Fréttablaðið - 19.05.2012, Side 98

19. maí 2012 LAUGARDAGUR62
lifsstill@frettabladid.is
62
? Sæl, Sigga Dögg. Ég las grein-ina þína um mýtuna um þröngu
píkuna og var mjög hrifin.
Mig langaði að spyrja þig um
eitt, því þú segir að við fyrstu
samfarir séu leggöng oft þröng
vegna órofins meyjarhafts. Ég
varð snemma mjög áhugasöm um
þetta fyrirbæri, meyjarhaftið, því
fátt held ég að hafi valdið konum
meiri vandræðum í gegnum ald-
irnar.
Ég rakst af tilviljun á bækling
á netinu gefinn út af sænska heil-
brigðisráðuneytinu. Þar var stað-
hæft að meyjarhaftið væri mýta.
Þar stóð að í leggöngum kvenna
væri vissulega líkamsvefur, en
hann væri hringlaga og lægi ekki
þvert yfir leggöngin eins og haft.
Upp á ensku var þetta kallað vag-
inal corona. Þar af leiðandi væri
ekki hægt að rjúfa meyjarhaftið,
og blæðingar við samfarir stöf-
uðu því alltaf af því að konan væri
ekki reiðubúin.
Ef þetta er satt, gætirðu þá
notað stöðu þína til að breiða þessa
vitneskju út? Það væri svo frels-
andi fyrir ungar stelpur að vita
að meydómur er ekkert áþreifan-
legra fyrirbæri en sveindómur
og að þær geta gert nákvæmlega
sömu kröfur og strákar til þess að
fyrsta skiptið þeirra sé sársauka-
laust og ánægjulegt.
SVAR: Ég þakka hólið. Ég las
bæklinginn sem þú vísar í og
vissulega er það mjög mikilvægt
að fræða ungar konur og drengi
um staðreyndir málsins.
Meyjarhaftið er himna sem
getur verið mismunandi í laginu
og hulið leggangaopið að hluta til
eða alveg. Himnan getur gefið
eftir og teygst en hún getur líka
auðveldlega rofnað við áreynslu
eins og að hjóla. Þegar á ung-
lingsaldur er komið þá er því oft
lítið eftir af henni. Himnan getur
verið misþykk og sumar fæðast
alls ekki með hana.
Sumar konur upplifa sársauka,
og blæðingu, við fyrstu samfarir
út af himnunni (sér í lagi ef hún er
þykk) en einnig ef þær eru stress-
aðar og kannski ekki tilbúnar.
Stúlkur geta sjálfar rofið meyj-
arhaftið með því að stinga fingri
inn í leggöng og þá eru áhyggj-
ur af því frá. Það breytir því þó
ekki að fyrstu samfarir geta verið
sársaukafullar, einmitt út af því
að þær eru ekki tilbúnar og píkan
ekki nægjanlega blaut. Það sem
hefur valdið okkur vandræðum
er þessi tenging himnunnar við
sönnun um hreinleika og óspjall-
aða mey. Ef allir vissu að það væri
bull þá væri enginn að pæla neitt
sérstaklega í meyjarhaftinu. Það
er í raun ekkert merkilegra fyrir-
bæri en eyrnamergur.
Ég þakka ábendinguna, kæri
lesandi og ætla að sjá til þess að
þessi fræðslumoli komist til skila
í þeirri kynfræðslu sem ég sinni.
Er meyjarhaftið mýta?
KYNLÍF: TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
MIKILVÆG FRÆÐSLA Mikilvægt er að fræða ungt fólk um staðreyndir í sambandi við
líkama þeirra.
MÍNÚTNA SKOKK þarf til að ná af sér hálfum lítra af bjór, en hálfur lítri
inniheldur að meðaltali 195 kalóríur. Einnig getur maður gengið í 40 mínútur
eða hjólað í 20 mínútur fái maður samviskubit yfir bjórdrykkju.
20
Það sem hefur valdið
okkur vandræðum
er þessi tenging himnunnar
við sönnun um hreinleika og
óspjallaða mey.
SIGGA DÖGG
KYNFRÆÐINGUR
HEILSA Leikmenn í bandarísk-
um fótbolta eru líklegastir til að
fá heilahristing við íþróttaiðkun
sína, en næst á eftir þeim er knatt-
spyrnufólk líklegast til að hljóta
höfuðhögg. Á einum áratug hefur
fjöldi heilahristingstilfella í fót-
bolta aukist um 58 prósent.
Bob Cantu, læknir við Emerson
sjúkrahúsið í Massachusetts, segir
fótboltafólk fá heilahristing af því
að skalla boltann. „Þetta er heila-
hristingsfaraldur. Fái íþróttafólk
reglulega heilahristing getur það
orðið til þess að það hljóti varan-
legan skaða af,“ sagði Cantu í við-
tali við NBC.
Það vakti jafnframt athygli að
heilahristingstilfellin eru fleiri
meðal fótboltakvenna en karla
auk þess sem þær eru lengur að
jafna sig eftir höfuðhögg en þeir.
Áhyggjur Cantu voru slíkar að
hann lagði til að fótboltamönnum
yrði alfarið bannað að skalla bolt-
ann.
Fótboltakonur fá
frekar heilahristing
VELDUR HEILAHRISTINGI Það að skalla boltann getur orsakað heilahristing. Fótbolta-
konur fá frekar heilahristing en fótboltamenn. NORDICPHOTOS/GETTY
HEILSA Megrun á meðgöngu er
ekki hættuleg fyrir konur og
felur ekki sér neina áhættu hvað
fóstrið varðar. Þetta kemur fram
í grein í tímaritinu The British
Medical Journal. Þar voru skoð-
aðar niðurstöður úr 44 rannsókn-
um sem höfðu áður verið gerðar
og tóku rúmlega sjö þúsund
konur þátt í þeim.
Samkvæmt grein sérfræðinga
tímaritsins er best fyrir ófrísk-
ar konur að borða hollan mat og
borða ekki fyrir tvo. Það kemur
í veg fyrir aukakíló og dregur úr
hættunni á einhvers konar vand-
ræðum.
Þessar niðurstöður varðandi
megrunina eru í mótsögn við ráð-
leggingar frá NICE-heilbrigðis-
stofnuninni í Bretlandi frá árinu
2010, samkvæmt BBC. Þar sem
ekki er mælt með megrun fyrir
barnshafandi konur því hún geti
skaðað fóstrið.
Megrun ekki
hættuleg
ÓFRÍSK Megrun telst ekki vera hættuleg
fyrir barnshafandi konur.
Sigurjón M. Egilsson
stýrir Sprengisandi
á sunnudags morgnum kl. 10–12
Sprengisandur
kraftmikill þjóðmálaþáttur