Fréttablaðið - 21.04.2012, Síða 30

21. apríl 2012 LAUGARDAGUR30
Fornskógurinn sem Katla felldi
Við eyrar Þverár í Fljótshlíð finnast leifar af fornum skógi. Staðurinn nefnist Drumbabót en þar má finna lurka af þúsundum birkitrjáa
sem standa upp úr sandinum. Stefán Karlsson fór í óvenjulega lautarferð í vikunni og myndaði handverk Kötlu gömlu.
Í ÞÚSUNDAVÍS Upp úr sandinum standa lurkarnir í þúsundavís. Árhringjarannsóknir sýna að trén drápust öll á sama tíma. Að líkum lætur að flóðið hafi komið í kjölfar eldsumbrota í Kötlu fyrir um 1.400 árum síðan
þegar hlaup æddi niður Markarfljótsaura og til sjávar. Svæðið er um 2000 hektarar lands að flatarmáli og á hverjum hektara eru um 500-600 lurkar.
LISTAVERK Lurkarnir eru gildastir um 30 sentímetrar í þvermál og teikna fallegar myndir í sandinn. Slík tré eru með þeim stærstu
sem finna má í birkiskógum í dag.
KÖFNUÐU TRÉN? Vísindamenn útiloka ekki þá kenningu að
skógurinn hafi einfaldlega kafnað. Setmyndun hafi hækkað
grunnvatnsborðið og því hafi rætur trjánna verið í kafi í vatni í
lengri tíma. Það þolir birkið ekki og drepst.
SEX FLÓÐ Þekkt eru sex stór jökulhlaup sem fóru til vesturs úr Mýrdalsjökli, fjögur
þeirra hafa orðið fyrir 6200 til 1400 árum síðan, hin tvö eru talin eldri. Sú kenning
er uppi að síðasta eiginlega sprengigosið í Kötlu hafi valdið flóðinu, en það hefur
líklega farið yfir allar Landeyjar.
HAMFARIR Ljóst er að um miklar hamfarir hefur verið að ræða
því Drumbabót er 45 kílómetra frá jaðri Mýrdalsjökuls. Mikið
hefur þurft að ganga á til að drepa þann mikla skóg sem
þarna stóð.