Fréttablaðið - 24.12.2012, Blaðsíða 46

24. desember 2012 MÁNUDAGUR| MENNING | 42
„Við höldum áfram eftir áramót og erum mjög
sáttir við það,“ segir Benedikt Valsson, annar
umsjónarmaður Hraðfrétta sem halda áfram í
Ríkissjónvarpinu eftir áramót.
Í vetur hafa Hraðfréttir verið innslag í Kast-
ljósi á Ríkissjónvarpinu á fimmtudögum og
vakið mikla athygli. Upphaflega áttu þeir Bene-
dikt og Fannar Sveinsson meðstjórn andi ein-
ungis að vera til áramóta. Á dögunum fengu þeir
þær gleðifregnir að þættirnir halda áfram með
sama sniði fram á næsta sumar. „Þetta hefur
gengið framar björtustu vonum og mikil ánægja
með þessi innslög okkar innanhús. Síðan voru
viðbrögðin svo góð hjá áhorfendum líka sem er
frábært. Við erum líka í skýjunum á RÚV.“
Hraðfréttir Benedikts og Fannars slógu í
gegn á Mbl.is en færðu sig yfir á Ríkissjónvarp-
ið í sumar. Þeir finna vel fyrir aukinni athygli
með breiðari og stærri áhorfendahóp sem fylgir
sjónvarpinu. „Maður tók vel eftir því að fleiri
sáu innslögin okkar og að allur skalinn af fólki
var að horfa. Til dæmis þingmenn og fleiri,“
segir Benedikt og vísar til fyrirspurnar Álf-
heiðar Ingadóttur, þingmanns Vinstri grænna,
til menntamálaráðherra fyrr í haust um hvort
Ríkissjónvarpið hafi fengið greitt fyrir innslag
í þættinum. „Við fengum Björn Jörund í þáttinn
til að segja Nova en hann er rödd fyrirtækisins.
Það var engin auglýsing, bara fyndið grín.“
- áp
Við erum í skýjunum á RÚV
Hraðfréttir halda áfram í Ríkissjónvarpinu eft ir áramót
HALDA ÁFRAM Í EFSTALEITINU Benedikt Valsson og
Fannar Sveinsson verða áfram með Hraðfréttir í Ríkiss-
jónvarpinu eftir áramót. FRÉTTABLAÐIÐ/ANTON
„Ég er svo væminn eitthvað og Ef
ég nenni er jólalagið mitt. Maður
má ekki segja þetta en það er það
samt. Þetta lag er sakbitin sæla.“
Arnór Pálmi Arnarson, leikstjóri Hæ Gosa.
JÓLALAGIÐ
„Þetta er bara æðislegt og mikil stemming,“ segir Sig-
urlín Sigurjónsdóttir, þjónustufulltrúi hjá ABC barna-
hjálp, en mikil aukning er á vinsældum gjafa frá sam-
tökunum í ár. Hjá ABC barnahjálp er hægt að kaupa
gjafabréf fyrir hænum, geitum, mat, skólaborði og
bekkjum, en einnig er hægt er að borga fyrir skólavist
hjá börnum. Þessir hlutir eru svo færðir skólastarfi
ABC út um allan heim. Sigurlín skýtur á að það sé um
60% aukning á gjöfum af þessu tagi frá því í fyrra og
hefur hún haft í nógu að snúast.
„Gróflega talið hef ég líklega selt um þrjátíu geitur
og fimmtíu hænur í desembermánuði,“ segir Sigurlín.
Engin sérstök auglýsingaherferð var hjá samtökun-
um fyrir jólin í ár en Sigurlín segir þessa mikla aukn-
ingu milli ára skrifast líklega á eins konar vakningu á
hjálparstarfi meðal þjóðarinnar. - áp
Hænurnar og geiturnar vinsælastar
Gjafi r frá ABC barnahjálp hafa sjaldan eða aldrei verið jafn eft irsóttar og í ár
MIKIÐ AÐ GERA FYRIR JÓLIN Í ár er Mikil aukning á kaupum
á gjafabréfum frá ABC barnahjálp en hænurnar og geiturnar
eru vinsælastar.
Þessa stundina er GunHil að byrja
að kynna hugmyndina af teikni-
myndinni Ploe - You Never Fly
Alone. Hún fjallar um ófleygan
lóuunga. „Hann verður einn eftir
á Íslandi þegar farfuglarnir fara til
heitari landa og lendir í ýmsum
ævintýrum og berst við náttúru-
öflin,“ segir Haukur um nýjasta
verkefni GunHil sem verður fyrsta
fjölskyldumynd fyrirtækisins í
fullri lengd. „Við kynnum hana á
hátíðinni Cartoon Movie í Lyon
í byrjun mars á næsta ári en
þangað mætir teiknimyndaiðn-
aður Evrópu eins og hann leggur
sig,“ segir Haukur sem segir það
mikinn heiður að vera valinn
til að kynna myndina á þessari
hátíð.
VINNA AÐ
TEIKNIMYND Í
FULLRI LENGD
„Þeir eru ansi stórir og með ýmsa
teiknimyndaþætti á sínum snær-
um,“ segir Haukur Sigurjónsson,
framleiðandi, um breska fyrir-
tækið Cake Distribution sem fram-
leiðslufyrirtækið GunHil landaði
samningi við í byrjun nóvember.
Samningurinn snýr að dreifingu
og meðframleiðslu á teiknimynda-
þáttaröð sem ber heitið Space
Stallions. Nafn seríunnar útleggst
sem Geimfolarnir á íslensku og
fjallar um hóp sem heldur út í geim
til að bjarga alheiminum. „Eða í
raun fjölheiminum frá útrýmingu,“
segir Haukur og á við alheiminn
auk ýmissa vídda hans. „Þetta
er svona sci-fi grín,“ bætir hann
við.
GunHil samanstendur af
þeim Gunnari Karlssyni, Hilm-
ari Sigurðssyni og Hauki en þeir
hafa haft í nógu að snúast
vegna þáttanna sem eru
í anda níunda áratug-
arins. „Þeir eru þó
með nútímavanda-
mál og nútímahúm-
or,“ segir Haukur og
lýsir þeim sem skop-
stælingu á „eitís“-teiknimyndum.
Hugmyndasmiðir þáttanna eru
þeir Þorvaldur Gunnarsson og
Ágúst Freyr Kristinsson en stikla
þáttanna var útskriftarverkefni
þeirra frá skólanum Animation
Workshop í Viborg í Danmörku.
GunHil tók svo að sér framleiðsl-
una og síðan þá hafa hlutirnir
gerst hratt.
„Við fórum á hátíðina Cartoon
Forum í Toulouse í september og
fengum ótrúlegar viðtökur. Það
var klappað, hlegið og svakaleg
stemning á sýningunni okkar.
Við vissum ekkert hvað við
vorum að fara út í því
megnið af efninu sem er
sýnt þarna er barnaefni,“
segir Haukur ánægður
og bætir við að það sem
geri þetta bæði erfiðara
og skemmtilegra sé að
þættirnir séu ætl-
aðir eldri kynslóð-
inni. „Markhópur
þáttanna er Inter-
net-kynslóðin og
að einhverju leyti
mín en ég ólst
upp við Thunder Cats og He-Man,“
segir hann.
Fjölmargir aðilar sýndu verk-
efninu áhuga eftir hátíðina. „Eftir
það fórum við heim og unnum
úr áhuganum og að lokum gerð-
um við samning við þetta fyrir-
tæki.“ En hvað felst í samningum?
„Þeir sjá um að dreifa þættinum
á sjónvarpsstöðvar um heiminn
ásamt því að vera meðframleið-
endur. Nú erum við ekki farnir að
framleiða Space Stallions enn þá
því það kostar mikla peninga en
til þess að framleiða svona efni
þarftu helst að vera búinn að selja
það á einhverjar sjónvarpsstöðv-
ar sem borga fyrir gerð þáttanna,“
segir Haukur en Cake Distribution
tekur að sér að finna þennan aðila.
„Þeir myndu ekki gera það nema
þeir hefðu mikla trú á þáttunum,“
segir Haukur.
„Markmiðið þessa stundina
er að ná samningi á Bandaríkja-
markaði þar sem hann er stærstur.
Þeir eru strax komnir með nokkra
áhugasama aðila þar sem við erum
að skoða,“ segir hann.
hallfridur@frettabladid.is
Geimfolar lönduðu
stórum samningi
Framleiðslufyrirtækið GunHil hefur landað samningi við breska fyrirtækið Cake
Distribution fyrir „eitís“-teiknimyndaþáttaröðina Space Stallions.
SPACE STALLIONS Framleiðslufyrirtækið GunHil gerði samning í byrjun nóvember
við breska dreifingaraðilann Cake Distribution sem er stór í teiknimyndabransanum
og ætlar að dreifa teiknimyndaseríunni Space Stallions á erlendar sjónvarpsstöðvar.
HAUKUR
SIGURJÓNSSON