Fréttablaðið - 19.05.2012, Blaðsíða 73

KYNNING − AUGLÝSING Þjónusta við fatlaða19. MAÍ 2012 LAUGARDAGUR 3
Ég er allt of gömul og heimsk til að geta lært.“ Þetta voru svör Sólrúnar H. Jónsdóttur
þegar henni var bent á Náms- og
starfsendurhæfingu hjá Hringsjá
af ráðgjafa hjá Virk, Starfsendur-
hæfingarsjóði. Það var fyrir tveim-
ur árum en nú í vikunni útskrifað-
ist Sólrún úr fullu námi Hringsjár
og stefnir á HR í haust.
„Ég uppgötvaði að ég var ekkert
of gömul og ekkert of heimsk,“ segir
hún hlæjandi og rifjar upp tildrög
þess að hún dreif sig í skólann.
„Ég hafði átt í miklum erfiðleik-
um í mörg ár. Annar drengurinn
minn er einhverfur og var mjög
mikið veikur. Hann var ýmist inn
eða út af spítala í langan tíma og
allt okkar líf snerist í kringum
veikindi hans. Það tók mikinn toll
af yngri drengnum okkar og af
mér, bæði andlega og líkamlega en
ég þurfti oft að slást við drenginn.
Þegar hann fékk búsetuúrræði
breyttust aðstæður fjölskyldunn-
ar og ég fór að vinna fulla vinnu
á leikskóla. Vinnan með börnun-
um hjálpaði mér mikið andlega
en líkaminn var þá orðinn svo illa
farinn að ég þurfti að fara í aðgerð
og varð í framhaldinu að hætta að
vinna, eftir tæp þrjú ár á leikskól-
anum.“
Sólrún segir það hafa verið
áfall að þurfa að hætta að vinna
og finna hvernig líkamlegt þrek
hennar var orðið að engu. Hún
sem alla tíð hafi unnið mikið og
viljað standa sig.
„Allt í einu átti ég bara að sitja
ein heima og ég man að ég hugs-
aði „er þetta mitt hlutskipti núna?“
Mér leið ömurlega. Ég prófaði því
eitt námskeið hjá Hringsjá eftir
viðtalið í Virk og eftir það varð
ekki aftur snúið,“ segir Sólrún en
hún fór í framhaldinu í þriggja
anna fullt nám sem metið er til
framhaldsskólaeininga. Hún líkir
skólagöngunni við lottóvinning.
„Að hafa fengið þessa hvatn-
ingu til náms var minn stóri lottó-
vinningur. Ég lærði námstækni
og skipulagningu og að setja mér
markmið. Sjálfstraustið óx þegar
ég fann að ég gat þetta og kennar-
arnir hvöttu mig áfram. Í náminu
er tekið tillit til allra. Við vorum
12 í bekknum og kennararnir
gátu því sinnt hverjum og einum
eins og þurfti. Ég hélt til dæmis
að ég gæti aldrei lært stærðfræði
en kennaranum tókst það sem
engum öðrum kennara hefur tek-
ist,“ segir hún hlæjandi.
„Ég lærði líka á tölvu en áður
kunni ég varla að kveikja á þeim.
Svo lærði ég líka bókmenntir og
les bækur núna með allt öðru
hugarfari en áður. Mér fannst ég
jafningi allra í skólanum og upp-
götvaði minn styrk og mína getu.
Í Hringsjá eignaðist ég líka dýr-
mæta vini fyrir lífstíð.“
Sólrún stefnir á frumgreina-
deild HR í haust og ætlar sér að
ljúka stúdentsprófi. Hún segir
ákvörðunina um að fara í nám
hafa umsnúið lífi hennar til góðs
og haft áhrif á alla fjölskylduna.
„Yngri strákurinn minn er ofsa-
lega ánægður með mömmu sína
og við lærum saman við eldhús-
borðið. Hann er stoltur af mér og
allt mitt fólk fyrir að ég skildi grípa
þetta tækifæri. Þegar líkaminn
sagði stopp fannst mér allar dyr
lokast. Nú veit ég að þegar einar
dyr lokast þá opnast aðrar og ég á
möguleika.“
HRINGSJÁ
HRINGSJÁ er náms- og starfs-
endurhæfing fyrir fólk sem vill
komast aftur út á vinnumarkað-
inn eftir hlé vegna sjúkdóma,
slysa eða annarra áfalla.
Þar er boðið upp á einstak-
lingsmiðað nám í heimilislegu
og notalegu umhverfi með
góðri stoðþjónustu. Áhersla
er lögð á að hver og einn fái
tækifæri til að blómstra og fái
aðstoð við hæfi.
Markmiðið er að gera nem-
endur færa um að takast á við
nám í almennum framhalds-
skólum og/eða fjölbreytt störf á
almennum vinnumarkaði.
Hægt er að sækja um nám eða
námskeið hjá Hringsjá í
Hátúni 10 d, 105 Reykjavík.
Nánari upplýsingar má finna
á www.hringsja.is.
Námið minn stóri lottóvinningur
Sólrún H. Jónsdóttir er í hópi þeirra 18 nemenda sem útskrifuðust úr Náms- og starfsendurhæfingu Hringsjár nú í vor. Hún segir námið hafa umsnúið
lífinu til góðs og stefnir á áframhaldandi nám í HR í haust. Fyrir tveimur árum hefði henni ekki dottið í hug að hún gæti sest á skólabekk.
Helga Eysteinsdóttir, forstöðumaður Hringsjár, ásamt Sólrúnu H. Jónsdóttur en Sólrún stefnir á að ljúka stúdentsprófi eftir fullt nám hjá
Hringsjá. MYND/GVA
Stuðningsumhverfi blindra og sjónskertra hefur tekið miklum framförum und-
anfarna áratugi hérlendis. Í dag
njóta þeir fjölbreyttrar þjónustu
og stöðugt er verið að þróa nýjar
leiðir til að gera betur. Harald-
ur Gunnar Hjálmarsson hefur
verið sjónskertur alla ævi þar til
hann varð blindur haustið 2011.
Að hans mati er stuðningskerf-
ið hérlendis í góðum farvegi. „Í
heildina hefur allt stuðningskerfið
vaxið og batnað mikið hér á landi.
Sú þróun tók meðal annars mik-
inn kipp snemma á áttunda ára-
tugnum.“
Haraldur bjó í Danmörku í 33
ár og segir töluverðan mun hafa
verið á þeim tíma milli landa
þegar kom að þjónustu við blinda
og sjónskerta. „Ég fann það strax
og ég kom til Danmerkur að þeir
voru lengra komnir en Íslendingar
með uppbyggingu stuðningskerf-
is. Mér sýnist á öllu að við Íslend-
ingar séum á svipuðum slóðum í
dag og nágrannaþjóðir okkar.“
Ýmsar tækninýjungar undan-
farinna ára hafa breytt daglegu
lífi blindra og sjónskertra. Þar má
meðal annars nefna tilkomu GSM-
símans og hljóðbóka. GSM-síminn
varð fljótt mikilvægt öryggistæki
auk þess sem hann nýtist vel til al-
mennra samskipta. Ýmsar tækni-
nýjungar hafa komið fram und-
anfarin ár í tengslum við símann,
meðal annars forrit sem býr til tal-
mál úr sms-skeytum. Eins og fyrr
segir hefur margt áunnist undan-
farna áratugi í málefnum blindra
og sjónskertra. Haraldur segir þó
að mikilvægt sé að passa vel upp á
að þau réttindi skerðist ekki. „Þró-
unin eftir hrun hefur verið sú að
sífellt er verið að spara og skera
niður um allt samfélagið. Sé til
dæmis búið að skera niður þjón-
ustu er hættan sú að berjast þurfi
fyrir þeim réttindum á ný. Þetta á
ekki bara við um Ísland heldur er
þetta að gerast alls staðar.“
Mikilvægt að rétt-
indi skerðist ekki
Margt hefur áunnist í málefnum blindra og sjónskertra undanfarna áratugi hérlendis.
Þrátt fyrir það er mikilvægt að vera vel á verði svo ýmis réttindi tapist ekki.
Haraldur Gunnar Hjálmarsson hefur verið sjónskertur nær alla ævi en er listagóður
píanóleikari. MYND/GUNNAR V. ANDRÉSSON

Fagleg einstaklingsmiðuð
þjónusta fyrir fatlaða
og fjölskyldur þeirra
Upplifðu Ísland
Sumarhúsaferðir, tjaldútilegur,
ævintýraferðir og göngur

Stingum af !
Tökum að okkur að skipuleggja ferðir
fyrir alla aldurshópa bæði innanlands og utan.
Útvegum aðstoðarfólk og ferðafélaga.
YLFA ehf sérhæfir sig í nærþjónustu innan
og utan heimilis, ráðgjöf og þjálfun
Nánari upplýsingar má finna á www.ylfa.is
og í síma 849-3985
Sigurjón M. Egilsson stýrir Sprengisandi á sunnudags morgnum kl. 10–12
Sprengisandur
kraftmikill þjóðmálaþáttur