blaðið - 23.02.2007, Qupperneq 25

blaöió
FÖSTUDAGUR 23. FEBRÚAR 2007
fólks. Biskupinn hefur einmitt svo-
lítið gagnrýnt okkur fyrir þetta en
hann hefur heldur aldrei komið og
kynnt sér þetta sem er náttúrlega
mjög slæmt,“ segir Sigurður.
„Ég minnist sérstaklega roskinna
hjóna sem komu til min eftir á og
voru nánast með grátstafinn í kverk-
unum vegna þess að þau voru svo
yfir sig ánægð með hvað þetta var
fallega gert. Hvað það var borin
mikil virðing fyrir þessum tíma,
bæði fólkinu sem stóð að þessum
ofsóknum og ekki síst fólkinu sem
varð fyrir þeim. Þetta er minnis-
varði um þennan tíma og það sem
gerðist þarna,“ segir Sigurður.
Menntatengd ferðaþjónusta
Starfsemi Strandagaldurs hefur
undið upp á sig frá upphafi og
ýmsar nýjungar bæst við. Þjóðtrú-
arstofa á Ströndum vinnur að marg-
víslegum rannsóknarverkefnum
um íslenska þjóðtrú og tekur þátt
í samvinnuverkefnum á sviði þjóð-
fræði, þjóðtrúar, menningar og
lista. Stefnt er að því að hún verði
upplýsingamiðstöð um íslenska
þjóðtrú og þjóðfræði.
Þjóðtrúarstofa tekur einnig
þátt í samstarfi við fræðimenn
og í dag fer einmitt fram kennsla
á háskólastigi i fyrsta skipti á
Hólmavík á vegum hennar þegar
meistaranemar í hagnýtri menning-
armiðlun við Háskóla Islands sækja
þangað fyrirlestra.
„Með tilkomu Þjóðtrúarstof-
unnar erum við svolítið að reyna
að sveigja Strandagaldur einnig
út í þessa menntatengdu ferðaþjón-
ustu sem er tiltölulega nýtt hugtak
og það felast í því gríðarlega mörg
tækifæri til að vera með sérstök
námskeið fyrir norðan, ekki bara
tengd göldrum eða þjóðtrú sérstak-
lega heldur margs konar námskeið
sem tengjast til dæmis sagnfræði,
fornleifarannsóknum og íslenskri
þjóðtrú," segir Sigurður.
Basknesk menningarhátíð
Auk Þjóðtrúarstofunnar og
Galdrasýningarverkefnisins vinna
Strandagaldursmenn að verkefni
sem fjallar um veru baskneskra
hvalveiðimanna í Hveravík við Stein-
grímsfjörð. „Við erum nú þegar
komin í samband við nokkuð stóra
rannsóknar- og menningarstofnun
í Baskalandi þar sem verið er að
búa til eftirlíkingar af litlum hval-
veiðibátum Baskanna. Þeir ætla sér
að sigla þeim hingað árið 2009 og
koma til okkar á Strandir þar sem
við munum taka á móti þeim með
baskneskri menningarhátíð,“ segir
Sigurður.
Þá eru einnig uppi hugmyndir
innan Þjóðtrúarstofu að gera út á
sögur af tröllum og segir Sigurður að
sér finnist tröll afskaplega heillandi.
„Við sjáum fyrir okkur að öll þessi
tröll sem við eigum úti um allt og
allar þessar sögur geti orðið jafn-
mikill iðnaður og jafnvel hvalaskoð-
unin er núna. Munurinn er sá að
við getum snert þessi stóru skrímsli,
haldið utan um þau eða klifrað á
þeim og heyrt af þeim sögur,“ segir
Sigurður.
Uppvakningur á Galdrasafni
Þessi ógnvekjandi uppvakningur tek-
urámóti gestum Galdrasafnsins.
Teiknimyndasaga um galdra
Galdrafárið á Ströndum hefur
verið rithöfundum innblástur á und-
anförnum árum og er skemmst að
minnast barnabókarinnar Stranda-
nornir eftir Kristínu Helgu Gunn-
arsdóttur og skáldsögunnar Þriðja
táknið eftir Yrsu Sigurðardóttur. í
fyrra kom út fyrsta bindi í þriggja
binda teiknimyndaseríu sem heitir
Islandia á vegum forlagsins Dargaud
sem er stærsta forlag teiknimynda-
bóka í Frakklandi. Höfundur bókar-
innar er Frakkinn Marc Védrines og
sótti hann einmitt innblástur að sög-
unni til Galdrasýningar á Ströndum.
„Hann kom einhvern tíma á Hólma-
vík og fór heim aftur ákveðinn í því
að hann myndi nota þetta efni, ís-
lenskan galdur og galdrahugmyndir,
í næstu teiknimyndaseríu. Við
höfðum ekki hugmynd um það fyrr
en hann kom aftur árið 2005 eftir að
hann hafði lesið það á heimasíðunni
okkar að við værum að fara að opna
Kotbýli kuklarans. Þá varð hann að
koma til að sjá það af því að hann
vantaði þann hugmyndaheim inn í
bókina, hvernig leiguþýið og þetta
fólk bjó. Kotbýlið er þungamiðjan í
bókinni og þar búa margar söguhetj-
urnar. Hann endurskapar það safn í
þessari bók,“ segir Sigurður.
Fjöldi erlendra ferðamanna sækir
sýningar Strandagaldurs heim á ári
hverju og segir Sigurður að viðbrögð
þeirra séu mjög misjöfn.
„Flestir erlendir ferðamenn sem
koma til landsins koma út af nátt-
úrunni og hafa oft ekki neinn sér-
stakan áhuga á íslenskri menningu
almennt. Það kemur líka til okkar
mjög mikið af fólki sem hefur sér-
stakan áhuga á menningu, þjóðtrú
og sagnahefðinni sem er svo afar
mikilvæg. Það á sérstaklega við
um fólk frá Mið-Evrópu, til dæmis
frá Belgíu og Þýskalandi," segir
Sigurður.
„Ég hef oft hugsað hvort ástæðan
kunni að vera sú að þessar þjóðir eru
að mörgu leyti búnar að týna þessu.
Þjóðverjar eiga að vísu Grimmsæv-
intýrin og það allt saman en sagna-
hefðin og þessi alþýðumenning
hefur orðið undir. Hún hefur aftur
á móti kannski lifað hér vegna þess
að við höfðum aldrei þessa hárnenn-
ingu sem yfirgnæfði alþýðumenn-
inguna í öðrum löndum. Sagna-
hefðin á baðstofunum og þjóðtrúin
hefur alltaf lifað með okkur,“ segir
Sigurður Atlason að lokum.