Bændablaðið - 07.04.2011, Blaðsíða 4

4 Bændablaðið | fimmtudagur 7. apríl 201
Fréttir
Ný stjórn var kosin á aðalfundi
Landssambands kúabænda á dög-
unum og var niðurstaðan sú í for-
mannskosningu að greidd voru 40
atkvæði; Sigurður Loftsson hlaut
37 atkvæði og 3 seðlar voru auðir.
Kosning til stjórnar fór þannig
að Guðný Helga Björnsdóttir,
Bessastöðum, hlaut 38 atkvæði,
Sveinbjörn Sigurðsson, Búvöllum, 38
atkvæði, Jóhann Nikulásson, Stóru-
Hildisey 2, 35 atkvæði og Jóhann Gísli
Jóhannsson, Breiðavaði, 29 atkvæði.
Aðrir fengu færri atkvæði.
Stjórn mun skipta frekar með sér
verkum á fyrsta fundi á nýju starfsári
sem haldinn verður fljótlega.
Tvær konur voru kjörnar varamenn
í stjórn. Þær Jóhanna Hreinsdóttir,
Káraneskoti, hlaut 33 atkvæði og
Guðrún Lárusdóttir, Keldudal, 20
atkvæði. Aðrir fengu færri atkvæði.
Tillaga uppstillingarnefndar um Pétur
Diðriksson, Helgavatni og Katrínu
Birnu Viðarsdóttir, Ásólfsskála sem
skoðunarmenn reikninga var sam-
þykkt með lófaklappi.
Frekari umfjöllun um aðalfundinn
má finna á blaðsíðu 26.
Sigurður endurkjörinn formaður
Fyrir stuttu var kynning send til
leikskóla á Reykjavíkursvæðinu um
mögulega fræðslu fyrir leikskóla-
börn um tré. Það er Náttúruskóli
Reykjavíkur og Grasagarður
Reykjavíkur í Laugardal sem
standa saman að þessu boði fyrir
elstu leikskólabörnin. Áhuginn
reyndist svo mikill að færri komast
að en vilja. Börnunum er boðið að
kynnast trjánum; hvað þau verði
gömul, hvernig heyrist í þeim og
hvernig lykt sé af þeim – svo nokkuð
sé nefnt. Fræðslan er í tilefni af því
að nú er Alþjóðlegt ár skóga hjá
Sameinuðu þjóðunum.
Sameinuðu þjóðirnar hafa skorað
á sem flesta í hverju landi fyrir sig
að koma á viðburðum sem tengjast
verkefninu, m.a. með því að tengja
viðburði á sínum vegum við árið og
merki verkefnisins, sem er hannað um
þemað skógar fyrir fólk. Það sýnir í
hnotskurn fjölþætt gildi skóganna fyrir
lífríki og umhverfi. Allir skógar, rækt-
aðir og óræktaðir, veita skjól og eru
mikilvæg búsvæði fjölmargra lífvera,
þ.á.m. mannsins. Í skógum er upp-
spretta matar og þeir varðveita gæði
ferskvatns. Þeir eru mikilvægir fyrir
jarðvegsvernd og gegna mikilvægu
hlutverki í að viðhalda stöðugu lofts-
lagi á hnattræna vísu og jafnvægi í
umhverfinu. Úr skógum fáum við
vistvænt, endurnýjanlegt og endur-
vinnanlegt byggingarefni og efnivið
í margskonar hönnun og nýsköpun.
Þessir þættir og miklu fleiri undir-
strika að skógar eru ómissandi fyrir
vellíðan og velferð fólks alls staðar
í heiminum.
Hvað vill þín stofnun, þitt fyrirtæki
gera í tilefni af Alþjóðlegu ári skóga?
/Hulda Guðmundsdóttir /smh
Norðurhlíðarbændur hlutu hvatn-
ingarverðlaun og Heiðurshorn
Á liðnu sumri vann nefnd á vegum
Jóns Bjarnasonar sjávarútvegs- og
landbúnaðarráðherra að úttekt á
stöðu lífræns landbúnaðar hér á
landi. Á grundvelli niðurstaðna
nefndarinnar hefur í vetur verið
unnið að samningu verklagsreglna,
samkvæmt samkomulagi á milli
ráðuneytisins og Bændasamtaka
Íslands, um aðlögunarstuðning til
allt að fimm ára, samanber auglýs-
ingu í síðasta Bændablaði, bls. 33.
Nýju reglurnar, sem eiga einkum
fyrirmynd í norskum reglum, eru mun
víðtækari en eldri viðmið samkvæmt
búnaðarlagasamningum og miða við
alhliða styrki á bæði land og búfé fyrir
bændur sem gera samninga við vott-
unarstofu um aðlögun að lífrænum
búskaparháttum frá og með 2011.
Þar með hefur merkum áfanga verið
náð þótt fjármunir séu af skornum
skammti en með þessu framtaki er
verið að stuðla að svipaðri þróun og
orðið hefur í nágrannalöndunum. Hún
hefur verið hægari hér, m.a. vegna
skorts á aðlögunarstuðningi fyrstu
árin en framangreind nefnd áætlaði
að hlutdeild lífrænt vottaðra vara á
markaði hér sé allt að 2%, þar af um
helmingurinn innlend framleiðsla.
Lífræni markaðurinn fer vaxandi,
hér sem annars staðar, og neytendur
kunna greinilega að meta hina ýmsu
kosti þessara afurða.
Til marks um þá þróun hér á landi
eru nýstofnuð Samtök lífrænna neyt-
enda (www.lifraen.is), samanber frétt
í Bændablaðinu 10. mars, bls. 4. Til
fróðleiks má geta þess að bændum í
lífrænum búskap hér á landi gengur
yfirleitt vel að selja afurðirnar og
Bondebladed í Noregi greindi frá
því 17. mars sl. að betri afkoma væri
í lífrænni mjólkur-
og kindakjöts-
framleiðslu en í
þeirri hefðbundnu,
samkvæmt niður-
stöðum Nilf hag-
rannsóknarstofnun-
arinnar þar í landi.
Hvað íslenskan
landbúnað varðar
hefur stefnuleysi
tafið þróunina en
nú hafa Þuríður Backman og fleiri
alþingismenn lagt fram þingsálykt-
unartillögu um mótun framleiðslu-
stefnu í lífrænum landbúnaði, með
ákveðnum markmiðum, líkt og gert
hefur verið í Noregi og víðar.
Þess má einnig geta að fyrir
Alþingi liggur tillaga um bann gegn
útiræktun erfðabreyttra lífvera sem
getur skipt miklu máli fyrir þróun líf-
rænnar ræktunar, og reyndar einnig
fyrir hreinleikaímynd íslensks land-
búnaðar í heild. Þar sem aðstæður
eru mjög breytilegar, og skilyrði
misgóð til aðlögunar að lífrænni
ræktun og búskap henni tengdri,
koma almennar leiðbeiningar að litlu
gagni. Umsóknarfrestur er því lengri
en almennt gerist um styrki í land-
búnaði eða til 1. júní n.k. þannig að
hver og einn hafi góðan tíma til að
kanna möguleikana. Verklagsreglur
um úthlutun og fleira leiðbeinandi
efni er að finna á www.bondi.is og
velkomið er að hafa samband við mig
til að fá nánari upplýsingar.
Ólafur R. Dýrmundsson,
landsráðunautur Bændasamtaka
Íslands í lífrænum búskap,
tölvupóstfang: ord@bondi.is,
Símar 563-0300 og 563-0317.
Nýjar reglur um stuðning
við aðlögun að lífrænum
búskaparháttum
Stóðhesturinn Orri frá Þúfu
er 25 vetra gamall og án efa
einn áhrifamesti gæðingafaðið
íslenskrar hrossaræktar. Í tilefni af
stórafmæli Orra var haldin sýning
honum til heiðurs í Ölfushöllinni á
Ingólfshvoli fyrir skemmstu.
Mikið lófaklapp
Þar komu saman afkvæmi hans og
afkomendur í tugatali og léku listir
sínar í fjölbreyttum sýningaratrið-
um. Orri sjálfur mætti auðvitað til
veislunnar og hlaut mikið lófaklapp
frá áhorfendum sem kunnu vel að
meta að sjá þennan mikla höfðingja
í toppstandi enda vel fóstraður heima
í Þúfu.
Einn eftirsóttasti stóðhesturinn
Orri hefur um árabil verið einn eftir-
sóttasti stóðhestur landsins og hann
er enn frjósamur og sinnir hryssum
með góðum árangri.
Um áhrif hans á íslenska hrossa-
rækt er óþarfi að fjölyrða, en hann á
tæp 1200 skráð afkvæmi og á fimmta
hundrað þeirra hafa hlotið dóm.
Stofnað var félag um Orra á
sínum tíma og hefur hann reynst
hryggjarstykki í hrossarækt ýmissra
eigenda sinna.
Bændablaðið óskar Orra frá Þúfu
til hamingju með kvartaldar afmælið
með óskum um áframhaldandi frjó-
semi og góða heilsu. /HGG
Orri frá Þúfu heiðraður með stórsýningu
Sauðfjárræktarverðlaun voru
afhent á aðalfundi Búnaðar-
sambands Suður-Þingeyinga í
Ýdölum fyrir skömmu. Það þótti
tíðindum sæta að sami bóndinn fékk
bæði verðlaunin sem í boði voru,
fyrir frábæran árangur á árinu
2010. Það var Agnar Kristjánsson
bóndi og frjótæknir í Norðurhlíð
í Aðaldal sem hreppti báða verð-
launagripina og var vel að verðlaun-
unum kominn.
Heiðurshornið er veitt fyrir að
ná bestum árangri í ræktun kjöt-
gæða og er verðlaunagripur sem
Fjárræktarfélag Mývetninga gaf í
minningu Eysteins Sigurðssonar
bónda á Arnarvatni, sem var mikill
áhugamaður um sauðfjárrækt. Þessi
verðlaun eru nú veitt í fimmta sinn,
en næstir að stigum að þessu sinni
voru bændur í Baldursheimi I og III,
Grænavatni II og Arnarvatni IV.
Hvatningarverðlaun BSSÞ eru
veitt þeim sem náð hafa hvað bestum
árangri í fjárræktinni þegar á heildina
er litið og er þá átt við góðan fallþunga
(gildir 25%) og fjölda lamba til nytja
(gildir 40%). Þá þarf hlutfall vöðva og
fituflokkunar að vera sem best (gildir
35%). Röð bæja til hvatningarverð-
launanna var þannig að Norðurhlíð
var í fyrsta sæti, Búvellir í öðru, Stóru-
Tjarnir í þriðja, Sílalækur í fjórða og
Ystihvammur í því fimmta. /MÞÞ
Grænmetisinnflutningur ekki
meiri í ársbyrjun síðan 2007
Innflutningur á grænmeti í janúar
2011 nam 849 tonnum samkvæmt
tölum Hagstofu Íslands á móti 673
tonnum í janúar 2010. Hefur inn-
flutningur í þessum flokki ekki
verið meiri síðan 2007 þegar flutt
voru inn 955 tonn í janúar það
ár. Heildar innflutningur á græn-
meti til landsins á síðasta ári nam
10.267 tonnum. Innflutningurinn
árið 2007 var aftur á móti 11.323
tonn.
Kartöfluinnflutningurinn í janúar
sl. var aftur á móti sá sami og í janúar
2007 eða 51 tonn en í janúar 2010
voru flutt inn 99 tonn af kartöflum.
Allt árið í fyrra voru flutt inn 2.788
tonn af kartöflum en 1.796 tonn á
árinu 2007 og 2.459 tonn á árinu
2008. Árið 1999 sker sig aftur á
móti úr hvað innflutning á kartöflum
varðar en það ár voru einungis flutt
inn 491 tonn samkvæmt tölum
Hagstofu Íslands.
Ólafur R.
Dýrmundsson,
Elín Kjartansdóttir og Agnar Kristjánsson í Norðurhlíð ánægð með verðlaunin.
Mynd/Atli Vigfússon
Orri frá Þúfu, ásamt mönnunum sem segja má að standi að baki honum, þeir Sveinn Guðmundsson hrossarækt-
andi á Sauðárkróki og Indriði Ólafsson, ræktandi Orra. Barnabörn þeirra beggja eru með á myndinni og halda
heimasæturnar í Þúfu prúðbúnar í Orra. Mynd | HGG
Fræðsla leikskólabarna um tré í tilefni Alþjóðlegs árs skóga
Hvað finnst þér um tré?VB-landbúnaður mun halda opið hús af tilefni árhátíðar sauð-
fjárbænda sem haldin verður í
Reykjavík um helgina.
Allir eru velkomnir milli kl.
14:00 og 17:00 föstudaginn 8.
apríl í aðalstöðvar VB-landbúnaðar
að Krókhálsi 5F (gengið inn
Járnhálsmegin). Í tilkynningu frá
fyrirtækinu kemur fram að ýmis
vörutilboð verði kynnt og léttar
veitingar í boði.
Opið hús hjá VB-landbúnaði