Fréttablaðið - 19.05.2012, Side 2

19. maí 2012 LAUGARDAGUR2
Halldóra Rut, eruð þið ekki að
sækja vatnið yfir „lækin“?
„Læk á það! ;)“
Halldóra Rut Bjarnadóttir og Katrín Hall-
dóra Sigurðardóttir leiklistarnemar ætla
að setja upp leiksýningu sem alfarið er
byggð á Facebook-færslum.
Opnuð hefur verið
Ræðisskrifstofa
Taílands
Keilufelli 2, 111 Rvk.
Opið mánudaga og miðvikudaga
kl. 17-19 og eftir samkomulagi.
Sími: 571 0224 / 823 2676
www.konsull.net
FÓLK Viktor Theodórsson er tíu
ára gamall hreyfihamlaður
drengur sem gekk í fyrsta sinn á
Akrafjall í síðustu viku með sam-
nemendum sínum á útivistardegi
Grundaskóla á Akranesi. Gangan
gekk vel þrátt fyrir fötlun hans
og segir hann hana hafa verið
skemmtilega.
„Gangan var dálítið erfið en
mjög skemmtileg,“ segir Vikt-
or kankvís. „Fyrsti hjallinn var
erfiðastur því þar var brattast.
Útsýnið var mjög flott uppi á
toppnum.“
Spurður hvort hann hafi geng-
ið á mörg fjöll segir hann að þetta
hafi verið það fyrsta og að útsýnið
hafi verið stórkostlegt. „Mig hefur
alltaf langað til að fara upp á þetta
fjall. Það hefur eiginlega alltaf
verið markmiðið. Ég hef verið að
bíða eftir að geta farið alveg upp,“
segir Viktor.
Viktor fæddist með kreppt
hné sem gerir honum erfitt um
gang. Hann hefur farið í nokkr-
ar aðgerðir til að lengja sinar og
auka færni hans til gangs. Móðir
hans, Kristrún Dögg Marteins-
dóttir, hafði ekki gert ráð fyrir að
drengurinn gengi alla leið á topp-
inn. Keyptur hafði verið kíkir
handa honum svo hann gæti notið
útsýnisins neðar í fjallinu.
„Dagsdaglega gengur hann nú
engar vegalengdir, nema bara rétt
um sitt nánasta umhverfi,“ segir
Kristrún Dögg. Hreyfihömlun
hans aftrar honum svolítið í hans
daglega lífi. „Hann fer allar sínar
ferðir á hjóli og svo er hann með
hjólastól.“
„Hann er svolítið krepptur í
hnjánum svo það hentaði honum
vel að ganga upp fjallið,“ segir hún
en ferðin niður var aðeins erfiðari.
„Við gáfum okkur bara góðan tíma
í þetta og vorum síðust niður. Við
fengum þó gott veður og það var
gaman að njóta útsýnisins. Það er
alltaf flottast í fyrsta sinn.“
Viktor lét hreyfihömlun sína
ekki aftra sér þegar hann gekk
á 643 metra hátt fjallið og hélt
ótrauður áfram alla leið upp á
topp. Samnemendur hans hvöttu
hann vel í göngunni. Viktor segir
þetta hafa verið skemmtilegasta
skóladag ævi sinnar.
„Þetta var besti skóladagur sem
hefur verið til. Það var gaman að
fara með öllum skólafélögunum.“
Hann segist stefna á fleiri fjöll
í framtíðinni og ætlar jafnvel að
reyna að ganga á fjöll í ferð fjöl-
skyldunnar um helgina.
birgirh@frettabladid.is
Útsýnið stórkostlegt í
fyrstu fjallgöngunni
Viktor Theodórsson, sem er hreyfihamlaður, komst á topp Akrafjalls á dög-
unum sem hafði lengi verið draumur hans. Gangan var erfið en skemmtileg að
sögn Viktors sem segist vel geta hugsað sér að ganga á fleiri fjöll í framtíðinni.
Á TINDI AKRAFJALLS Viktor arkaði alla leið upp á topp Akrafjalls og skrifaði í
gestabókina eins og sönnum fjallagörpum ber. MYND/KRISTRÚN DÖGG MARTEINSDÓTTIR
VIÐSKIPTI Vinna við gerð ívilnun-
arsamnings íslenskra stjórnvalda
við fyrirtæki í
eigu kínverska
athafnamanns-
ins Huangs
Nubo er enn í
gangi. Vonir
standa til þess
að niðurstaða
fáist í málið
innan skamms.
Halldór
Jóhannsson,
umboðsmaður Huangs á Íslandi
segir að unnið sé að málinu, og
vonast til að hægt verði að ná
samningum fyrir lok næstu viku,
þó enn sé óljóst hvort það takist.
Eins og fram hefur komið vill
Huang leigja jörðina Grímsstaði
á Fjöllum og reisa þar hótel og
standa fyrir ýmiss konar afþrey-
ingu fyrir ferðamenn. - bj
Unnið að ívilnunarsamningi:
Vonar að biðin
fari að styttast
SÝRLAND, AP Herinn í Sýrlandi beitti bæði skotvopn-
um og táragasi gegn mótmælendum í Aleppo, sem er
fjölmennasta borg landsins.
Þúsundir manna hafa safnast þar saman síðustu
daga til að mótmæla stjórn Bashirs al-Assads for-
seta. Til þessa hefur lítið verið um mótmæli í þessari
borg, en það hefur breyst eftir að árás á stúdenta-
garða í borginni í byrjun mánaðarins varð fjórum
háskólanemum að bana.
Á fimmtudaginn tóku um fimmtán þúsund háskóla-
nemar þátt í mótmælunum. Friðargæslusveitir Sam-
einuðu þjóðanna fylgdust með þangað til öryggis-
sveitir stjórnvalda stöðvuðu mótmælin. Í gær voru
þátttakendurnir orðnir enn fleiri og þúsundir mót-
mæltu að auki víðs vegar um landið.
Robert Mood, hinn norski yfirmaður friðargæslu-
sveita Sameinuðu þjóðanna í Sýrlandi, sagði í gær að
friðargæslusveitir gætu aldrei komið á friði í landinu
nema allir aðilar ágreiningsins, jafnt innlendir sem
erlendir, sýni raunverulegan vilja til að ræða saman.
„Ég er orðinn sannfærðari en nokkru sinni um að
aldrei verði hægt að leysa þennan vanda með ofbeldi,
sama hve mikið það er,“ segir Mood. - gb
Fjölmenn mótmæli gegn stjórn Assad Sýrlandsforseta í stærstu borg landsins:
Byssum beitt á mótmælendur
MÓTMÆLENDUR Herinn tók af hörku á mótmælendum og
beitti bæði skotvopnum og táragasi. NORDICPHOTOS/AFP
HUANG NUBO
KÍNA, AP Dómstóll í Kína hefur
dæmt Lai Chanxing í ævilangt
fangelsi. Lai var
framseldur frá
Kanada til Kína
á síðasta ári,
eftir að kínversk
stjórnvöld höfðu
lofað Kanada-
mönnum því að
hann yrði ekki
tekinn af lífi.
Lai stundaði
stórfellt smygl
á ýmsum varningi, allt frá sígar-
ettum til bifreiða, en flúði til Kan-
ada eftir að upp um hann komst
árið 1999.
Mál hans olli töluverðu hneyksli
í Kína á sínum tíma. Dómstóll-
inn komst að þeirri niðurstöðu að
smyglveltan hafi numið 3,3 millj-
örðum dala, jafnvirði nærri 380
milljörðum króna. Auk þess sveik
hann undan skatti og mútaði 64
embættismönnum á árunum 1966-
99. - gb
Framseldur smyglari:
Fékk ævilangt
fangelsi í Kína
LAI CHANXING
KOSNINGAR Þóra Arnórsdóttir er
með rúmlega átta prósentustiga
forskot á Ólaf Ragnar Grímsson
forseta í nýrri skoðanakönnun
Félagsvísindastofnunar Háskóla
Íslands. Könnunin var gerð dag-
ana 8. maí til 18. maí.
Í könnuninni sem gerð var
meðal meðlima nethóps Félags-
vísindastofnunar mælist Þóra
með 46,2 prósent fylgi og Ólaf-
ur Ragnar með 37,8 prósent.
Tæp níu prósent segjast ætla
að kjósa Ara Trausta Guð-
mundsson, 3,8 prósent Andreu
J. Ólafsdóttur og Herdísi Þor-
geirsdóttur ætla 2,6 prósent
að kjósa. Aðrir frambjóðendur
mælast með innan við eins pró-
sents fylgi.
Alls svöruðu 1,075 manns og
var svarhlutfallið 57 prósent. - bþh
Fylgi forsetaframbjóðenda:
Þóra mælist
með mest fylgi
ALÞINGI Bannað verður með lögum
að framleiða klámfengið efni þar
sem leikendur herma eftir barni,
þó þeir hafi náð átján ára aldri.
Einnig verður bannað að mæla sér
mót við barn undir 15 ára aldri í
kynferðislegum tilgangi, hvort
sem það er á Netinu eða utan þess.
Þá skal einnig fest í lög að ólög-
legt verði að skoða barnaklám, en
hingað til hafa lögin einungis náð
utan um framleiðslu, vörslu og
dreifingu á efninu.
Þetta er meðal þess sem kemur
fram í frumvarpi refsiréttar-
nefndar innanríkisráðuneytisins
um breytingar á hegningarlögum.
Var það lagt fram í því skyni að
innleiða ákvæði samnings Evrópu-
ráðsins um vernd barna gegn kyn-
ferðislegri misnotkun.
Allsherjar- og menntamálanefnd
afgreiddi frumvarpið í vikunni, þó
með þeirri breytingu að ekki verði
einungis ólöglegt að mæla sér mót
við barn á Netinu, eins og refsi-
réttarnefnd lagði til, heldur einn-
ig utan þess. Innanríkisráðherra
er hvattur til að leggja frumvarpið
fram í byrjun þings í haust.
Umsagnir bárust til Alþingis
frá Barnaheillum, Barnaverndar-
stofu, Kvenréttindafélagi Íslands,
Mannréttindaskrifstofu Íslands,
ríkissaksóknara og umboðsmanni
barna. - sv
Allsherjar- og menntamálanefnd afgreiddi breytingafrumvarp gegn barnaklámi:
Lög gegn barnaníði hert til muna
BANNAÐ AÐ SKOÐA BARNAKLÁM Hingað
til hefur einungis verið bannað að fram-
leiða það eiga og dreifa því. FRÉTTABLAÐIÐ/E.ÓL
NEYTENDUR Vísitala leiguverðs á
höfuðborgarsvæðinu hækkaði um
0,6 prósent á milli apríl og maí.
Síðastliðna þrjá mánuði hefur vísi-
talan hækkað um 0,6 prósent og
um 10,1 prósent síðasta árið.
Vísitala leiguverðs er tekin
saman af Þjóðskrá og sýnir breyt-
ingar á vegnu meðaltali fermetra-
verðs á leigumarkaði.
Sem fyrr er meðalleiguverð
hæst í Reykjavík, vestan Kringlu-
mýrarbrautar, og á Seltjarnarnesi.
Á höfuðborgarsvæðinu er það hins
vegar lægst í Kópavogi. - mþl
Nýjar tölur frá Þjóðskrá:
Leiguverð fer
enn hækkandi
SLYS Björgunarsveitir frá Vík
í Mýrdal og austur að Höfn í
Hornafirði voru kallaðir út um
klukkan tíu í gær eftir að til-
kynnt var um vélarvana skip úti
fyrir Skarðsfjöru.
Tíu manns voru um borð í skip-
inu. Það var ekki á reki þegar
Fréttablaðið fór í prentun í gær-
kvöldi, en að sögn Jónasar Guð-
mundssonar hjá Landsbjörgu
þurfti ekki mikið að breytast til
að skipið tæki að reka og að þá
mundi töluverð hætta geta skap-
ast á skömmum tíma.
Í gærkvöldi stóð til að reyna
að komast að skipinu til að hægt
væri að koma mannskapnum frá
borði og setja í það taug til að
halda því frá fjörunni. - sh
Vélarvana skip við Skarðsfjöru:
Fóru til hjálpar
tíu skipverjum
SPURNING DAGSINS