Fréttablaðið - 24.07.2012, Blaðsíða 30

24. júlí 2012 ÞRIÐJUDAGUR26
„Það var fullt af ókunnugu fólki
að koma upp að manni með tárin
í augunum og knúsa mann. Í gær
voru síðan allir að gefa okkur
„high five“ og segja hvað þetta
hefði verið æðislegt,“ sagði Valdís
Helga Þorgeirsdóttir í gærmorg-
un en kærasti hennar Óli Valur
Þrastar son fór niður á skeljarnar
uppi á sviði að útitónleikum listahá-
tíðarinnar LungA loknum aðfara-
nótt sunnudags. Hátíðin fór fram
á Seyðisfirði í síðastliðinni viku
og voru tónleikarnir hálf gerður
endapunktur. Því má því segja að
LungA hafi lokið með bónorði.
Unnsteinn Manuel Stefánsson,
söngvari hljómsveitarinnar Retro
Stefson, kynnti Óla næstan á svið
eftir lokalag sveitarinnar. Upp-
átækið vakti mikla undrun hjá
Valdísi, sem og hátíðar gestum,
en hún stóð grunlaus í mann-
þrönginni ásamt vinkonum sínum.
„Ég, hann og tvær vinkonur mínar
höfðum verið að dansa og síðan
vorum við bara: „hvar er Óli?“,“
segir Valdís sem sá að þessu sögðu
kærastann, sem hafði horfið þeim
úr augnsýn, stíga á svið og biðja
hennar.
„Ég bjóst ekkert við þessu,“
segir hún og tekur fram að Óli hafi
gert þetta í hita augna bliksins.
Hann er að vonum ánægður með
ákvörðunina en Valdís sagði já við
bóninni á stundinni. „Ég þurfti
ekkert að hugsa mig um,“ segir
hún í glöð í bragði.
Nýtrúlofaða parið hefur ekki
rætt frekari áform um giftingu og
svarar Óli spurður um hvenær þau
muni ganga upp að altarinu: „Við
erum ekki farin að huga að giftingu,
það er seinni tíma hausverkur.“ Á
sama tíma segir Valdís sig vera að
venjast tilhugsuninni um væntan-
lega giftingu.
Nýtrúlofaða parið er ungt að
árum en Valdís er tuttugu og fjög-
urra ára og Óli, oft nefndur Óli Ofur
vegna hljóðkerfaleigu sinnar Ofur
hljóð/ljós, er tuttugu og níu ára. Þau
mikla ekki fyrir sér að hafa verið
saman í fremur stuttan tíma og eru
bæði í skýjunum. „Hún er bara svo
fín að ég gat ekki annað. Mér fannst
þetta bara hið rétta í stöðunni svo
ég fór þarna upp og spurði hana,“
segir hann. hallfridur@frettabladid.is
MORGUNMATURINN
Við erum ekki farin
að huga að giftingu,
það er seinni tíma haus-
verkur.
ÓLI VALUR ÞRASTARSON
„Ég er svo matgrannur á morgn-
ana að ég fæ mér yfirleitt ekki
annað en kaffibolla og AB-mjólk
með jarðaberjabragði. Ef ég er í
stuði fæ ég mér banana með.“
Kjartan Dagur Hólm, gítarleikari.
„Þetta er auðvitað bara mín saga
og ég ákvað að segja hana vegna
þess að ég hefði svo sannar lega
þurft að horfa á svona mynd
þegar ég var yngri,“ segir Hrafn-
hildur Guðmundsdóttir sem er
viðfangsefni heimildar myndar
sem ber nafn hennar, Hrafn-
hildur.
Hrafnhildur var orðin 26 ára
gömul þegar hún gafst upp á að
reyna að lifa lífinu sem Hall-
dór Hrafn og tilkynnti sínum
nánustu að hún væri í raun kven-
maður fastur í líkama karlmanns.
Hún hóf kynleið réttingar ferli í
kjölfarið og tók höndum saman
við sjónvarps konuna Ragnhildi
Steinunni Jónsdóttur um að gera
um það heimildarmynd.
Myndin hefur verið í vinnslu
í gegnum allt ferlið og upptöku-
vélar hafa meðal annars fylgt
Hrafnhildi eftir í heimsóknir
til geðlæknis og í hormónameð-
ferðir. „Ég er auðvitað smeyk við
að opinbera mig á þann hátt sem
ég geri í myndinni, hingað til hef
aldrei viljað blanda mér opin-
berlega í umfjöllun um trans-
mál. Ég vil ekki að fólk telji mig
einhvern talsmann transfólks á
Íslandi,“ segir hún en réttarstaða
transfólks hefur verið mikið í
umræðunni upp á síðkastið og
mikið að gerast í baráttumálum
þeirra. Þar má til dæmis nefna
að um miðjan júní voru samþykkt
lög til að tryggja transfólki jafna
stöðu á við aðra, nokkuð sem átti
sér stað fyrir nokkrum árum hjá
samkynhneigðum.
Heimildarmyndin Hrafnhildur
verður frumsýnd á fyrsta degi
Gay Pride, þann 7.ágúst, í Bíói
Paradís. - trs
Transkona opnar sig á hvíta tjaldinu
VILL HJÁLPA Hrafnhildur segir að hún
hefði sjálf þurft mikið á sams konar
mynd að halda þegar hún var yngri og
þess vegna ákvað hún að taka þátt í
gerð hennar. MYND/ELENA LITSOVA
Ég er auðvitað smeyk
við að opinbera mig
á þann hátt sem ég geri í
myndinni.
HRAFNHILDUR GUÐMUNDSDÓTTIR
VALDÍS HELGA ÞORGEIRSDÓTTIR: ÉG BJÓST EKKERT VIÐ ÞESSU
LungA lauk með bónorði
NÝTRÚLOFUÐ Valdís Helga Þorgeirsdóttir kyssir unnusta sinn Óla Val Þrastarson eftir að hafa játast honum á sviði útitónleika
listahátíðarinnar LungA aðfaranótt sunnudags. MYND/MAGNÚS ANDERSEN
Gunnar Björn Guðmundsson
leikstýrir Áramótaskaupinu
í ár og er þetta í fjórða sinn
sem hann leikstýrir Skaupinu.
Gunnar Björn mun að öllum
líkindum einnig koma að hand-
ritaskrifunum líkt og fyrri ár
og segir Skaupið skemmtilegt
verkefni þó það geti oft á tíðum
verið stressandi.
„Þetta er skemmtilegt verk-
efni og mikil áskorun en alltaf
jafn stressandi. Þó mönnum
hafi líkað hin Áramóta skaupin
er ekki öruggt að þeim þyki
næsta Skaup gott. Maður er
alltaf á byrjunarreit og það er
líklega ástæðan fyrir því að
mér finnst þetta svona gaman,“
útskýrir hann.
Gunnar Björn er í sumar-
fríi með fjölskyldu sinni um
þessar mundir og segist ekki
hafa fylgst sérstaklega vel
með fréttum það sem af er ári
en að brátt verði breyting þar
á. „Ég hef ekki verið duglegur
að fylgjast með fréttum fram
að þessu, en það breytist núna.
Undirbúningsvinnan fer að
hefjast og oftast spretta bestu
hug myndirnar upp þegar maður
byrjar að vinna í handritinu.“
Í öðrum fréttum af Gunnari
Birni er frá því að segja að hann
steig aftur á svið sem leikari
eftir nokkurt hlé í leik verkinu
Ævintýri Múnkhásens sem sýnt
var í Gaflaraleikhúsinu í vor.
Verkið er byggt á ýkju sögum
þekktasta lygara heimsins,
þýska barónsins Múnkhásens,
og verður sett aftur á svið í
haust. - sm
Leikstýrir Skaupinu í fjórða skipti
LEIKSTÝRIR SKAUPINU Gunnar Björn
Guðmundsson leikstýrir Áramóta-
skaupinu í fjórða sinn í ár.
FRÉTTABLAÐIÐ/GVA