Fréttablaðið - 16.03.2012, Side 28

8 • LÍFIÐ 16. MARS 2012
JÓHANNA VILHJÁLMSDÓTTIR
STARF: Dagskrárgerðarkona, fyrir-
lesari.
ÁHUGAMÁL: Fjölskyldan, allt sem
snýr að því hvernig við getum dreg-
ið úr lyfjanotkun og fyrirbyggt sjúk-
dóma. Lífeðlis- og lífefnafræði lík-
amans finnst mér líka ótrúlega
heillandi heimur sem tengist óneitan-
lega þessu fyrrnefnda. Svo finnst mér
mjög gaman að lesa góðar skáld-
sögur, fara í hot-yoga og þá eru
skíði og hestar eitthvað sem hefur
setið á hakanum lengi en nú stend-
ur til breyta því – a.m.k. hvað skíðin
varðar.
MAKI: Geir Sveinsson
BÖRN: Fimm börn á öllum aldri –
þriggja, fjögurra, níu, átján og tuttugu
ára.
ÞURFUM AÐ DRAGA ÚR LYFJAN
Jóhanna Vilhjálmsdóttir um baráttuna fyrir minni lyfjanotkun, búferlaflutning fjölskyldunnar, stjórnmálin, fjölmiðlastörfin og bókarskrif.
Jóhanna Vilhjálmsdóttir flytur bú-
ferlum til Austurríkis í sumar með
stórfjölskyldu sinni. Unnusti hennar,
borgarfulltrúinn og fyrrverandi land-
liðsfyrirliðinn Geir Sveinsson, hefur
verið ráðinn þjálfari austurríska liðs-
ins Bregenz til tveggja ára.
Hvernig barn og unglingur
varstu? Ætli að það megi ekki segja
að ég hafi verið mjög aktívt barn.
Prófaði að æfa alls kyns tegundir af
íþróttum til dæmis fimleika, frjáls-
ar og sund. Ég lagði einnig stund
á píanónám alla mína grunnskóla-
göngu og alveg upp í menntaskóla.
Svo var ég ótrúlega mikill námshest-
ur í grunnskóla sem ég vildi að ég
hefði haldið áfram að vera alla mína
skólagöngu. Annars var ég barn og
unglingur sem ekki þurfti að hafa
miklar áhyggjur af – ef einhverjar. Ég
var mjög sjálfstæð og þegar ég byrj-
aði í Versló flutti ég með annan fót-
inn til afa og ömmu því þau bjuggu
rétt hjá skólanum. Það má eiginlega
segja að ég hafi verið minn eigin
herra frá þeim aldri. En foreldrar
mínir sýndu mér alltaf mikið traust,
studdu mig og hvöttu mig til að fara
eigin leiðir. Eitthvað sem hefur virki-
lega mótað mig með jákvæðum
hætti held ég.
Hvað ætlaðir þú að verða þegar
þú yrðir stór? Lengi vel dreymdi mig
um að verða söngkona en þegar til
kastanna kom var viljinn til þess
væntanlega ekki nægilega sterk-
ur því ekki valdi ég þá leið. En mér
finnst ótrúlega gaman að syngja og
er alltaf á leiðinni til Heru í söngnám.
En hvað ertu menntuð og hvar
liggur ástríða þín? Ég er með BA-
gráðu í stjórnmálafræði frá Háskóla
Íslands. Ef ég væri tvítug í dag þá
myndi ég sennilega ekki velja stjórn-
málafræðina heldur skella mér í
læknisnám og ofan á það nám í
náttúrulækningum. Áhugi minn snýr
að þeim í dag – hvernig hægt er að
hjálpa líkamanum að lækna sig sjálf-
ur – því hann er hinn eini og sanni
læknir. Ég stefni að mastersnámi í
Human Nutrition sem kemst næst
því sem í dag er kallað functional
medicine og snýr að því hvernig við
getum nýtt næringuna til heilbrigðis.
Mig langar síðan að nýta þetta nám
til að hjálpa fólki að viðhalda eða ná
heilbrigði á nýjan leik. Og hver veit
nema ég bæti einhverju ofan á það.
Mig langar t.d. einnig mikið að læra
indverskar/ayurvedískar lækningar.
Þú byrjaðir sem þula hjá Ríkis-
sjónvarpinu árið 1994. Viltu rifja
upp fjölmiðlaferilinn þinn í fram-
haldinu af því? Ég starfaði síðan
eitt sumar sem fréttamaður á Ríkis-
útvarpinu. Þórhallur fékk mig síðan til
liðs við sig og við stjórnuðum saman
þættinum Ísland í bítið í tvö ár og þar
á eftir Íslandi í dag. Ég gekk síðan til
liðs við Kastljósið 2005 og síðastlið-
ið eitt og hálft ár hef ég verið með
Heilsuþáttinn á ÍNN.
Af hverju ákvaðstu að hefja störf
á ÍNN en ekki stóru sjónvarps-
stöðvunum? Ingvi Hrafn hringdi í
mig eftir að ég hætti í Kastljósinu.
Ég var ekkert endilega á þeim bux-
unum að fara í dagskrárgerð en ég
hafði klárlega áhuga á að koma þeim
fróðleik sem ég var að viða að mér,
og tengist heilsu, til fólks. Hann bauð
mér viðræðuþátt um stjórnmál en
ég sagði honum að ég vildi fjalla um
heilsu og hann féllst á það. Og það
einhver veginn hentaði mér á þess-
um tíma að gera það með látlaus-
um litlum viðræðuþætti þar sem ég
hafði algjörlega frjálsar hendur með
efnistök. Þátturinn hefur verið núna á
dagskrá í eitt og hálft ár og er sýnd-
ur á mánudagskvöldum klukkan 20,
22 og á miðnætti.
Leitar fólk mikið til þín eftir
ráðum út frá heilsuþættinum á
ÍNN? Já, það gerir það. Það eru svo
ótrúlega margir þarna úti sem þurfa
handleiðslu og aðstoð. En mér finnst
óskaplega gefandi að geta aðstoðað
fólk en í grunninn eru þetta ekki flók-
in ráð – stóra málið fyrir flesta er að
rífa sig upp úr vananum og fá hvatn-
ingu og aðstoð við það. Ég er einmitt
að fara með hóp af fólki um páskana
í detox til Póllands en það eru ótrú-
lega margir sem hafa einmitt tekið
fyrstu skrefin í svona meðferð í leið
til betra lífs. Þar ætla ég að vera með
fyrirlestra um olíur, fitu, sykur, bólgur,
hreyfingu og hugann svo eitthvað sé
nefnt. Það eru enn þá þrjú pláss laus
þannig að þeir sem hafa áhuga geta
enn skellt sér og skrifað mér póst á
johanna.vilhjalmsdottir@gmail.com.
Hvað stendur upp úr þegar þú
lítur til baka á störf þín í fjölmiðl-
um? Þetta er auðvitað mjög sér-
stakt starf sem er alveg óendanlega
fjölbreytt og býður upp á eitthvað
nýtt hvern einasta dag. Maður þarf
að vera tilbúinn til að setja sig inn
í hvaða mál sem upp koma í þjóð-
félaginu. En það sem stendur upp
úr eru ekki viðtölin sem snerust um
stjórnmál, efnahagsmál eða viðskipti
heldur allt þetta sem sneri að hinu
mannlega. Þetta einstaka fólk sem
maður fékk að kynnast og deila með
erfiðri lífsreynslu, miklum áskorun-
um, gleði og sorg. Til dæmis að hitta
einstakling sem átti yndislegt líf úti
á landi með konu og börnum. Hann
fær heilablóðfall og fótunum í raun
kippt undan því lífi sem hann lifði í
orðsins fyllstu merkingu. Í hjólastól
með skerta andlega getu. Þjónusta
við hans hæfi var ekki í boði á heima-
slóðum þannig að hann þurfti að rífa
sig upp og flytja í bæinn. Hjónaband
hans, eins og hjónaband svo margra
langveikra, þoldi ekki álagið. Hann
hafði ekki efni á eigin íbúð og þurfti
að búa í pínulitlu herbergi án allrar
aðstöðu í húsnæði fyrir langveika,
einn. Þetta er ein lítil saga en að hitta
allt þetta fólk sem með hugrekki og
ótrúlegum dugnaði tókst á við erfið-
ar lífsins áskoranir og átta sig á því
að þetta gæti komið fyrir hvert og eitt
okkar kenndi mér þakklæti.
Fannst þér fjölmiðlastarfið
óhentugt samhliða móðurhlutverk-
inu? Auðvitað er hægt að samtvinna
þetta tvennt með aðstoð en þetta er
samt ekki fjölskylduvænsta starf sem
til er. Eftir að ég átti yngstu börnin
mín fann ég fyrir togstreitu á milli
starfsins og heimilisins. Mig lang-
aði hreinlega ekki að vinna fram á
kvöld. Ég gekk í gegnum það með
elstu dóttur mína að vinna fram á
hvert einasta kvöld þegar ég var
með þáttinn Ísland í dag á Stöð tvö
en kannski hafa aldurinn og aukinn
þroski gert það að verkum að ég
gæti ekki hugsað mér það í dag.
Mér finnst það ömurleg tilhugsun að
sjá ekki börnin allan daginn og koma
heim rétt áður en þau fara að sofa.
Þannig að ég myndi ekki ráða mig í
svoleiðis vinnu í dag. Mig langar að
vera með börnunum mínum eftir að
þau koma úr leikskólanum. Mig lang-
ar að njóta þess að vera með þeim
eins og hægt er því þetta er svo lít-
ill tími á hverjum degi – kannski fjór-
ir tímar frá því að þau koma heim og
þangað til þau fara að sofa.
Viltu rifja upp með okkur eftir-
minnilega upplifun í fjölmiðlum?
Það er af svo mörgu að taka en það
viðtal sem í raun breytti lífi mínu hvað
mest var við tæplega níræða ind-
verska konu, Dadi Janki, sem hefur
stundað innhverfa íhugun í sjötíu ár.
Eftir það ákváðum við Geir að fara
til Indlands og læra að hugleiða og
njóta visku hennar og fleiri jóga sem
allir höfðu stundað íhugun í tugi ára.
Þau hjálpartæki sem við fengum þar
til að lifa lífinu og rækta hið sanna
sjálf voru í raun einar af stóru gjöf-
um lífsins og hafa breytt miklu. Við
höfum síðan stundað hugleiðslu
hérna heima í Lótushúsi sem er skóli
út frá skólanum á Indlandi.
En að áhuga þínum á að minnka
lyfjanotkun og bæta heilsu. Hve-
nær byrjaði heilsuáhuginn fyrir al-
vöru hjá þér? Hann hefur nú bara
verið að þróast í gegnum árin. Það
sem hvetur mig áfram er að upplýsa
fólk um hvað það getur haft gríðar-
leg áhrif á eigin heilsu. Þetta snýst
minnst um gen – því genin okkar
hafa ekki breyst á síðustu hundrað
árum – hvað á síðustu tíu þúsund
árum. Við lifum raunverulega í mjög
sjúku umhverfi hvað þessi mál varð-
ar – stór hluti af þeim matvælum sem
borin eru á borð fyrir okkur er drasl,
við búum í gríðarlega streitumiklu
Vefsíðan: mercola.com, lifraent.is,
drweil.com
Tímarit: Economist, Vanity Fair, Foreign
Affairs
Líkamsræktin: Hot-yoga hjá Lönu í World
Class
Hvernig ræktar þú andann? Stunda hug-
leiðslu – sjálfskoðun er einnig mikilvæg-
ur þáttur í þeirri ástundun. Þetta eru
tæki sem hjálpa manni að upplifa sanna
sjálfsvirðingu, sem snýst ekki um ytri
hluti.
Fyrirmyndir: Fólk sem er trútt sínum gild-
um og hefur styrk til að fylgja þeim eftir
og einnig þeir sem hafa hugrekki og
styrk til að fylgja draumum sínum eftir.
UPPÁHALDS