Fréttatíminn - 13.07.2012, Blaðsíða 34

34 veiði Helgin 13.-15. júlí 2012
 Veiði Veiðifélagið Bíttá helVítið þitt
é g er nú að þróa, í samstarfi við bróður minn, nýja veiði-aðferð sem ég kalla „veiða og
henda“. Ég var við veiðar um daginn
og þá veiddi ég einn sem var um-
svifalaust drepinn og honum hent,
enda óhæfur til átu – lítill, og hálf-
vanskapaður,“ segir Sveinn Elmar
Magnússon framkvæmdastjóri veið-
félagsins Bíttá helvítið þitt – Fyrst
og fremst bjargræðisfélag.
Fékk ógeð á silungi
Þetta sérstæða veiðifélag hefur ver-
ið misfyrirferðarmikið en það var
stofnað árið 2004 og er því komið
til ára sinna. Þeir í Bíttá mega heita
frumkvöðlar í veiðibloggi en þeir
hafa haldið úti veiðisíðu þar sem
greint er frá ævintýrum sem félags-
menn lenda í, aflatölur og meira að
segja hafa þeir gert sérstaka sjón-
varpsþætti sem þeir birta á síðunni,
reyndar með óreglubundnum hætti.
„Já, maður sér sama orðaforðann
og við byrjuðum með víða á veiði-
síðum, þannig að ætli það megi ekki
heita svo,“ segir Sveinn Elmar. Síð-
an er enn virk og fjölsótt: http://
bitta.123.is.
Starfsemin hefur ekki verið mikil
að undanförnu en það horfir til bóta.
Niðursveifla í starfseminni kemur
ekki af góðu en framkvæmdastjór-
inn fékk ógeð á silungi – sem er
ekki gott fyrir mann í hans stöðu.
„Já, þetta hefur verið með hálffullu
fjöri að undanförnu. Ég var alveg
hættur að veiða. Ég veiði bara þegar
ég er svangur. Og þar sem ég var
kominn með ógeð á silungi, þá hætti
ég að veiða. Sumir veiða og sleppa.
Ég sleppti því að veiða. En ég er að
mjaka mér til baka. Og ætla að fara
að moka upp silungi bráðum.“
Rauður dropi er málið
Bíttá helvítið þitt leggur allt uppúr
sem ódýrustu græjunum auk þess
sem félagsmenn hafa megnustu
skömm á þessu „veiða og sleppa
kjaftæði“ sem hefur vaðið uppi í
heimi veiðimennskunnar undan-
farin árin. Reyndar er það að félagið
hafi verið hálfvankað að undanförnu
ekki eingöngu því um að kenna að
framkvæmdastjórinn hafði borð-
að yfir sig af silungi heldur hafa
sumir í félaginu farið í að kaupa sér
dýrari búnað, farið í fluguveiði en
þetta er bannað samkvæmt lögum
félagsins. „Ég var sjálfur farinn
að veiða á flugu. En, er nú að færa
mig aftur til baka. Það er best. Að
vera með ódýra teleskópíska stöng
og Rauðan dropa (spinner) – það
er best.“ Sveinn Elmar segir svo
frá að það hafi haft gríðarleg áhrif
á þá foringja í félaginu þegar þeir
sáu fyrsta þátt veiðiþáttaraðarinn-
ar Sporðaköst: „Dásamlegur þáttur.
Menn voru að veiða í Veiðivötnum,
á Lödu Sport og töluðu mikið um
að það væri nauðsynlegt að vera á
góðum bíl. Og veiða með rauðum
dropa. Þegar við fórum svo að gera
okkar eigin sjónvarpsþætti, en það
er gerður einn þáttur á tveggja ára
fresti, vorum við einmitt í Apavatni
og þá sagði bóndinn þar að Rauður
dropi gæfi best. Þetta þótti okkur
gott.“
Smíðar sér reykgræju úti á
svölum
Sveinn Elmar segir að þrátt fyrir að
hafa boðað veiðimennsku sem ekki
á uppi á pallborðið, svo sem að veiða
með ódýrum bensínstöðvagræjum,
ryðguðum spún og sleppa aldrei, þá
hafi þeir í Bíttá aldrei orðið fyrir að-
kasti. „Nei, þeir þora ekki í okkur.
Þusið í þeim er sennilega tilkomið
af öfund. Þeir eru hræddir um að
við séum að veiða meira en þeir
á spún.“ Sveinn telur þetta á mis-
skilningi byggt, að menn veiði ekk-
ert síður á flugu. Og framkvæmda-
stjórinn er allur að færast í aukana
eftir því sem á líður sumarið: „Ég
er nú að smíða mér sérstaka reyk-
græju úti á svölum til að reykja
aflann. Ég reykti hreindýrshjarta
í fyrra á prótótýpunni og það kom
vel út. Ég veit ekki hvort nágrann-
arnir verði mjög ánægðir,“ segir
Sveinn Elmar – en það verður ekki
við öllu séð.
Jakob Bjarnar Grétarsson
ritstjorn@frettatiminn.is
Þú getur nálgast Fréttatímann frítt á
þjónustustöðvum N1 um land allt
HELGARBLAÐ
www.veidiflugur.is hilmar@veidiflugur.is
LANGHOLTSVEGI 111 REYKJAVÍK SÍMI 527 1060
Exceed flugustangirnar
hafa slegið í gegn á Íslandi,
enda frábærar stangir hannaðar af einum
besta flugukastara heims Klaus Frimor.
Klárlega bestu kaupin
á markaðnum í dag!
Einhendur frá 43.900 kr.
Tvíhendur frá 64.900 kr.
Switch 52.900 kr.
Úr lögum Bíttá helvítið þitt
Reglur félagsins eru nokkuð strangar og um margt forvitnilegar: Í 1. grein segir að
stjórn félagsins sé alráð og í 3. grein er skýrt kveðið á um að kvenmenn séu með öllu
bannaðir í félaginu. Þar segir meðal annars: „Spúsur meðlima eru þó leyfilegar með í
veiðiferðir en þá eingöngu til yndisauka og nestissmurninga. Einnig er spúsum meðlima
leyfilegt að hafa tilbúinn heitan málsverð eftir erfiða ferð við að draga björg í bú.“
Önnur grein kveður á um að stjórn ráði því hver fái inni í félaginu og ... „til að fá inn-
göngu þarf til þess fyrsta að eiga nógu ódýran veiðibúnað eða úr sér genginn. Undan-
þágur um gæði og verð veiðibúnaðar eru aðeins gerðar af stjórnarlimum. Næsta mál
fyrir möguleika á nýlimun er að leysa þraut sem viðkomandi stjórnarlimur leggur fyrir
hann. Síðasta skilyrði innlimunar er að standast erfitt sálfræðipróf sem stjórnin leggur
fyrir verðandi nýlim.“
Fjórða grein er afdráttarlaus og svohljóðandi: „Bíttá helvítið þitt aðhyllist ALLS EKKI
veiða/sleppa stefnuna nema viðkomandi fiskur teljist óhæfur til átu vegna smæðar eða
vanskapnaðar. Komi upp vafamál mun stjórnin taka ákvörðun í hverju einstöku máli.“
Veiða og henda
Veiðifélagið Bíttá helvítið þitt var stofnað árið 2004 af ungum mönnum sem þótti nóg um fíni-
mennskuna sem var að yfirtaka stangveiði á Íslandi. Framkvæmdastjóri félagsins heitir Sveinn
Elmar Magnússon og hann segir hér undan og ofan af þessu sérstæða veiðifélagi sem stofnað var
árið 2004.
Sveinn Elmar framkvæmdastjóri Bíttá helvítið þitt lætur fara vel um sig í klappstól á
veiðislóð nú í sumar.
Lítil og vansköpuð bleikja sem fékk að
finna fyrir veiðiaðferðinni Veitt og hent.
M yndlistar-maðurinn Jón
Óskar er einn þeirra
fjölmörgu lista-
manna sem sér feg-
urðina í fluguveiði.
Hann hefur þó ekki
gengið svo langt að
hefja fluguhnýtingar,
sem þó ætti að liggja
vel fyrir listamann-
inum. „Nei, veistu...
það hefur bara aldrei
hvarflað að mér því
ekki setur Schu-
macher sjálfur bens-
ín á bílinn sinn.“
Jón Óskar, sem
þykir taka sig sér-
staklega vel út á
bakkanum og lítur
helst ekki við tví-
hendu, því henni
fylgir of mikill
„gösl-
ara-
gang-
ur“
hefur á
móti náð góðum tök-
um á einhendu; „hún
er miklu flottari“,
velur flugu vikunnar
að þessu sinni. Og
það vefst ekki fyrir
honum. „Jock Scott!
Einstaklega fallegt
reist bak á þeirri
flugu og það hvín í
loftinu þegar maður
skýtur henni þessa
40 metra, eða svo, út
í ána.“
Ástæðan fyrir
þessu vali Jóns,
fyrir utan hinn fagur-
fræðilega, er sú saga
sem honum var sögð
þegar hann var sem
oftar við veiðar í Að-
aldalnum; af stærsta
flugulaxi sem veiðst
hefur á Íslandi en þar
var að verki Jakob
Hafstein í Höfðahyl
10. júlí árið 1942 og
vó hann 36,5 pund.
„Á Jock Scott. Ég er
fixeraður á að taka
„þennan sama“ fisk
og þá á Jock Scott. Ég
hef aldrei fengið neitt
á þessa flugu en mér
finnst notalegt að
hugsa til þess, þegar
ég dorma á bakkan-
um, nákvæmlega þar
sem hann tók þann
lax.“
 fluga Vikunnar Jón óskar
Schumacher setur ekki sjálfur bensín á bíl sinn
Jón Óskar grams-
ar í fluguboxi
sínu: „Er þetta
ekki örugglega
Green Butt sem
hann Hilmar
Hansson er alltaf
að reyna að
koma mér uppá
að nota – þessar
grænu flugur?“
Jock Scott-fluga en
hana tók stærsti
flugulax sem veiðst
hefur á Íslandi.