blaðið - 31.05.2005, Qupperneq 14

þriðjudagur, 31. maí 2005 I blaðið
blaðió
Útgáfufélag: Ár og dagur ehf. Stjórnarformaður: Sigurður G. Guðjónsson. Ritstjóri:
Kart Garðarsson. Auglýsingastjóri: Steinn Kári Ragnarsson. Ritstjórn og auglýsingar:
Bæjariind 14-16,201 Kópavogur. Aðalsími: 510-3700. Símbréf á fréttadeild: 510-
3701. Símbréf á auglýsingadeild: 510-3711. Netföng: vb!@vbl.is, frettir@vbl.is,
auglysingar@vbl.is. Prentun: Prentsmiðja Morgunblaðsins. Dreifing: íslandspóstur.
Er þörf á að rannsaka
einkavæðingu ríkisbankanna?
Blaðið, eins og aðrir ^ölmiðlar, greindi frá því í gær að Stein-
grímur J. Sigfússon, formaður Vinstri grænna, vildi rannsókn
á sölu ríkisbankanna með opinberum hætti. Tilefni þessara
ummæla Steingríms J. Sigfússonar var greinaflokkur Sigríð-
ar Daggar Auðunsdóttur, blaðamanns á Fréttablaðinu, um
einkavæðingu ríkisbankanna fyrrverandi, þ.e. Búnaðarbanka
íslands hf. og Landsbanka íslands hf. Þetta átti sér stað á ár-
inu 2002 fram til 16. janúar 2003, en þá var ráðandi hlutur í
Búnaðarbanka íslands hf. seldur svokölluðum S-hópi en 20.
október 2002 hafði 45,8% hlutur ríkissjóðs í Landsbanka ís-
lands hf. verið seldur Samson eignarhaldsfélagi ehf.
Salan á hlut ríkisins í bönkunum tveimur gekk ekki andskota-
laust fyrir sig eins og sjá má þegar fréttir fjölmiðla frá þessum
tíma eru skoðaðar. Steingrímur Ari Arason, nefndarmaður í
framkvæmdanefnd um einkavæðingu, sagði sig úr nefndinni í
byrjun september 2002 eftir tíu ára starf. Aðrir nefndarmenn
sátu hins vegar sem fastast. Fréttablaðið greinir svo frá því 10.
október 2002 að ráðherrar takist á um sölu bankanna. Forsæt-
isráðherra vilji selja Landsbankann áður en Ríkisendurskoð-
un felli dóm sinn. Ráðherrar Framsóknarmanna vilji hins veg-
ar ekki hreyfa við sölunni fyrr en skýrsla Ríkisendurskoðunar
sé komin út.
Ríkisendurskoðun, sem starfar á vegum Alþingis, gerði skýrslu
um framkvæmd einkavæðingar bankanna í kjölfar úrsagnar
Steingríms Ara Arasonar þegar skýrsla þessi lá fyrir í byrjun
október 2002. Að fenginni þessari skýrslu sagði þáverandi for-
sætisráðherra, Davíð Oddsson, í viðtali við fjölmiöla:
„Meginniðurstaða í skýrslu Ríkisendurskoðunar er sú að engar
reglur hafa verið brotnar og það hafi verið sanngjörn og eðli-
leg niðurstaða að taka upp viðræður við Samson-hópinn. Þar
með er önnur meginniðurstaðan sú að þær ásakanir sem komu
fram í bréfi Steingríms Ara Arasonar til mín eiga ekki við rök
að styðjast. “
Steingrímur Ari Arason var einnig spurður álits á rannsóknar-
skýrslu Ríkisendurskoðunar og sagði þá í fjölmiðlum:
„Skýrsla Ríkisendurskoðunar er innlegg íþetta mál en hún seg-
ir hins vegar ekki alla söguna heldur einungis hluta hennar.
Hún hlýtur hins vegar að vekja ýmsar spurningar en það er
kannski annarra að meta hvort það er ástæða til að fá svör við
þeim spurningum og þá hvenær.“
Steingrímur J. Sigfússon tjáði sig líka í fjölmiðlum um rann-
sóknarskýrslu Ríkisendurskoðunar og sagði m.a.:
,Að mjög hörð gagnrýni komi fram hjá Steingrími Ara Ara-
syni í skýrslu Ríkisendurskoðunar. Ennfremur komi fram hörð
gagnrýni frá fjárfestum og erlendum bankamanni. Gagnrýni
þessara aðila gangi m.a. út á það að reglur nefndarinnar hafi
verið óljósar og óskýrar og svo virðist sem þær hafi að einhverju
leyti verið smíðaðar jafnóðum eða eftir á. Eg kalla þetta nú
býsna harða gagnrýni og þungan áfellisdóm. Og undir þetta
tekur Ríkisendurskoðun að ýmsu leyti þótt hún að vísu - með
vinsamlegri túlkun og ákveðnum bláþræði í röksemdafærslu
- komist að þeirri niðurstöðu að menn sleppi fyrir horn vegna
þess að hinar opinberu verklagsreglur hafi ekki beinlínis verið
brotnar."
í ljósi framangreindra tilvitnana hlýtur sú spurning að vakna
um hvað það sé sem Steingrímur J. Sigfússon vill að nú verði
rannsakað varðandi einkavæðingu ríkisbankanna. Hver á
að gera þá rannsókn sem Steingrímur J. Sigfusson vill að
fari fram og það sem mikilvægast er - hver er tilgangurinn
með rannsókninni? Á að draga einhvern til ábyrgðar ef regl-
ur reynast hafa verið brotnar og þá hvern? Greinar Sigríðar
Daggar Auðunsdóttur í Fréttablaðinu varpa engu nýju ljósi
á framkvæmd einkavæðingar og kalla ekki á neina sérstaka
rannsókn. Þær staðfesta aðeins það sem allir hafa vitað - að
einkavæðing ríkisfyrirtækja hér á landi hefur frá upphafi ver-
ið í skötulíki og að engu leyti á forræði Einkavæðingamefndar,
nema að nafninu til. Sannaðist það strax þegar SR-mjöl hf. var
selt fyrir liðlega tíu ámm til aðila sem ekki hafði einu sinni
haft fyrir því að skila tilboði innan auglýsts tilboðsfrests, við
verði sem var lægra en það sem boðið var af þeim aðila sem fór
eftir leikreglum Einkavæðingarnefndar.
Kókaín
í banönum
Tollarar £ Bandaríkjunum fundu á
dögunum um 350 kíló af kókaíni fal-
in í bananaknippum sem komu frá
Ekvador. Smyglararnir föndruðu
eftirlíkingar af knippum úr trefja-
gleri og máluðu því næst þannig
að þau líktust ósvikinni vöru. Kók-
bananaknippunum var svo dreift um
1.080 kassa bananasendingu þannig
að tollayfirvöld í Miami ganga nú um
svæðið og skera úr um hvort bananar
séu náttúrulegir eður ei. Zach Mann,
talsmaður tollayfirvalda, segir að
smyglaramir hafi líklegast haft auð-
veldari aðferð til þess að finna fíkni-
efnin - „slökkvum á loftræstingunni
og látum ósvikna bananana rotna,
þá finnum við hina“. Yfirvöld leita að
hugsanlegum viðtakendum sending-
arinnar.
Mannfall
í írak
Að minnsta kosti 21 maður lést og
um 100 særðust í tveimur sjálfs-
morðsárásum í írak í gær. Um 500
lögreglumenn í borginni Hillah voru
að mótmæla ákvörðun borgarstjór-
ans um að leysa upp sveit þeirra.
Vitni sagði að fyrri sprengingin hefði
orðið um miðbik mótmælafundar-
ins og sú seinni sprakk nokkrum
mínútum síðar. Al-Qaida segist bera
óbyrgð ó árásunum sem hafi beinst
gegn sérsveitum í írak. jg
Misnotkun á
neyðarlínu
86 ára kona í Bandaríkjunum eyddi
tveimur sólarhringum í ftmgelsi eftir
að hafa hringt í neyðarlínuna 20 sinn-
um á 38 mínútum til að kvarta und-
an pítsuveitingastað. Konan var æf
vegna þess að veitingastaðurinn var
ekki með heimsendingarþjónustu.
Þegar lögregla mætti heim til henn-
ar til að spyijast fyrir um misnotkun
hennar á neyðarlínunni sparkaði
hún, beit og og klóraði lögreglumenn
sem sáu þann eina kost í stöðunni að
flytja hana í fangelsi.
Mikil hátíðahöld voru í höfuðborg Frakka í gær þegar Ijóst var að þeir höfðu neitað
stjórnarskrá Evrópusambandsins. „Chirac í fangelsi" stendur á laki sem hengt var á
minnismerki á Bastillu-torginu í París.
Ný stjórn Frakklands
Reuters
Jacques Chirac Frakklandsfor-
seti mun í dag tilkynna hvort, og þá
hverjar, breytingar verði gerðar á
ríkisstjórn hans eftir kosningarnar
á sunnudaginn. Chirac hefur gefið í
skyn að miklar breytingar gætu orð-
ið á stjóminni en hann mun ávarpa
frönsku þjóðina í kvöld. Allra augu
eru á forsætisráðherranum, Jean-
Pierre Raffarin, en talið er að hann
fái að fjúka. Þá er litið til þeirra Dom-
iniques de Villepin innanríkisráð-
herra og Nicolas Sarkozy, formanns
UMP-flokks Chiracs, sem hugsan-
legra eftirmanna Raffarins.
Það að Frakkar hafi neitað að
samþykkja stjórnarskrá Evrópusam-
bandsins er mikill áfellisdómur á
Chirac og litu margir Frakkar á það
sem svo að með því að neita að sam-
þykkja hana hafi þeir mótmælt allri
þeirri stefnu sem ríkisstjórn Chiracs
stendur fyrir. Sjálfur hefur Chirac
neitað að segja af sér og ætlar hann
að bíða eftir forsetakosningum 2007.
Hann var kosinn með yfirgnæfandi
meirihluta árið 2002 en þá voru marg-
ir á því að kjósa frekar þrjótinn held-
ur en fasistann. Chirac var þá þij ótur-
inn en Jean-Marie Le Pen, róttækur
hægri maður, var fasistinn.
Jórdönsk sýningarstúlka var með þessa óvenjulegu hárgreiðslu á
sýningu í hárgreiðslukeppni í borginni Petra í Jórdaníu. Þátttakendur
voru frá Arabaríkjum og Evrópu og keppnin stóð í tvo daga. Ekki fylgir
sögunni hvort stúlkan komst í úrslit.