Neytendablaðið - 01.04.2003, Page 3

Almenn umsjón með málefnum neyt-
enda heyrir undir iðnaðar- og viðskipta-
ráðuneyti og hefur því ráðuneytið átt
mikið og gott samstarf við Neytendasam-
tökin á undangengnum áratugum.
Einkum á síðasta áratug hafa orðið mikl-
arbreytingará íslandi íátttil aukinsfrjáls-
ræðis í viðskiptum. Samhliða hefur fram-
boð á vörum og þjónustu til neytenda
aukist verulega. Til jafnvægis við aukið
markaðsfrelsi viðskiptalífsins þá hefur
áhersla verið aukin á neytendavernd til
dæmis með setningu löggjafar þegar það
hefur þótt nauðsynlegt, svo og með öðr-
um aðgerðum sem miða að betri fræðslu
og upplýsingum til neytenda.
Árið 1999 kom fyrst til framkvæmda
þjónustusamningur milli ráðuneytisins
og Neytendasamtakanna. Tilgangur hans
var einkum sá að hagkvæmt þótti að
nýta skrifstofu og starfslið samtakanna
til að veita neytendum upplýsinga- og
leiðbeiningaþjónustu. Auk þess tryggði
samningurinn ákveðna festu varðandi
fjárframlög ríkissjóðs og stuðlaði þannig
að meira rekstraröryggi fyrir samtökin
og var þetta því mikið framfaraspor fyrir
báða aðila samningsins.
Meginmarkmið neytendaverndar á frjáls-
um og opnum markaði eru einkum
fjórþætt:
• styrkja stöðu neytanda í löggjöf
• stuðla að öruggri og greiðri
upplýsingagjöf til neytenda
• auka neytendafræðslu og samþætta
hana við nám í grunnskólum
• tryggja að tillit sé tekið til
heilbrigðis-, öryggis-, og
umhverfissjónarmiða við
markaðssetningu á vörum og
þjónustu til neytenda.
Óhætt er að segja að Neytendasamtökin
hafa lagt áherslu á alla framangreinda
þætti með störfum sínum að neytenda-
málum. Umhverfi neytenda og markaðs-
aðstæður breytast þó mikið og hratt. Ný
fyrirbrigði, eins og t.d. verslun á Netinu
og erfðatækni, skapa oft ný og áður
óþekkt vandamál sem stjórnvöld þurfa
að leysa. Undir þeim kringumstæðum
er mikilvægt í lýðræðisþjóðfélagi að
stjórnvöld veiti aðhald og ábendingar
og að sterk rödd frá frjálsum og óháðum
samtökum á borð við Neytendasamtökin
heyrist.
Það er von mín að samtökin geti áfram
gegnt því lykilhlutverki sínu að vinna
að sem mestum áhrifum neytenda við
framþróun mála hjá stjórnvöldum eða
á markaðnum.
Loks vil ég óska Neytendasamtökunum
svo og starfsfólki þeirra allra heilla á 50
ára afmæli samtakanna.
Valgerður Sverrisdóttir
viðskiptaráðherra
NEYTENDABLAÐIÐ 1. TBL. 2003 3