blaðið - 28.04.2007, Page 18

16
LAUGARDAGUR 28. APRIL 2007
bla6ið
Hver yrðu áhrif
íslands innan ESB?

Óhagstæður mælikvarði „Formleg áhrif aðildar-
ríkja EvrópusambandsinS innan þess miðast fyrst
og fremst við íbúafjölda þeirra sem verðurað teljast
afar nhanstæfiiir mæHkx/arfti fvrir nkkur ísfanrlinna ”
IHII
Því er gjarnan haldið fram af þeim
sem vilja ganga í Evrópusambandið
að aðild sé nauðsynleg til þess að við
getum haft áhrif innan sambands-
ins. Látið er eins og þessi áhrif yrðu
mikil og jafnvel ýjað að því að við
myndum ráða öllu þar á bæ sem við
vildum. Minna er hins vegar farið út
í það nákvæmlega hversu mikil þessi
áhrif kynnu að verða. 1 ítarlegri og
fróðlegri skýrslu Evrópunefndar for-
sætisráðherra, sem nefndin sendi frá
sér i mars sl., eru þessu gerð skil á bls.
83-85.
Óhagstæður mælikvarði
Formleg áhrif aðildarríkja Evr-
ópusambandsins innan þess miðast
fyrst og fremst við íbúafjölda þeirra
sem verður að teljast afar óhagstæður
mælikvarði fyrir okkur fslendinga.
Gera má því ráð fyrir að áhrif okkar
innan sambandsins yrðu hliðstæð og
Möltu en þar bjuggu um 400 þúsund
manns í lok síðasta árs. ísland yrði
ásamt Möltu fámennasta aðildarrikið
og þar með með minnstu áhrifin.
Óheimilt að draga taum
heimalanda sinna
fsland fengi einn fulltrúa í fram-
kvæmdastjórn Evrópusambandsins.
í Nice-sáttamálanum er gert ráð fyrir
að þegar aðildarríkin séu orðin 27
(sem þau urðu um síðustu áramót)
verði fulltrúarnir í framkvæmda-
stjórninni færri en aðildarríkin sem
kemur væntanlega til framkvæmda
við skipun næstu framkvæmda-
stjórnar árið 2009 að óbreyttu. í fyr-
irhugaðri stjórnarskrá sambandsins
er hins vegar gert ráð fyrir að hvert
aðildarríki eigi aðeins fulltrúa í
framkvæmdastjórninni annað hvert
kjörtímabil en kjörtímabilið er 5 ár.
Þess ber þó að geta að fulltrúarnir í
framkvæmdastjórninni eru í raun
einungis fulltrúar aðildarrikjanna
að því leyti að ríkisstjórnir þeirra til-
nefna þá. Þess utan er þeim óheimilt
að draga taum heimalanda sinna og
ber einungis að líta til heildarhags-
muna Evrópusambandsins.
UmrϚan
Á móti myndum
við gefa eftiryf-
irráð okkaryfir
flestum okkar
málum.
Hjörtur J. Guðmundsson
Fulltrúi landsins
í leiðtogaráðinu sitja leiðtogar að-
ildarríkjanna og forsætisráðherra
íslands myndi sitja þar sem fulltrúi
landsins. f ráðherraráðinu myndi
fsland væntanlega fá þrjú atkvæði
af 345. Á Evrópusambandsþinginu
fengjum við 5 þingmenn af 785, 6 af
750 ef fyrirhuguð stjórnarskrá Evr-
ópusambandsins verður samþykkt.
M.ö.o. vel innan við 1 prósent vægi
í báðum tilfellum. f efnahags- og fé-
lagsmálanefnd sambandsins, sem
og héraðanefnd þess, myndi fsland
væntanlega líkt og Malta fá fimm full-
trúa en alls eru 344 fulltrúar í þessum
nefndum í dag.
Gefum eftir yfirráð okkar
ísland myndi tilnefna einn dóm-
ara í dómstól Evrópusambandsins en
hann væri, líkt og fulltrúinn í fram-
kvæmdastjórninni, ekki fulltrúi ís-
lenskrahagsmuna. Aðildarríkin skipt-
ast á að vera í forsæti ráðherraráðsins
í sex mánuði í senn. Miðað við 28
aðildarríki færi f sland með forsætið á
14 ára fresti. Ef stjórnarskráin verður
samþykkt verður þetta kerfi afnumið
og í staðinn kemur sérstakur kjörinn
forseti ráðsins.
Að öðru leyti myndi í raun ekkert
breytast við aðild hvað varðar áhrif
okkar innan Evrópusambandsins.
Aðaláhrif íslands innan sambands-
ins myndu áfram byggjast á „lobby-
ism”, rétt eins og raunin er í dag. Á
móti myndum við gefa eftir yfirráð
okkar yfir flestum okkar málum og
lítið sem ekkert hafa um þau að segja
eftir það.
Höfundur er sagnfræðinemi
Sjálfstæðisflokkurinn vill jafna
foreldraábyrgð kynjanna!
Veigamiklar breytingar hafa
orðið á hlutverkum kynjanna á
síðustu áratugum. Eitt sinn voru
konur heimavinnandi og karlar
fyrirvinnur heimilanna. Konur
sóttu út á vinnnumarkaðinn og
börnin fóru í leikskóla og í dag
taka karlar almennt meiri þátt í
heimilisstörfum og uppeldi barna.
Ennþá bera konur að meðaltali
meiri ábyrgð á heimili og börnum
og karlar bera að meðaltali meira
úr býtum á vinnumarkaði. Fáar
konur eru á meðal æðstu stjórn-
enda stórfyrirtækja landsins og
óútskýrður launamunur kynjanna
er talinn vera um 15 prósent. Það
eru um 14.000 mæður sem búa
ekki með barnsfeðrum sínum, en
þær hafa lögheimili um 20.000
barna hjá sér, þ.e. barna yngri en 18
ára. Þær bera þ.a.l. mesta ábyrgð á
uppeldi þeirra og hafa stöðu, skatta-
lega og félagslega sem foreldri og
einstætt foreldri ef þær eru ekki í
sambúð með nýjum maka. Það eru
um 12.000 feður sem greiða meðlög
með þessum 20.000 börnum. Trú-
lega er kynbundinn munur hvergi
meiri en í þessum málaflokki, sem
telur 26.000 foreldra eða um 16 pró-
sent af vinnandi fólki á íslandi.
Sjálfstæðisflokkur setti
lög um fæðingarorlof
Sjálfstæðisflokkur hafði for-
göngu um að setja lög um fæðing-
Foreidrajafnrétti
er leið til að ná
iaunajafnrétti
kynjanna.
Gísli Gíslason
arorlof, þar sem réttur kynjanna
til töku fæðingarorlofs var að veru-
legu leyti jafnaður. Víða erlendis er
horft til þeirra fyrirmyndar sem
hin íslensku fæðingarorlofslög
eru. í útgáfu fréttablaðs Fathersd-
irect í apríl 2007 fjölluðu þessu
virtu bresku samtök um íslensku
fæðingarorlofslögin. Þar segir
m.a.: „Iceland - the world-leader
in promoting active fatherhood am-
ong new dads”. Forysta fslands á
heimsvísu er óskoruð og óumdeild
í þessum málaflokki. Fyrir gildis-
töku laganna gátu ungar konur á
vinnumarkaði lent í því að karlar
væru frekar ráðnir í störf, vegna
þess að þær hygðu á barneignir.
Með lögum um fæðingarorlof var
körlum tryggður sambærilegur
réttur og konum til orlofstöku
vegna barneigna. Það má fullyrða
að hér bætti aukinn réttur feðra til
foreldraábyrgðar stöðu kvenna á
vinnumarkaði.
Sjálfstæðisflokkurinn setti
lög um sameiginlega forsjá
Undir forystu Björns Bjarnasonar
dómsmálaráðherra var sameiginleg
forsjá lögfest sem meginregla við
skilnað foreldra. Þetta þýðir að löggjaf-
inn gefur þau skýru skilaboð að við
skilnað ber foreldrum að fara áfram
sameiginlega með ábyrgð á börnum
sínum. Að gefinni þeirri forsendu
að sameiginleg forsjá þróist í jafna
foreldraábyrgð, þá mun þessi löggjöf,
eins og fæðingarorlofslögin, einnig
jafna stöðu kynjanna á vinnumarkaði.
Sjálfstæðisflokkurinn vill
jafna foreldraábyrgð
Enn er langt í land að kynin beri
jafna ábyrgð á uppeldi barnanna og
enn er langt í launajafnrétti kynjanna,
því miður. Á nýliðnum landsfundi
Sjálfstæðisflokksins var samþykkt
ályktun um fjölskyldumál, sem segir
m.a: „Stuðla ber að því að báðir for-
eldrar beri ávallt sem jafnasta ábyrgð
á uppeldi barna, óháð hjúskaparstöðu
foreldranna. Sameiginleg forsjá verði
meginregla frá fæðingu barns án til-
lits til þess hvort foreldrar búa saman.”
Enginn flokkur er líklegri en Sjálf-
stæðisflokkurinn til að halda áfram
að jafna foreldraábyrgð kynjanna
og stuðla þar með að launajafnrétti
kynjanna.
Höfundur býr á Álftanesi og skipar 15.
sæti á lista sjálfstæðismanna í
SV-kjördæmi
Græn framtíð
Við vinstri græn viljum hugsa
lengra. Við viljum hugsa til fram-
tíðar sem nær lengra en eitt fjár-
lagaár, lengra en eitt kjörtímabil,
lengra en ein mannsævi. Þess vegna
heitir umhverfisstefna okkar Græn
framtíð. í henni er tekið á nýjan
og heildstæðan hátt á umhverfis-
málunum. Umhverfisstefna okkar
tekur til að mynda á málefnum
eins og umhverfismennt, stjórn-
sýslu umhverfismála, náttúru-
siðferði, loftslagsbreytingum og
vatnsauðlindinni.
Vatnsvernd tryggð
í Grænni framtíð eru sett fram
markmið til lengri og skemmri
tíma, en líka leiðirnar sem bestar
eru til að ná þessum markmiðum.
Til að mynda viljum við að sam-
ráð við almenning um vatnsvernd
sé tryggt. Vatnið er sameiginleg
auðlind og á að vera sameign þjóð-
arinnar allrar. Við viljum að nem-
endur í leik-, grunn- og framhalds-
skólum hljóti markvissa menntun
í anda sjálfbærrar þróunar, þar
§Við stefnum að
því að mynda
nýja, græna
ríkisstjórn
Umrœðan
Gestur Svavarsson
með talda fræðslu um umhverfis-
mál. Framgangur stefnu af þessu
tagi þýðir að meðvitund fólks um
umhverfismál eykst með tímanum,
með aukinni fræðslu. Ákvarðana-
taka ætti að taka mið af umhverfis-
sjónarmiðum í ríkara mæli en nú
- og aðgengi fólks að ákvarðantöku
um skipulags- og umhverfismál í
sínu nánasta umhverfi þarf að vera
þannig að venjulegt fólk geti haft
þar bein áhrif.
Græn ríkisstjórn
Umhverfismál mega ekki vera
afgangsstærð sem hugsað er um
þegar aðrar ákvarðanir hafa þegar
verið teknar. Þess vegna snertir
Græn framtíð á öllum helstu mála-
flokkum sem stjórnmálamenn
glíma við, ekki bara náttúruvernd
og landnýtingu, heldur líka at-
vinnumálum, samgöngumálum og
efnahagsmálum. Eitt af því sem
við leggjum til er að umhverfisráðu-
neytið fái hærri sess en nú, þannig
að til þess sé litið með svipuðum
hætti og ráðuneytis efnahagsmála.
Við stefnum að því að mynda nýja,
græna ríkisstjórn þann 12. maí og
auka þá vægi umhverfismála svo
um munar. Stjórnarandstaðan er
aðeins hársbreidd frá þvi ætlunar-
verki sínu og byrinn er með okkur.
Það er ekki heillaspor fyrir þjóð-
ina að hafa sama flokkinn í ríkis-
stjórn í 20 ár eins og stefnir í ef við
fáum ekki Sjálfstæðisflokkinnn úr
stjórnarráðinu.
Við viljum allt aðra ríkisstjórn -
græna ríkisstjórn og græna framtíð.
Höfundur skipar 3. sæti á lista Vinstri
grænna (Suðvesturkjördæmi
Náðu flrreftEffl imrgíj

í sumar!
“Eg sexfaldaði lestrarhraða minn á 3 vikum!
Frábært!”
Guðjón Bergmann, 34 ára rithöfundur, f
yrirlesari og jógakennari.
“Ykkur að þakka mun ég rúlla upp samræmdu
prófunum.”
Jökull Torfason, 15 ára nemi.
“...á eftir að spara mér hellings tíma af
námsbókalestri.”
Ragna Björk Ólafsdóttir, 17 ára nemi og golfari.
■Snilldarnámskeið kom ý'emmölegaá óvart hversu .Loksins sé ég fram á það að ge(a k|árað
“Þetta mun nýtast mér alla ævi.”
Jóhanna Helga, 15 ára grunnskólanemi.
miklum hraða ég náði.”
Guðbjörg Jónsdóttir, 40 ára Framhaldsskóíakennari.
lesbækur fyrir próf”
Elín Björk Jónsdóttir, 15 ára nemi.
Skráning á sumarnámskeið Hraðlestrarskólans er hafin á www.h.is og í síma 586-9400
Hvað segja nemendur okkar um námskeiðið:
Frábært, markvisst, hnitmiðað, æviábyrgð, nytsamlegt, krefjandi, skemmtilegt, mjög gott, skipulagning, einbeiting,
jákvæðni, mikil aðstoð, góður kennari, spennandi, árangursríkt, hvetjandi, góð þjónusta.

HRAJEDI JESTFÍARSKÓL JINN