Fréttablaðið - 27.12.2012, Síða 32

FÓLK|HEILSA
Nú líður að áramótum og vert
að minna á að á gamlárskvöld
þegar flugeldum er skotið upp
margfaldast svifryksmengun. Í
fyrra mældist svifryksmengun
við Grensás í Reykjavík hvað
hæst á landinu, um 1000
μg/m3, en viðmiðunarmörk
eru 75 μg/m3 . Fyrir þá sem
eru með viðkvæm lungu eða
öndunarfærasýkingar getur
slík mengun valdið töluverð-
um óþægindum. Þeim er því
ráðlagt að halda sig innandyra
þegar ástandið er hvað verst.
Þá sýna mælingar fyrri ára að
ástandið gangi yfirleitt hratt
yfir. Minnst loftgæði í fyrra
mældust á flestum stöðum um
1 eftir miðnætti. Hægt er að
nálgast rauntímamælingar á
vefslóðinni www.loftgæði.is.
SVIFRYKSMENGUN
Á ÁRAMÓTUM VARASÖM
Um hver áramót er fjöldi Íslendinga farinn að huga að breyttum lífsstíl á nýju
ári, þá gjarnan í tengslum við
líkams rækt og breytt mataræði.
Of margir fara hins vegar of
geyst af stað í upphafi og setja
sér óraunhæf markmið. Ást-
hildur Björnsdóttir, hjúkrunar-
fræðingur og ÍAK einkaþjálfari,
segir mikilvægt að fara rólega af
stað, finna sér líkamsrækt sem
sé skemmtileg og setja raunhæf
markmið varðandi hreyfingu og
mataræði. „Sá sem hefur ekki
stundað neina líkamsrækt fer
ekki strax 4-5 sinnum í ræktina
fyrstu vikurnar. Þá er betra að
byrja rólega á stuttum göngu-
túrum eða sundferðum fyrstu
vikurnar. Ef maður þolir það
vel er hægt að íhuga kaup á
líkamsræktar korti. Auk þess eru
líkams ræktarstöðvar troðfullar
af fólki í janúar og kannski ekki
aðlaðandi staður fyrir þá sem
eru að stíga fyrstu skref sína
þar.“
Ásthildur bendir einnig á að
breytingar á mataræði þurfi að
hugsa á svipaðan hátt. Ekki sé
skynsamlegt að skera alveg á
alla óhollustu heldur gera það
jafnt og þétt. „Einnig skiptir
miklu máli að drekka nóg af vatni
og borða næringarríkt fæði.“
Hún bendir á að mikilvægt
sé að setja sér skýr markmið
og hafa þau helst skrifleg. Í því
sambandi sé gott að setja sér
raunhæft langtímamarkmið sem
síðan er brotið niður í smærri
skammtímamarkmið. Aðalatriðið
sé að markmiðin séu raunhæf
og án allra öfga. Auk þess sé
óvitlaust að leita til fagaðila
svo tryggt sé að rétt skref séu
tekin í upphafi. „Svo er auðvitað
mikilvægt að velja skemmtilega
líkams rækt. Það hentar ekki
öllum að fara í ræktina. Það
er hægt að synda, labba á fjöll
eða stunda sjálfsvarnaríþróttir.
Aðalatriðið er að finna eitthvað
skemmtilegt. Líkamsrækt verður
að vera skemmtileg, það nennir
enginn að vera í einhverju leiðin-
legu til lengdar. Manni á að líða
vel eftir æfinguna og hlakka til
að koma aftur.“
LÍKAMSRÆKT
VERÐUR AÐ VERA
SKEMMTILEG
GÓÐ HEILSA Skýr markmið skipta máli þegar hugað er að breyttum lífsstíl.
Best er að fara rólega af stað og finna sér skemmtilega líkamsrækt.
GAMAN Í RÆKTINNI „Líkamsrækt
verður að vera skemmtileg, það nennir
enginn að vera í einhverju leiðinlegu til
lengdar,“ segir Ásthildur Björnsdóttir,
hjúkrunarfræðingur og ÍAK einkaþjálfari.
MYND/STEFÁN
Skeifan 3j | Sími 553 8282 | www.heilsudrekinn.is
Öll kínvesk
leikfimi
Fríir
prufutímar
milli jóla
og nýárs
• Heilsu Qi Gong 5000 ára tækni
• Heilsubætandi Tai chi
• Kung Fu í samstafi við
Kínveskan íþrótta háskóla
SKRÁNING
NÚNA!
Fyrir alla
aldurshópa