blaðið - 31.03.2007, Side 59

blaðið
Einu sinni Skati
ávallt Skáti
Hljómsveitin Skátar gefur nú út sína
fyrstu breiðskífu í fullri lengd en það
er útgáfufélagið Grandmothers Rec-
ords sem gefur plötuna út. Skífan
heitir Ghost ofthe Bollocks to Come
og kemur út mánudaginn 2. apríl.
„Þetta er fyrsta platan okkar í fullri
lengd en við höfum áður gefið út svo-
kallaða EP-plötu sem er svona mitt
á milli breiðskífu og smáskífu," seg-
ir Björn Kolbeinsson, Skáti.
Aðspurður um nafnið á plötunni
segir Björn það vísa á vissan hátt
til þess sem hefur verið að gerast
innan hljómsveitarinnar. „Það var
nefnilega þannig að tveir meðlimir
Skáta fluttu til útlanda en komu og
voru með okkur í upptökum á þess-
ari plötu, þannig að hún er svona
einhvers konar draugur af því sem
koma skal. Söngvarinn okkar flutti
til dæmis til Færeyja en það er von
á honum aftur innan tíðar. Svo má
líka segja að titillinn vísi að ein-
hverju leyti til heimsmálanna þar
sem það eru svona frekar gamlir
draugar sem stjórna heiminum."
Skátar vöktu mikla athygli í kjölfar
plötunnar Heimsfriður í Chile:
Hverju skal breyta, bœta við og
laga, og bárust sveitinni í kjölfarið
fyrirspurnir og tilboð frá erlendum
útgáfum. „Við höfnuðum þessum
tilboðum aðallega út af því að þetta
er eiginlega bara hobbý hjá okkur,
þannig að við erum ekki að leitast
við að meika það eins og sagt er. Okk-
ur langar bara til þess að spila mús-
ík og koma henni eitthvað aðeins
á framfæri en í þessum tilboðum
fólst eins og gengur og gerist fram-
sal á svo miklu, eins og réttindum
á lögunum þannig að þá væri hægt
að nota þau í auglýsingar og hringi-
tóna á símum og svoleiðis. Svo þyrft-
um við líka að vera tilbúnir til þess
stökkva til London hvenær sem er
til þess að taka upp myndband eða
sinna öðrum verkefnum. Okkur
fannst við missa svolítið sjálfsfor-
ræði ef við hefðum tekið þessu. Við
erum líka allir að gera eitthvað ann-
að, erum allir með fjölskyldu og ég
er í námi og svoleiðis þannig að það
væri svolítið erfitt."
Skátar eru að minnsta kosti sáttir
við plötuna sína en að sögn Björns
gekk upptakan vonum framar. „Við
erum mjög sáttir við útkomuna og
fólk á von á góðu. Það er einstaklega
góður hljómur á plötunni og gott
flæði í henni og okkur finnst þetta
allt vera mjög góð lög. Svo er um-
slagið virkilega skemmtilegt og vel
heppnað, þannig að við erum sáttir."
hilda@bladid.net

5531120 Opið frá kl. 15.00 alla da
Dalbraut 1-3 sími
EÐALBILAR
Lán til allt að 84 mánaða
Eigum frábært úrval nýlegra lúxusfólksbíla og jeppa frá Volkswagen, Audi og Mercedes-Benz með allt að 90% láni
á afar hagstæðum kjörum. í boði eru jafnlöng lán og á nýjum bílum, sem lækkar greiðslubyrðina til muna.
Bílarnir eru til sýnis á Bílaþingi, Laugavegi 174.
1

:>i . ick

Volkswagen
Mercedes-Benz
Opið kl. 10-18 á Laugavegi 174
m www.bilathing.is
bilathing@hekla.is
HEKLA Sími 590 5000
BILAÞING HEKLU
Númer eitt í notudiun bílum