Fréttatíminn - 13.07.2012, Síða 38

38 heilsa Helgin 13.-15. júlí 2012
Næringarinnihald í einum bolla af strengjabaunum (100 g)
Næringarefni Hlutfall af
ráðlögðum dagsskammti
C-vítamín 20.3%
K-vítamín 17.7%
A-vítamín 13.8%
Mangan 11%
Trefjar 8. 10.8%
Fólínsýra 8.2%
B6-vítamín 7%
Mólýbden 6.6%
Magnesíum 6.2%
Tryptófan 6.2%
Kalín 6%
B2-vítamín 5.8%
Járn 5.7%
B1-vítamín 5.3%
Fosfór 3.8%
Kalk 3 7%
Prótein 3.6%
B3-vítamín 3.6%
Kólín 3.6%
Kopar 3.5%
Omega-3 fitusýrur 2.9%
Hitaeiningar (31) 1%
 Heilsa Rannsókn á áhRifum tes á slæmt kólesteRól
Grænt te hefur löngum verið talið mikill heilsudrykkur en nú
hefur enn einn kvilli bæst á lista yfir þá sem grænt te gagnast
gegn, of hátt kólesteról. Samkvæmt nýjum rannsóknum sem
gerðar voru í Western University í Bandaríkjunum kom í
ljós að grænt te hefur jákvæð áhrif á magn slæms kólester-
óls í blóði. Hversu mikil áhrif á hins vegar eftir að rannsaka
nánar, sem og magn tesins og hversu oft þarf að neyta þess
svo það hafi áhrif.
Rannsóknin skipti hópi fólks í tvennt. Annar hlutinn
drakk grænt te og neytti dufts sem unnið var úr grænu te.
Hinn hlutinn neytti ekki græns tes. Varði rannsóknin allt frá
nokkrum vikum upp í þrjá mánuði. Niðurstöðurnar sýndu að
hópurinn sem neytti græna tesins sýndi mun meiri lækkun
á slæmu kólesteróli. Grænt te þykir enn heilnæmara en svart
te vegna mismunar í vinnsluaðferð. Grænt te er þurrkað en
svart te er gerjað og síðan þurrkað og inniheldur græna teið
því meira af þeim efnum sem þykja heilnæm. -sda
ÓTRÚLEGI
ÚTSÖLUMARKAÐURINN
RÚMLEGA 45.000 VÖRUR · NÝ TILBOÐ DAGLEGA - OPIÐ 11 - 19 ALLA DAGA
VERÐ FRÁ99KR.HEFST Í DAGÍ LAUGARDALSHÖLLINNI
Grænt te lækkar kólesteról
 Fæðuóþol óhefðbundnaR lækningaR
Má lækna fæðuóþol
með góðum
bakteríum?
Bandarískur sérfræðingur í frumurannsóknum segir að oft megi koma í veg fyrir einkenni fæðuóþols
með því að koma jafnvægi á meltingarflóruna. Það megi gera með því að neyta í auknu magni
nauðsynlegra baktería sem styrkja meltingarflóruna.
R aunverulegt fæðuofnæmi er mjög sjaldgæft en einungis eitt prósent fullorðinna og um tvö til átta prósent barna þjást af fæðuofnæmi.
Hins vegar virðist sem þeim hafi fjölgað sem þjást af
einkennum fæðuóþols, að því er fram kemur á heilsu-
fréttavefnum naturalnews.com. Einkenni fæðuóþols
eru almenn þreyta, þaninn kviður eða niðurgangur
sem koma fram nokkrum klukkustundum eftir mál-
tíð. Þessi síðbúnu einkenni eru þess valdandi að
erfiðara er að greina nákvæmlega hvað olli einkenn-
unum. Fæðuóþol kemur oft ekki fram á hefðbundn-
um ofnæmisprófum hjá læknum.
Fæðuofnæmi og fæðuóþol lýsa sér oft með svipuð-
um einkennum en eru tvö ólík fyrirbæri, samkvæmt
upplýsingum frá Magnúsi Jóhannessyni, prófessor í
læknisfræði við HÍ, sem birtar eru á Vísindavefnum.
„Fæðuofnæmi, eins og allt annað ofnæmi, stafar af
eins konar ofvirkni í ónæmiskerfinu gegn vissum
efnum og við það myndast mótefni í líkamanum,“
segir Magnús. Þegar þessi mótefni tengjast ofnæmis-
valdinum í fæðunni losna úr læðingi ýmis taugaboð-
efni og hormón sem valda einkennum. Einkennin
geta verið frá húð (útbrot, kláði, ofsakláði), blóðrás
(blóðþrýstingsfall), öndunarfærum (hósti, hrygla,
nefrennsli, hnerrar, barkakýlisbjúgur og öndunar-
erfiðleikar) og meltingarfærum (ógleði, uppköst,
samdráttarverkir, vindgangur, niðurgangur og ristil-
bólga), að sögn Magnúsar.
„Fæðuóþol stafar hins vegar oftast af því að ekki er
hægt að brjóta niður viss efni í fæðunni vegna þess
að líkamann skortir viðkomandi ensím (efnahvata),
og af því hljótast ýmis óþægindi, sem í mörgum til-
fellum eru þau sömu og verða við fæðuofnæmi,“ segir
Magnús.
Bandarískur sérfræðingur í frumurannsóknum
með áherslu á meltingu og fæðuóþol, dr. Art Ayers,
heldur úti bloggsíðu um rannsóknir sínar og kenn-
ingar undir slóðinni coolinginflammation.blogspot.
com. Þar heldur hann því meðal annars fram að fæðu-
óþol orsakist af skorti á bakteríum í meltingarfær-
unum fremur en skorti á ensímum. Hann heldur því
fram að hægt sé að lækna flestar tegundir fæðuóþols
með því að breyta samsetningu baktería í meltingar-
kerfinu, meltingarflórunni, frekar en að reyna að
útiloka úr mataræðinu fæðutegundina sem veldur
einkennunum. Einkennin komi fram meðal annars
vegna skorts á þessum bakteríum, hugsanlega vegna
veikinda eða lyfjagjafar.
Dr. Art Ayers mælir með mörgum aðferðum til að
koma nauðsynlegum bakteríum aftur inn í meltingar-
kerfið. Hann mælir með mjólkursýrugerlum, sem
meðal annars finnast í AB-mjólk og jógúrt, en einnig
með því að neyta lífræns ræktaðs grænmetis, sem
gæta verður að þvo eins lítið og hægt er áður en þess
er neytt. Það inniheldur náttúrulegar bakteríur sem
hjálpa til við meltingu.
Jógúrt inniheldur
gagnlegar bakteríur
sem hjálpa til við
meltinguna.