Fréttablaðið - 14.06.2012, Blaðsíða 48

14. júní 2012 FIMMTUDAGUR36
Kvikmyndaþátturinn Kviksjá í umsjón Sig-
ríðar Pétursdóttur hefur göngu sína annað
kvöld, annað árið í röð. Sýndar verða tíu
íslenskar kvikmyndir sem fylgt er úr hlaði
með viðtölum Sigríðar við leikstjóra, leik-
ara eða handritshöfunda. Á dagskrá eru
nýjar myndir og eldri í bland, til dæmis
Á annan veg og Skilaboð til Söndru. Þrjár
þeirra mynda sem sýndar verða í sumar
segist Sigríður hafa leitast sérstaklega við
að hafa með: Stellu í Orlofi, Benjamín dúfu
og Húsið.
„Í fyrra var ég spurð í hverri viku
hvort ég ætlaði ekki að sýna Stellu, hún er
greinilega enn svona ofboðslega vinsæl.
Benjamín dúfa er ein af mínum uppáhalds-
myndum og langt síðan hún var sýnd opin-
berlega. Það sama má segja um Húsið, sem
er nýbúið að lagfæra og betrumbæta en
Egill Eðvarðsson segir mjög skemmtilega
frá gerð myndarinnar.“
Kviksjá verður jafnan á dagskrá á
sunnudagskvöldum en þar sem þjóðhátíð-
ardaginn ber upp næsta sunnudag verður
fyrsta Kviksjá sumarsins send út á á morg-
un, föstudag. Þá verður sýnd Okkar eigin
Osló frá 2011 og ræðir Sigríður við Reyni
Lyngdal, leikstjóra myndarinnar.
Á mánudagskvöldum verða svo sýndar
valdar stuttmyndir sem nemendur Kvik-
myndaskóla Íslands hafa gert undanfarin
ár. Þættirnir eru sem fyrr teknir upp í Bíó
Paradís, heimili kvikmyndanna, og um
dagskrárgerð sér Janus Bragi Jakobsson.
Í haust vendir Sigríður síðan kvæði sínu
í kross og flytur til London ásamt fjöl-
skyldu sinni. Undanfarin ár hefur hún
stýrt útvarpsþættinum Kviku á Rás 1 en
stýrir honum aðra hverja viku í vetur.
„Ég verð með svona fróðleiksþætti en
annar umsjónarmaður á móti mér sinnir
því sem er að gerast í bransanum heima.“
Sigríður mun hins vegar einbeita sér
að sjónvarpsþættinum Djöflaeyjunni og
vinna innslög í hann á Englandi.
„Ég er þegar búin að finna helling af
efni til að vinna,“ segir hún. „Það er fullt
af Íslendingum að gera hluti sem sárafá-
ir vita af, auk þess sem menningarlífið í
London er afar blómlegt, eins og flestir
þekkja.“ - bs
TENGDÓ Sýning ársins að mati gagn-
rýnenda Reykvélarinnar.
Leikverkið Tengdó eftir Val Frey
Einarsson er sýning ársins að
mati gagnrýnenda Reykvélarinn-
ar, vefrits sem helgað er leiklist.
Reykvélin veitir nú í fyrsta sinn
leiklistarverðlaunin Leikvélina,
en þau falla í skaut „eftirtektar-
verðustu og mikilvægustu“ leik-
sýningu ársins, að mati gagnrýn-
enda miðilsins.
Tengdó var frumsýnt í Borgar-
leikhúsinu í byrjun árs. Í umsögn-
um gagnrýnenda Reykvélar-
innar segir meðal annars að í
verkinu sé sleginn tær og sannur
tónn, sem byggi á raunverulegri
reynslu sem sé færð yfir á leik-
sviðið með hrífandi frásagnar-
tækni. Jón Páll Eyjólfsson leik-
stýrði.
Í öðru sæti varð Sýning ársins
eftir leikhópinn 16 elskendur, en
Beðið eftir Godot í meðförum
Kvenfélagsins Garps hafnaði í
þriðja sæti.
Reykvélin
veitir leik-
húsverðlaun
Hulda Hlín Magnúsdóttir, list-
fræðingur og myndlistarmaður,
leiðir gesti um sýningarnar Rúrí,
Hættumörk, Ölvuð af Íslandi og
Dáleidd af Íslandi á Listasafni
Íslands í dag klukkan 13. Leið-
sögnin verður á ítölsku.
Innsetning Rúríar, Archive –
Endangered Waters, hefur verið
til sýnis í Listasafni Íslands frá
því í marsbyrjun 2012, sem hluti
af yfirlitssýningu hennar og er
núna á sýningunni Hættumörk/
Endangered. Sýningin Ölvuð
af Íslandi er byggð á þjóðar-
átaki þar sem Ísland var í kjölfar
bankahrunsins 2008 kynnt sem
náttúruleg paradís. Dáleidd af
Íslandi samanstendur af nokkr-
um fossum úr Fallvatnaskrá
Rúríar sem eru í safneign Lista-
safns Íslands.
Rúrí á ítölsku
HULDA HLÍN Lóðsar gesti um sýningu
Rúríar á dag.
Kvikmyndaþátturinn Kviksjá aftur á dagskrá í sumar
SIGRÍÐUR PÉTURSDÓTTIR Stýrir Kviksjá í sumar en
sinnir dagskrárgerð fyrir Djöflaeyjuna og Kviku frá
London í haust.
NÝTT
www.facebook.com/Fronkex
Fáðu þér íslenskt gott kex
með chilli eða hvítlauksbragði.
Bættu við bragðgóðum íslenskum osti,
dreitil af sultu og njóttu þess.