gerast félagar í T.F.I. skulu senda skrifstofu félagsins umsókn
sína á þar til gerðu eyðublaði ásamt afriti prófskírteinis, æviágripi og Ijósmynd.
8. gr.
Allar umsóknir um fulla aðild að félaginu skulu koma til umsagnar menntunarnefndar. Að
fenginni umsögn menntunamefndar tekur stjórn afstöðu til umsókna og séu þær samþykktar
samhljóða er inntaka umsækjanda þar með endanlega samþykkt. Umsóknir um aukaaðild eru
afgreiddar á stjórnarfundi. Sé ágreiningur í stjórn um afgreiðslu umsóknar, tekur félagsfundur
endanlega ákvörðun.
Réttindi og skyldur félaga
9. gr.
Félagar hafa einir rétt til að kenna sig við félagið og nota skammstöfunina F.T.F.I. með
nafni sínu. Allir félagar hafa rétt til að vera félagar í einni eða fleiri deildum, með þeim tak-
mörkunum, sem lög þeirra segja til um.
Allir fullgildir félagar sem skuldlausir eru við félagið hafa atkvæðisrétt á félagsfundum.
10. gr.
Félagsmönnum er skylt að fara eftir lögum félagsins og stéttarreglum. Sérhver almennur
félagi er skyldur til að verða við kosningu til starfa í félaginu, nema gild forföll hamli, en
getur neitað endurkjöri jafnlangan tíma og hann hefur gegnt störfum.
Skipulag
11. gr.
Æðsta vald í málefnum félagsins hefur aðalfundur. Starfsemi félagsins stýrir stjórnin undir
forystu formanns, en framkvæmdastjóri og starfslið skrifstofu félagsins annast dagleg störf að
málefnum þess.
Innan vébanda félagsins starfa deildir og hagsmunafélög samkv. 28. gr. Fastanefndir starfa
innan félagsins að sérstökum málefnum.
Félagið getur gerst aðili að öðrum samtökum.
Félagsfundir
12. gr.
Félagsfundir skulu haldnir eins oft og ástæða þykir til.
Stjórnin getur boðið gestum á fundi félagsins. Hver félagi getur með leyfi formanns boðið
gestum á félagsfundi.
Stjórn getur og ákveðið að einstakir fundir séu opnir almenningi og auglýst þá samkvæmt
því.
Hvern félaga skal boða skriflega til fundar.