Fréttablaðið - 23.11.2012, Blaðsíða 18

23. nóvember 2012 FÖSTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is
MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.
is Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
FRÁ DEGI
TIL DAGS
Margir einstaklingar hafa komið að máli
við mig undanfarið og sagt mér að þeir
séu búnir að glata trúnni á stjórn málin.
Þeim þykir miður hversu lítið traust
ríkir í samfélaginu og telja ástæðuna
meðal annars þá að kjörnir fulltrúar for-
gangsraði ekki nægilega í þágu fólksins
í landinu.
Það er talsvert til í því. Stjórnmála-
menn verða að leggja sig enn betur fram
við að hlusta á fólkið og heyra raddir
þess. Þá færi mestur tími okkar allra í
að vinna að lausnum vegna þeirra verk-
efna sem fjölskyldurnar í landinu standa
frammi fyrir. Orkan færi í að skapa
fólkinu og fyrirtækjunum tækifæri til
að nýta það sem við eigum til að efla
atvinnu, hagsæld og von. Aðgerðir til að
draga úr skuldavanda og auka ráðstöf-
unartekjur heimilanna væru í forgrunni
og umtalsverður tími yrði nýttur til að
minnka yfirbyggingu og kostnað kerfis-
ins, svo tryggja mætti lága skatta og sem
besta nýtingu fjármagns. Starfshópum
opinberra starfsmanna og stjórnmála-
manna um allt og ekki neitt yrði fækkað
en öll áhersla lögð á að færa vald og val
til almennings sjálfs.
Að ástunda slík stjórnmál er eina
leiðin til að endurvinna það traust sem
glatast hefur. Núverandi valdhöfum
hefur ekki tekist það og því bíður það
mikilvæga verk þeirra sem raunveru-
lega eru reiðubúnir til að hlusta og heyra
– en umfram allt vinna í þágu fólksins í
landinu. Við eigum fjölmörg ónýtt tæki-
færi til að gera landið okkar enn betra.
Hér geta allir lagt sitt af mörkum og hér
getum við í sameiningu gert þær breyt-
ingar sem nauðsynlegar eru.
Ég hvet allt sjálfstæðisfólk í Reykjavík
til að taka þátt í að velja öflugan fram-
boðslista fyrir komandi þing kosningar.
Þannig aukum við líkurnar á góðum
árangri Sjálfstæðisflokksins í vor og
gefum íslenskri þjóð von um breytingar,
fleiri tækifæri og nýja tíma.
Breytum þessu saman
STJÓRNMÁL
Hanna Birna
Kristjánsdóttir
borgarfulltrúi og
frambjóðandi
í fyrsta sæti í
prófk jöri Sjálf-
stæðisfl okksins í
Reykjavík
➜ Aðgerðir til að draga úr skulda-
vanda og auka ráðstöfunartekjur
heimilanna væru í forgrunni og
umtalsverður tími yrði nýttur til að
minnka yfi rbyggingu og kostnað
kerfi sins, svo tryggja mætti lága
skatta og sem besta nýtingu fjár-
magns.
H
vert hlutverk ríkisvaldsins á að vera er eilíft
umræðuefni. Almennt virðist sátt um það á Íslandi
að það eigi að halda uppi lögum og reglu og setja
almennar leikreglur. Auk þess er víðtækur stuðning-
ur við að hér sé víðfeðmt velferðarkerfi og að ríkið
tryggi þegnum sínum tiltölulega jöfn tækifæri til náms og starfa.
Sífellt er þó verið að endurskilgreina hlutverk ríkisins og fingur
þess birtast skyndilega á ólíklegustu stöðum. Nú, þegar líður að
lokum kjörtímabilsins, virðist vera mikill vilji til að stækka það
hlutverk.
Í fjárlagafrumvarpi ríkis-
stjórnarinnar fyrir árið 2013
er til að mynda boðuð hækkun
á vörugjöldum á matvæli sem
beinast eiga að sykri í mat-
vælum. Hækkunin er réttlætt
með manneldissjónarmiðum
og aðgerðum gegn offitu. Þessi
hækkun kemur til viðbótar við
sykurskatt sem settur var á drykki og sætindi árið 2009 með það
að markmiði að draga úr neyslu á þeim.
Í síðasta mánuði var greint frá því að leggja ætti fram frum-
varp sem bannar erlend happdrætti á netinu. Ástæðan er víst sú
að pókerspilun Íslendinga á netinu er orðin svo mikil að yfir-
völdum þóknast hún ekki lengur. Íslenskir fjárhættu spilarar mega
þó áfram tapa peningunum sínum í spilakössum Há skólans, Rauða
krossins, Landsbjargar og SÁÁ. Verði frum varpið að lögum á að
setja á fót Happdrættisstofu til að framfylgja lögunum.
Frumvarp um bann við áfengisauglýsingum undir merkjum
lýðheilsusjónarmiða var líka lagt fram fyrir skemmstu. Eða
réttara sagt um bann við auglýsingum íslenskra aðila sem selja
áfengi. Bannið nær nefnilega ekki yfir erlenda fjölmiðla sem
aðgengilegir eru hér á landi né internetið, þar sem áfengisaug-
lýsingar eru á hverju strái. Bannið mun því líkast til ekki draga
úr neyslu, heldur bitna fyrst og síðast á íslenskum bjórframleið-
endum sem eru að reyna að auka markaðshlutdeild sína á kostnað
innfluttra tegunda.
Fyrir Alþingi liggur líka nýleg tillaga um að einungis megi
selja tóbak í apótekum þó að neysla þess sé lögleg. Einungis
apótek með „sérstakt tóbakssöluleyfi“ mega selja varninginn og
eftir tíu ár á salan að vera takmörkuð þannig að hún sé háð því
að „tóbaks lyfseðli“ sé framvísað. Í tillögunni er einnig reynt að
koma á algeru banni við munn- og neftóbaki, en í dag er einungis
bannað að nota útlenskt. Í rökstuðningi segir: „Ekki er unnt
að sitja hjá meðan notkun þessa forms tóbaks eykst hröðum
skrefum.“
Allar þessar aðgerðir eru studdar þeim rökum að bönnin sem
þeim fylgja séu okkur fyrir bestu. Góðu stjórnmálamennirnir
eru að passa upp á að við förum okkur ekki að voða líkt og for-
eldrar sem vernda kornabörn sín frá hættum umhverfisins. En
augljóst er að alþingismenn geta ekki varið þegna landsins fyrir
öllum mögulegum skaða, sem auk þess er afstætt hugtak. Að
margra mati felst líka beinn skaði í mörgum aðgerðum ríkisins.
Þess vegna er auðvelt að draga þá ályktun að valkvæð boð og
bönn stjórnarherranna snúist ekki um fórnarlömbin heldur
stjórnlyndi þeirra sem setja lögin. Þeir sjá heiminn í ákveðnum
litum og vilja að aðrir, sem þeir telja vita minna, upplifi hann
á sama hátt. Og í þeirri afstöðu er fólgin nánast ófyrirgefanleg
hræsni.
Forræðishyggja lifir í íslenskum stjórnmálum:
Þeir sem vita best
Þórður Snær
Júlíusson
thordur@frettabladid.is
Bubbi byggir
„Við sem byggjum Ísland viljum
skapa réttlátt samfélag þar sem
allir sitja við sama borð. Ólíkur
uppruni okkar auðgar heildina og
saman berum við ábyrgð á arfi
kynslóðanna, landi og sögu, náttúru,
tungu og menningu.“ Nei, lesandi
góður, þetta er ekki tekið úr
stefnuskrá einhvers
stjórnmálaflokksins
eða hugmyndum
ungmennafélag-
anna um hvernig
Ísland eigi að vera.
Þetta er
fyrsta setning
í aðfaraorðum
að frumvarpi til
stjórnskipunar-
laga um stjórnarskrá lýðveldisins
Íslands. Lagatextar eru oft hinir
tyrfnustu og þetta er fínasta tilbreyt-
ing frá þeim. En hvað í ósköpunum
þýðir þetta orðagjálfur?
We the People
Við sem byggjum Ísland á reyndar
í þessu tilviki ekki við um iðnaðar-
menn þessa lands; sem eru salt
jarðar. Hér er væntanlega vísað til
þjóðarinnar. „We the People“
segir í stjórnarskrá
Bandaríkjanna
og af hverju
ættum við
ekki að gera
eins?
NATO gegn stjórnarskrá?
Og áfram halda aðfararorðin í
stjórnarskrárfrumvarpinu: „Við
viljum efla friðsæld, öryggi, heill og
hamingju á meðal okkar og komandi
kynslóða. Við einsetjum okkur að
vinna með öðrum þjóðum að friði og
virðingu fyrir jörðinni og öllu mann-
kyni.“ Þetta er athyglisvert, ekki síst
í ljósi aðildar Íslands að hernaðar-
bandalaginu NATO. Ætli Samtök
hernaðarandstæðinga
hlytu ekki að telja
það fullnaðarsigur ef
aðild að NATO verður
stjórnarskrárbrot?
kolbeinn@frettabladid.is
5.
Elínbjörg
Magnúsdóttir
SÆTI
PRÓFKJÖR SJÁLFSTÆÐISFLOKKSINS Í REYKJAVÍK 24. NÓVEMBER
Alþingi á að endurspegla samfélagið.
Hlúum að heimilunum – afnemum
skattastefnu vinstri stjórnarinnar.
Elínbjörg Magnúsdóttir