Bændablaðið - 07.04.2011, Blaðsíða 40

7. tölublað 2011 Fimmtudagur 7. apríl
Næsta tölublað Bændablaðsins kemur út
20. apríl
Sáðvörulistinn fyrir árið 2011 er kominn á netið
Pantaðu áburð á þægilegan og einfaldan hátt á
www.fodur.is
Fóðurblandan - Korngörðum 12 - 104 Reykjavík - Sími: 570 9800 - Fax: 570 9801 - netfang: aburdur@aburdur.is - www.aburdur.is
Miklar breytingar til batnaðar
hafa orðið í Þingeyjarsýslum und-
anfarin ár á útbreiðslu minksins
og hefur hann nánast horfið af
vissum svæðum. Sem dæmi um
það má nefna að Tjörnes hefur
verið minklaust frá árinu 2007 og
ekki hefur verið minkur við Lónin
í Kelduhverfi sl. fjögur ár.
Margt getur orsakað breytingar
sem þessar en Þingeyingar þakka
góðum veiðmönnum þennan frábæra
árangur, ekki síst vegna þess að þeir
hafa verið mjög vakandi fyrir sínum
verkefnum á þessum vettvangi.
Þar ber að nefna bræðurna Jóhann
Gunnarsson frá Víkingavatni og Jón
Gunnarsson á Húsavík, sem ættaðir
eru frá Arnarnesi í Kelduhverfi, en
þeir réðu sig fyrst til þessara starfa
árið 1998 og síðan þá hefur svæði
þeirra smám saman verið að stækka.
Báðir höfðu áður verið nokkuð að
fikta við veiðar en Jóndi, eins og Jón
Gunnarsson er kallaður, eignaðist
hund árið 1990 fyrir tilviljun og
hafði sú skepna mikinn áhuga á
veiðum, sem Jóndi fór að taka þátt í
og veiddu þeir saman fyrsta minkinn
árið 1992. Þá átti Jóhann fjárhund
sem var mikið fyrir veiðar (1973-
1975)og áhugi þeirra bræðra þróaðist
með árunum.
Þeir Jóhann og Jóndi stunda nú
vorleit allt frá Aðaldal í vestri og
austur að Ormarsá á Melrakkasléttu.
Inni í því eru Reykjahverfi, Húsavík,
Tjörnes, Kelduhverfi og Axarfjörður,
auk þess sem þeir leita á Hólsfjöllum
og allt upp í Hvannalindir. Þetta er
mikið svæði en þeir bræður eru sam-
mála um að þegar ákveðin landsvæði
verði minklaus sé leikurinn léttari og
vorleitir þurfi ekki að taka langan
tíma. Þá hafi mikið gildi að stunda
gildruveiðar þegar svo hentar og
haust- og vetrarveiði í gildrur sé
mjög árangursrík.
Á fyrstu árum þeirra bræðra í
minkaveiðinni var töluvert af dýrum
og árið 2000 veiddust rúmlega 140
minkar í Kelduhverfi. Hins vegar
veiddust þar aðeins 6 minkar árið
2010 og einungist einn karlminkur
fannst við Litluá. Á Húsavík veiddust
30 minkar árið 2000 en nú er þar eng-
inn minkur. Þá veiddust 60 minkar
á Tjörnesi árið 2006 og bara einn
árið 2007.
En þó minkurinn sé að hopa eru
þeir Jóhann og Jóndi á því að mikil-
vægt sé að slaka ekki á þeim kröfum
að halda svæðum minklausum og
vaka vel yfir landinu. Þeir nefna í
því sambandi heiðagæsavarpið í
Hvannalindum, sem var gjörsam-
lega í rúst á síðasta sumri. Þá sé það
svo að alltaf komi minkar inn á hrein
svæði og þau þurfi að vakta þannig
að hann nái ekki bólfestu á ný.
Veiðiréttareigendur og æðar-
bændur í Þingeyjarsýslum hafa sagt
að ekki megi slaka á. Kostnaður við
veiðarnar sé mjög lítill miðað við
þann árangur sem er að nást. Ljóst
sé að ríki og sveitarfélög eru að
fá umtalsverðar skatttekjur af lax-
og silungsveiði sem og æðarrækt.
Sumir sveitarstjórnarmenn og aðrir
ráðamenn hafa gengið svo langt að
segja að þetta sé kostnaður sem megi
sleppa og bændur geti séð um þetta
sjálfir. Það er ekki raunhæft og hefur
sveitafólk nokkrar áhyggjur af þróun
mála. MÞÞ
Góður árangur í minkaveiði í Þingeyjarsýslum - Bræðurnir Jóhann og Jón Gunnarssynir öflugir í veiðinni:
Minkur nánast horfinn af sumum svæðum