Foringinn - 01.08.1975, Blaðsíða 30
25. ALHEIMSRAÐSTEFNA SKATA.
Alheimsráðstefna skáta
verður haldin í sumar i
25. skipti. Þessar ráðstefnur
eru haldnar annað hvert ár og
sCi venja hefur skapast, að árið
sem Jamboree er haldiö er
ráðstefnuár og ráðstefnan pá
haldin í nágrenni mótsstaðarins.
Þessi 25. ráðstefna verður
dagana 8.-15. ágúst i Kaupmanna-
höfn, Undirbúningurinn er i
tengslum við Nordjamb 75 undir
yfirstjórn nefndar sem skipuð er
fulltrúum allra Norðurlandanna.
Hins vegar eru margar danskar
undirnefndir að starfi og sjá
þær um alla raunverulega vinnu
við undirbúninginn, Ráðstefnu-
staðurinn er Danmarks Tekniske
Höjskole í Lyngby u.J.b. 2o km.
frá miðborg Kaupmannahafnar.
Þarna verða allir fundir, matast
verður i mötuneyti stúdentanna og
flestir fulltrúanna munu búa á
stúdentagörðunum við háskólann.
Allt háskólahverfið er nýtt og
aðstaða fyrir svona ráðstefnu-
hald mjög ákjósanleg.
A dagskrá ráðstefnunnar
eru fjölmörg mál. Fjallað er
inti upptöku nýrra þjoða i Alheims-
bandalag drengjaskata, breytingar
á lögum og reglugerðum, fjármál
og kosið i stjórn Alheimsbanda-
lagsins. Þá eru sömuleiðis alltaf
á dagskrá málefni sem snerta
skátastarfið sjálft, s.s. þjálfun
upplýsingamiðlun og framtíðai5-
verkefni skátunar.
Hver þjóð á rétt á 6 fulltrúum
hið mesta og hafa þjóðirnar
jafnan atkvæðisrétt. Stefnt er
aö því að Island eigi þarna
4 - 6 fulltrúa.
Frekari upplýsingar um
25. Alheimsráðstefnu drengja-
skáta er að fá hjá Arnfinni
Jónssyni, fulltrua B.I.S. í
undirbúningsnefnd ráðstefnunnar.
FELAGSMERKI
30