blaðið - 14.01.2006, Blaðsíða 22
22 I VIÐTAL
LAUGARDAGUR 14. JANÚAR 2006 blaöið
BlaöiO/Steinar Hugi
Fréttamenn eiga að vera stéttlausir
Bogi Ágústsson hefur starfað
við fjölmiðla með litlum hléum
í um þrjátíu ár. Nú er hann
forstöðumaður fréttasviðs
RÚV. Hann er fyrst spurður um
mál málanna, dagblaðið DV en
ritstjóraskipti urðu þar í gær í
kjölfari háværra mótmæla vegna
fréttaflutnings blaðsins.
„DV hefur gert marga góða hluti og
tekið á málum sem aðrir hafa ekki
gert en DV menn hafa staðið í þeim
reginmisskilningi að sannleikur sé
andstaða við tillitssemi og nærgætni.
Ég skil ekki af hverju menn með
jafn mikla reynslu halda að þetta
tvennt geti ekki farið saman,“ segir
Bogi. „Þar að auki hef ég staðið þá
að því hvað eftir annað að fara rangt
með staðreyndir um leið og þeir
veifa sannleikstrénu. Ég nefni eitt
lítið atriði sem snerti mig og mína
kollega hér á Ríkissjónvarpinu þegar
DV reiknaði okkur upp í gríðarlega
há laun og skellti fréttinni á forsíðu.
Þetta er ekki stórt atriði og engan
veginn eins alvarlegt og það sem
gerðist á dögunum en þetta var
kolvitlaust hjá þeim. Þeim var sagt
það og leiðréttingu var lofað. Eg
fletti blaðinu þrisvar og sá ekki
þessa leiðréttingu. Einhver benti
mér á hana þar sem hún var falin
innan um smáauglýsingarnar. Þetta
var ekki leiðrétting heldur var sagt
að sumar tölur í fréttinni hefðu verið
rangar. Þetta finnst mér ekki lýsa
mikilli sannleiksást. Vinnureglur
á RÚV eru á þann veg að ef við
förum með vitleysu þá biðjumst við
afsökunar en reynum ekki að breiða
yfir mistökin eða fela þau.
Aðgát skal höfð í nærveru sálar
er ekki innantómur frasi. Það þarf
ekki að stangast á við sannleikann
að sýna aðgæslu. Ég hef aldrei
tíðkað það sem fjölmiðlamaður
að berja mér á brjóst og segja að
ég hafi höndlað hinn eina og rétta
sannleika, ég hafi rétt fyrir mér
en allir aðrir hafi rangt fyrir mér.
Ég ætla ekki að segja mönnum á
öðrum fjölmiðlum fyrir verkum en
þessa ristjórnarstefnu höfum við
rekið á Ríkisútvarpinu. Við látum
hlustendum og áhorfendum eftir
að dæma okkur. Við segjum ekki að
við séum bestir, mestir og flottastir.
Kannski er þetta uppeldisatriði. Mér
var kennt það þegar ég var barn að
ég ætti ekki að hrósa sjálfum mér.
Sjálfshól þótti ekki mjög fínt. Þetta
situr í mér.“
Þarf ekki auðmenn til
að reka fjölmiðla
Hvernig líst þér á fjölmiðlaflóruna?
„Nokkru áður en Bónusveldið
yfirtók helstu keppinauta RÚV var
útlitið á íslenskum fjölmiðlamarkaði
ekki mjög beysið. Aðrir hafa orðið
til að segja frá því með hvaða hætti
Stöð 2 var starfrækt þegar Jón
Ólafsson átti hana. Ég man ekki
betur en að Sigurður G. Guðjónsson
hafi sagt að of mikið af peningum
hafi verið teknir út úr því fyrirtæki.
Fróðir menn segja mér að fyrirtækið
hafi gengið ágætlega fram að þvi.
Það þarf ekki auðmenn til að reka
fjölmiðla ef þeir eru reknir á sínum
eigin forsendum. Það er gróska í
blaðaútgáfu. Fréttablaðið virðist
ganga afskaplega vel og Blaðið hefur
gengið betur en ég bjóst við. Þegar
99................
Stundum velti ég því
fyrir mér að ég hefði
getað gert eitthvað
annað við lífmitt
en það er hugsun
sem hvarflar ekki
að mér lengur en í
fimm mínútur."
það fór af stað bjóst ég frómt frá sagt
ekki við því að grundvöllur væri
fyrir rekstrinum en svo virðist vera.“
\
Sjóntækjafræðingur með réttindi til
sjónmælinga og linsumælinga
Endumýjar þú gleraugun þín nógu oft
eða langar þig bara í ný?
Vaxtalaus kjör í allt að 24 mánuði
engin útborgun
Suðurlandsbraut 50,
í bláu húsunum við Faxafen
Slmi: 568 1800