blaðið - 06.09.2006, Blaðsíða 2

2 MIÐVIKUDAGUR 6. SEPTEMBER 2006
blaðiA
VEÐRIÐ f DAG
Bjart vestan til
Hægviðri í morgunsárið og bjartviðri um
vestanvert landið, en dálítil væta aust-
antil. Styttir upp og léttirtil austanlands
síðdegis, en þykknar upp vestantil. Hiti
8 til 15 stig.
Á MORGUN
Urkomulítið
Suðlæg átt, átta til fimmtán
metrar á sekúndu og víða
rigning, en úrkomulítið um
landið norðaustanvert. Hiti 10
til 16 stig.
VÍÐA UM HEIM
Algarve 28
Amsterdam 23
Barcelona 27
Berlín 20
Chlcago 15
Dublin 17
Frankfurt 27
Glasgow
Hamborg
Helsinki
Kaupmannahöfn
London
Madrid
Montreal
15 New York
21 Orlando
18 Osló
17 Palma
23 París
32 Stokkhólmur
16 Þórshöfn
17
23
17
28
27
18
11
Kraftaverkafarsími:
Þvoði farsíma
í þvottavélinni
„Ég stillti á kerfi fyrir litaðan
þvott. Síminn fór ferð í gegnum
þvottavélina, í gegnum öll kerfin.
Ég þurrkaði rafhlöðurnar á ofn-
inum og hann var í fínu lagi eftir
þvottinn,” segir Guðmundur
Ármannsson, bóndi á Vaði í
Skriðdal.
Guðmundur gleymdi farsím-
anum sínum í vasa á vinnugall-
anum sínum og setti hann með
í þvott. Þrátt fyrir að hafa farið í
gegnum allt ferlið í þvottavélinni
þá var í lagi með símann á eftir.
„Við keyptum þennan síma á
Egilsstöðum og þetta var ódýr
tegund. Hann var bara svona
rosalega sterkur.”
Farsíminn sterkbyggði þurfti
síðar að þola aðra ferð í vatn og í
það skiptið fór verr.
„Ég tapaði simanum aftur í
vatn. Vinnugallann setti ég í
skurðinn á túninu til þess að
hreinsa hann og gleymdi aftur
símanum í vasanum. Gallinn lá í
tvo sólarhringa í vatninu og það
lifði síminn ekki af, þvi miður.”
Eva Magnúsdóttir, upplýsinga-
fulltrúi Símans, segir raka-
skemmdir algenga ástæðu þess
að farsímar eyðileggist.
„Það er óvenjulegt að síminn
hafi verið í lagi eftir ferð í þvotta-
vél,” segir Eva.
Lá rænulaus í sólarhring eftir líkamsárás:
Endurteknar árásir
á Bandaríkjamann
■ Sleginn á spjalli við íslenskar stelpur ■ íslendingar pirraðir á ferðamönnum
þeim afleiðingum að hann féll vank-
Eftir Val Grettisson
________________ valur@bladid.net
,Þetta byrjaði á því að nokkrir Islend-
ingar voru að atast í okkur vegna
þjóðernis," segir John Henrikson,
Bandaríkjamaður sem varð fyrir
líkamsárás um næstsíðustu helgi
vegna deilna við nokkra íslendinga.
John og þrír vinir hans komu til
íslands til þess að njóta lands og
þjóðar. Ekki fór betur en svo að ís-
lenskur piltur sló hann í andlitið
með þeim afleiðingum að tennur
hans brotnuðu, kinnbein brákaðist
og hann nefbrotnaði. Árásin átti sér
stað í Austurstræti.
John flaug fyrr heim en til stóð
vegna áverkanna og fór i aðgerð í
heimalandi sínu í gær. I samtali frá
San Fransisco segist hann hafa haft
ánægju af heimsókninni þrátt fyrir
árásina og eftirmál hennar.
„Við vorum að tala við íslenskar
stelpur þegar einn náunginn sem
gerði grín að okkur sló mig skyndi-
lega,“ segir John, en höggið kom
honum algjörlega að óvörum. Hann
segir að í bræði hafi hann slegið
til baka og þá kom lögreglan. Að
sögn Johns útskýrðu stúlkurnar
að íslenski strákurinn hefði slegið
hann að ástæðulausu. Lögreglan
tók niður nafn Johns og félaga hans
og þeir lýstu Islendingnum.
„Á þessari stundu hélt ég að þetta
væri búið og við vinirnir ætluðum
að fara á næsta bar og skemmta
okkur eftir leiðindin,“ segir John
sem er allur stokkbólginn og illa
farinn í andliti. Hann segir að þegar
þeir voru á leiðinni á barinn hafi
vinir sínir kallað á sig, hann hafi þá
snúið sér við og um leið sló fslend-
ingurinn hann aftur í andlitið með
aður í jörðina.
„Vinir mínir komu til mín og
spurðu hvort ég væri ekki í lagi. Ég
var mjög ringlaður og áttaði mig
ekki á því hversu þungt höggið
hafði verið,“ segir John sem áttaði
sig ekki á alvarleika meiðslanna
fyrr en daginn eftir. Hann ákvað að
bíða og athuga hvort bólgan hjaðn-
aði ekki en ástandið breyttist ekkert
að hans sögn.
Mánudaginn eftir árásina fór hann
á spítala á Islandi og kom þá í ljós
að hann yrði að fara í aðgerð. Hann
ákvað þá að flýta ferðinni heim og
fór í aðgerð í Bandaríkjunum í gær,
rúmri viku eftir árásina, því bíða
þurfti þess að bólgan hjaðnaði í and-
liti hans.
„Við félagarnir tókum sérstaklega
mikið eftir því að Islendingum lík-
aði alls ekki við okkur og voru oftar
en ekki dónalegir," segir John, dálítið
undrandi, enda hefur gestrisni íslend-
inga verið rómuð á meðal ferðalanga
sem sækja landið heim.
Framkvæmdastjórar þriggja
skemmtistaða höfðu svipaða sögu
að segja um viðmót íslendinga gagn-
vart útlendingum í sumar en nokkuð
hefur borið á pirringi gagnvart þeim
í skemmtanalífinu að þeirra sögn.
Þeir segja að umhverfið á íslandi sé
mjög breytt miðað við hvernig það
var fyrir aðeins fimm árum, en taka
það sérstaklega fram að yfirleitt sé
ekki um fordóma að ræða.
John og félagar hans láta engan bil-
bug á sér finna þrátt fyrir árásina en
þeir ætla sér að ferðast til Suður-Am-
eríku næsta sumar.
Málið er í rannsókn hjá lögregl-
unni i Reykjavík, en árásarmaðurinn
er enn ófundinn.
NÝK VALKOSTUK Á
WTilí^
transport' W
toll- og flutningsmiðlun ehf
Fiskislóð 26 • 101 Reykjavík • Sími: 578 4600
www.transport.is • transport@transport.is
^70
Svalalokanir
- Svalaskjóí^
Islcnsk framlciösla
íslensk hönnun
Sérsmíði
www.solskalar.is
solskalar@solskalar.is
Sltni: 554 4300 - Smíó»W0 10 • 210 Gvfebc
Gluggar|Í&
ARÐHUSllehf
Geimfari frá Malasíu:
Ætla að fá sér
te á sporbaug
Malasar hyggjast brjóta blað í sögu
geimferða með því að verða fyrstir til
að laga te á sporbaug um jörðu. Tveir
fulltrúar Malasíu keppast nú um að
hljóta þá vegsemd að vera valinn til
þess að fara út í geiminn með rúss-
neskri eldflaug á næsta ári og munu
þeir því fá það verkefni að laga þjóð-
ardrykk lands síns, tedrykkinn teh
tarik, úti í geimnum.
Að sögn Hanir Omar, sem er yfir-
maður nefndarinnar sem kemur að
því að velja geimfarann sem mun ferð-
ast með Rússunum, hyggjast Malasar
slá tvær flugur í einu höggi með uppá-
tækinu. 1 fyrsta lagi að gera áhuga-
verða eðlisfræðitilraun og í öðru lagi
vekja athygli umheimsins á menn-
ingu Malasa. Það þykir býsna flókið
að laga teh tarik, jafnvel á jörðu niðri,
þar sem umhella þarf vökvanum
milli tveggja íláta nokkrum sinnum
til þess að mynda nauðsynlega froðu.
Ljóst er að flóknara er að hella upp á
drykkinn í þyngdarleysi
Fyrir þremur árum buðu Rússar
stjórnvöldum í Malasíu að senda
mann sér að kostnaðarlausu út í
geiminn með rússneskri flaug. Var
tilboðið hluti af vopnasölusamningi
á milli þjóðanna. Tveir menn koma
nú til greina en rússneskir sérfræð-
ingar munu að lokum velja fyrsta
geimfarann frá Malasíu. Hann fer á
sporbaug með Soyuz-geimfari eftir
ár.
Mexíkó:
Kosningar
staðfestar
Æðsta úrskurðarvald varðandi
kosningar í Mexikó staðfesti
niðurstöður forsetakosninganna
í júlí og mun því fátt koma í veg
fýrir að Felipe Calderon teljist
réttkjörinn forseti landsins.
Andstæðingur hans, Lopes
Obrador, hefur haldið því fram
statt og stöðugt að brögð hafi
verið í tafli. Obrador ætlar að
halda áfram að standa fyrir
fjöldamótmælum og fátt bendir
til að deilunni um kosningarnar
sé lokið.