blaðið - 22.08.2007, Blaðsíða 26

34
MIÐVIKUDAGUR 22. ÁGÚST 2007
blaóiö
ORÐLAUSLÍFIÐ
ordlaus@bladid.net
Breskar konur virðast til dæmis fylgjast meira
með tísku og fréttum af fræga fólkinu en
íslenskar þannig að við þurftum aðeins að létta
síðuna og taka inn meira af þess háttar efni.
Miðnæturbíó
á kvikmynda-
hátíðinni
Alþjóðleg kvikmyndahátíð fer
fram dagana 27. september til 7. okt-
óber næstkomandi en þetta verður
í fjórða skipti sem íslendingum er
boðið upp á slíka kvikmyndaveislu.
Miðnæturbíó hefur verið einn
vinsælasti viðburður Alþjóðlegrar
kvikmyndahátíðar í Reykjavík
síðastliðin þrjú ár en á þeim
sýningum er hinu óhuggulega, sér-
kennilega og sprenghlægilega gert
hátt undir höfði og áhersla lögð á
að skapa annars konar og frjálslegri
stemningu en þekkist venjulega í
bíóhúsum borgarinnar. Að þessu
sinni fer miðnæturbíó fram þann
29. september og verða þá sýndar
tvær nýjar myndir auk þess sem
hljómsveit mun flytja þekkt stef úr
hryllingsmyndum síðustu áratuga.
I ár verða sýndar kvikmyndirnar
The Tripper eftir David Arquette
og nýsjálenska kvikmyndin Black
Sheep eftir Jonathan King.
16 plötusnúðar koma fram á Nasa á laugardag
Islandsmet í skífuskanki
íslandsmetið i fjölda plötusnúða á einu kvöldi verður
slegið á laugardag þegar sextán plötusnúðar koma
fram á Nasa. Þetta fullyrðir Kristinn Bjarnason, betur
þekktur sem Dj Ghozt, í samtali við Blaðið.
„Ég er að halda árshátíð íslenskra plötusnúða á Nasa,“
segir Kristinn. „Þeir sem fram koma verða við í klúbba-
þættinum Flex af X-inu, Ghozt og Brunhein. Svo ætla
þeir úr Party Zone að senda Grétar G. á svæðið. Hann
er búsettur í Skotlandi, en við í Flex Music ákváðum að
fljúga honum heim. Hann verður heiðursgestur á þessu
kvöldi.“
Aðrir plötusnúðar sem koma fram eru tvímenning-
arnir af Teknó.is, Exos og Eyvi. Þá koma fram Ingvi,
Skapti og Beatur úr Groovebox-genginu, Jonfri, Oli
Ofur og Tryggvi úr Barcode-hópnum, Aj og Danni úr
Bigroom-klíkunni og loks munu Plugg’D-peyjarnir
Tweak, Jayarr og Frigore sjá um fjörið á efri hæðinni.
Kristinn Bjarnason Draugurinn lofar stemningu á laugardaginn.
Húsið verður opnað klukkan 23 og kostar 1.500
krónur inn.
atli@bladid.net
Tónleikar í íslensku óperunni á morgun
Listamenn flytja
tónlist Tom Waits
Fjöldi þekktra tónlistarmanna
mun stíga á stokk í Islensku óper-
unni fimmtudagskvöldið 23. ágúst
næstkomandi. Tilefnið er tónleikar
til styrktar Barnaspítala Hringsins
og er dagskráin helguð tónlist Tom
Waits.
Söngvarar á tónleikunum eru
meðal annars Ragnhildur Gísla-
dóttir, Daníel Ágúst, Pétur Ben,
Bjarni Lárus Hall, Höskuldur
Ólafsson, Sigríður Eyrún, Didda og
Krummi auk þess sem leikarinn
Björn Hlynur Haraldsson mun
leyfa gestum að njóta raddar sinnar.
Undir leikur hljómsveitin The bad
livers and the broken hearts band,
en bandið var slcipað sérstaklega af
þessu tilefni. Meðal átta hljómsveit-
armeðlima eru þeir Frank Hall, Sig-
tryggur Baldursson og Pétur Ben.
Miðarnir rjúka út
„Hún Sigríður Eyrún kom til
okkar í Vesturportið og spurði
hvort við gætum tekið þátt í
þessu. Við höfðum samband við
Frank Hall, sem er tónlistarstjóri
tónleikanna, og svo bara varð þetta
einhvern veginn miklu stærra en
við bjuggumst við,“ segir Rakel
Garðarsdóttir, framkvæmdastjóri
Vesturports, og fullyrðir að um sé
að ræða rjómann af listamönnum
landsins.
„Við erum ofboðslega ánægð
með þennan hóp og það er mikill
áhugi og eftirvænting. Þarna verða
átta manna hljómsveitir og um
12 söngvarar minnir mig, svo að
þetta verður rosa prógramm. Við
reyndum líka að fá fólk sem maður
sér ekki endilega fyrir sér taka
Tom Waits-lögin. Maður hugsar til
dæmis ekki beint til Röggu Gísla
eða Krumma þegar tónlist Tom
Waits er annars vegar, en það er
einmitt það skemmtilega við þetta.
Við sjáum söngvarana í nokkuð
öðru ljósi en venjulega.“
Miðasala á tónleikana hefst í
íslensku óperunni í dag og eru
miðarnir þegar farnir að rjúka út.
„Við höfum samt verið að selja miða
síðustu daga á twtonleikar@gmail.
com. Miðarnir hreinlega rjúka
út og við búumst við að það verði
pakkfullt á þessum tónleikum. Það
ætti líka enginn að missa af þessu,
þetta verður frábært!“ segir Rakel
að lokum.
halldora@bladid.net
Þurftu að laga síðuna að breskum konum
Femín færir út kvíarnar
Eigendur femin.is hafa
verið að kynna sér
breskar konur undanfarin
ár og hafa opnað vefsíð-
una femin.co.uk sem er
með svipuðu sniði og hér
heima.
Eftir Hildu H. Cortez
hilda@bladid.net
Þær Soffía Steingrímsdóttir
og Iris Gunnarsdóttir starfrækja
vefsíðuna femin.co.uk fyrir breskar
konur, en þær hafa haldið úti femin.
is undanfarin ár hér á landi. Að
sögn Soffíu er síðan með svipuðu
sniði og hér heima en efni síðunnar
er aðallega ætlað konum á aldr-
inum 20 til 45 ára.
Meiri áhugi á tísku
„Síðan er komin upp og við
munum hefja markaðssetningu af
fullum krafti í haust,“ segir Soffía
Steingrímsdóttir, ritstjóri femin.is.
„Við höfum verið að kynna okkur
markaðinn og breskar konur og
þurftum aðeins að laga síðuna að
þeim. Breskar konur virðast til
dæmis fylgjast meira með tísku
og fréttum af fræga fólkinu en
íslenskar þannig að við þurftum
aðeins að létta síðuna og taka
inn meira af þess háttar efni. Við
leggjum til dæmis minni áherslu
á börn og uppeldi en það efni
virðist ekki eiga jafn mikið upp
á pallborðið hjá breskum konum
og íslenskum. En annars verður
þetta áfram sama hugmyndin. Á
síðunni eru greinar og upplýsingar
ásamt netverslun, afþreyingu og
spjallþráðum.
Við erum búnar að ráða nokkrar
breskar stelpur sem koma til með
FEMIN.IS
►
►
Femin.is var stofnað árið
2000.
Á vefnum er að finna fjölda
efnisflokka en lögð er áher-
sla á efni tengt tísku, heilsu,
kynlífi og börnum og upp-
eldi svo eitthvað sé nefnt.
w Sjónvarpsþátturinn Femin
W* hóf göngu sína á Stöð 2 árið
2003 undir stjórn leikkon-
unnar Maríu Ellingsen.
að skrifa fyrir okkur sem sérhæfa
sig á mismunandi sviðum, þar
sem ein fjallar um kynlíf og önnur
heilsu svo eitthvað sé nefnt.
Erfiður markaður
Að sögn Soffíu hefur lengi staðið
til að færa út kvíarnar. „Við höfum
alltaf hugsað okkur að fara í útrás
með Femin og stóð til að fara
annað hvort til Bretlands eða Dan-
merkur en að lokum var ákveðið
að slá til hér í Bretlandi. Við höfum
núna verið búsettar í London í tvö
ár og höfum verið að kynna okkur
markaðinn vel og vonumst til að
okkur verði tekið jafn vel hér og á
íslandi þar sem síðan hefur gengið
mjög vel.
Við rekum öfluga netverslun sem
er líklega ein sú stærsta á íslandi
þannig að fyrirtækið stendur í
blóma um þessar mundir og þess
vegna tilvalið að róa á önnur
mið. Efþetta mun ganga jafn vel í
Bretlandi þá erum við auðvitað að
tala um miklu stærra batterí, en
að sama skapi er miklu erfiðara að
komast að. Samkeppnin er mikil
og allir að herja á sama hópinn
með til dæmis tímaritum og
blöðum. En það vinnur með okkur
að vefverslun er á mikilli siglingu
í Bretlandi og við komum inn á
góðum tíma.“
Tónleikar á Organ í kvöld
Líkn leikur fyrir dansi
Hljómsveitin Líkn stígur á stokk á skemmtistaðnum
Organ í kvöld og heldur útgáfutónleika í tilefni nýrrar
plötu sveitarinnar. Hljómsveitin er skipuð þeim Jóni
Indriðasyni, Brynjari Má Ottóssyni og Hallvarði
Ásgeirssyni en auk þeirra hyggst bassaleikarinn Valdi-
mar Kolbeinn Sigurjónsson leika með strákunum í
kvöld. Hljómsveitin mun spila lög af nýju plötunni auk
þess sem gestum gefst færi á að heyra brot af næstu
plötu Líkn.
Á tónleikunum verður hægt að fjárfesta í plötunni á
tilboðsverði.
Tónleikarnir hefjast klukkan 21:00 og kostar litlar
500 krónur inn.
Útgáfutónleikar í kvöld Hijómsveitin Líkn leikur á
skemmstitaðnum Organ klukkan 21:00 í kvöld.
Moss ósátt
Eiturlyfjaneytandinn Pete Do-
herty hefur tekið upp samband á
ný við fyrrverandi kærustu sína,
fyrirsætuna Irina Lazareanu,
en hann átti í ástarsambandi
við hana áður en hann og Kate
Moss hófu langa og stormasama
sambúð. Doherty og Lazareanu
sáust saman á Claridge-hótelinu
í Lundúnum um síðustu helgi og
virtust einnig afar náin á V Festi-
val í Chelmsford. Moss ku ekki
vera sátt við að Doherty sé strax
kominn í annað samband en að-
standendur fyrirsætunnar vona
að það verði til þess að hún gefi
hann endanlega upp á bátinn.