Fréttatíminn - 18.03.2011, Blaðsíða 31

Helgin 18.-20. mars 2011
www.hatidhafsins.is
H
:N
m
arkaðssam
skipti / SÍA
4.–5. júní 2011
Taktu þátt í Hátíð hafsins!
Stjórn Hátíðar hafsins auglýsir aðstöðu til sölu- eða kynningar-
starfsemi á hátíðarsvæðinu. Einkum er óskað eftir aðilum sem
selja listmuni og handverk, ýmislegt tengt hafinu, skipum, fiski
og sjómennsku. Ekki verða leigð tjöld til sælgætissölu.
Undanfarin ár hafa hátt í 20.000 gestir sótt hátíðina á Grand anum
og notið fjölbreytilegrar dagskrár þar sem saman fer skemmtun,
fróðleikur og keppni.
Umsóknareyðublöð og frekari upplýsingar má nálgast á vef
hátíðarinnar: www.hatidhafsins.is
Umsóknarfrestur er til 15. apríl.
Verkefnastjórn áskilur sér rétt til að taka hvaða umsókn sem er eða hafna öllum.
STE INN ÓSK AR , JÓHANNES JÓHANNES SON
OG ÓL AFU R ÁGÚ STS SON
L A N D S L I Ð S -
KO K K A R N I R
TAK A VEL Á MÓTI ÞÉR Á
SJÁVARKJALLARNUM
S jávark ja l la r inn / Aðal s t ræt i 2 / 101 Reykjav í k / s ími 511 1212
K ynjahlutföll í fjölmiðlum eru langt frá því að vera jöfn þótt fjölmiðlar segist allir vera
af vilja gerðir til að rétta hlutföllin.
Lítið hefur breyst þrátt fyrir jafnrétt-
isáætlanir og -lög. Nokkur undirrit-
aðra hafa gert ítrekaðar tilraunir til
þess að benda Agli Helgasyni á að
ójafnvægis gæti milli kynjanna í Kilj-
unni. Viðkvæðið er ávallt hið sama
og svörin heldur loðin. Þegar Agli er
bent á að fáar konur sjáist í þáttunum
hans bendir hann á að svo gildi einn-
ig um fleiri íslenska dagskrárliði, en
yfir því kvarti enginn og hann nefnir
að gamalt fólk sjáist sjaldan í sjón-
varpinu og að hann bæti úr því með
því að ræða við níræðan karlmann.
Egill dregur tölur okkar um hlut-
föll kynjanna í efa og segir að hlut-
fallið sé mismunandi eftir þáttum.
Hausatalningar eru ekki aðaláhuga-
mál okkar og við krefjumst þess
heldur ekki að hlutfall kynjanna sé
hnífjafnt, það væri óraunsæ krafa.
Okkur þótti samt við hæfi, fyrst
tölurnar eru vefengdar, að fara yfir
þáttafærslur Kiljunnar frá tíma-
bilinu 13. nóv. 2007 til 28. apríl 2010,
aðgengilegar á vef Ríkisútvarps-
ins (http://dagskra.ruv.is/kiljan/
thattafaerslur/), tæplega 80 þættir.
Færslurnar gefa yfirleitt góða mynd
af því hverjir mættu í þættina og um
hvað var rætt. Við töldum öll nöfn,
nöfn rithöfunda og viðmælenda.
Væru viðmælendur ævisagnarit-
arar, var nafn þess sem skrifað var
um einnig talið. Hjálparhellur Egils,
Kolbrún, Páll og Bragi, voru ekki
tekin með í reikninginn, en hafa má
í huga að þar eru karlmenn einnig
í meirihluta. Þegar upp er staðið
eru hlutföll kynjanna skýr. Ef taka
á þáttafærslur Kiljunnar alvarlega,
er niðurstaðan sú að 77% þeirra sem
fengu umfjöllun í 78 þáttum af Kilj-
unni voru karlar.
Konur 115 23%
Karlar 391 77%
Egill Helgason hefur tekið gagnrýni
okkar nokkuð illa. Hann ýmist snýr
út úr eða virðir okkur sem dirfumst
að skipta okkur af því hvaða viðmæl-
endur hann velur í sjónvarpssal ekki
viðlits. Hann virðist hafa gleymt því
að Ríkisútvarpið er enn í almenn-
ingseigu og að eitt af aðalhlutverk-
um þess er að þjóna borgurum lands-
ins, okkur. Ríkisútvarpið á að þjóna
þjóðinni eins og hún leggur sig, ekki
bara karlkyns hluta hennar. Í ljósi
dræmra undirtekta hans höfum
við því brugðið á það ráð að spyrj-
ast fyrir um það hjá dagskrárstjóra,
Sigrúnu Stefánsdóttur, hvort það sé
meðvituð ákvörðun hjá Ríkisútvarp-
inu að hlutfall kvenna í Kiljunni sé
jafnlágt og raun ber vitni. Svörin sem
við fáum eru heldur fátækleg. Sig-
rún Stefánsdóttir treystir Agli Helga-
syni „til þess að gæta jafnvægis milli
kynjanna eftir því sem mögulegt er
hverju sinni“ (tölvubréf 10. mars
2011, kl. 17:56).
Vegna þess að jafnréttis er ekki
gætt hjá RÚV, sendi eitt okkar beiðni
til Jafnréttisstofu um aðstoð við að
nálgast jafnréttisáætlun RÚV. Þau
svör bárust að nefnd væri að störf-
um hjá RÚV við að endurskoða áætl-
unina en að enn hefði Jafnréttisstofu
ekki borist neitt frá nefndinni. Jafn-
framt kveðst lögfræðingur Jafnrétt-
isstofu vera sammála því að jafnrétt-
is sé ekki gætt og að Jafnréttisstofa
hafi bent RÚV á þetta.
Efnistök og umfjallanir Kiljunnar
gefa ekki rétta mynd af raunveruleg-
um kynjahlutföllum í bókmenntum
á Íslandi, hvorki þeirra sem lesa, né
þeirra sem skrifa.
Við teljum að ef einhver eigi að
sjá til þess að jafnréttisstefnu Rík-
isútvarpsins sé framfylgt þá sé það
dagskrárstjóri Ríkisútvarpsins. Við
teljum að ef ritstjóri þáttar getur
ekki framfylgt landslögum (Ríkisút-
varpið er, sem allar aðrar stofnanir,
bundið af jafnréttislögum) eða jafn-
réttisstefnu Ríkisútvarpsins, þá sé
hann ekki hæfur í starfið.
Undirrituð eru áhugafólk um
bókmenntir og jafnrétti.
Gunnar Hrafn Hrafnbjargarson
Hildur Knútsdóttir
Kristín Jónsdóttir
Eiríkur Örn Norðdahl
Erla Elíasdóttir
Erna Erlingsdóttir
Gerður Kristný
Guðmundur Erlingsson
Guðrún Dalía Salómonsdóttir
Guðrún Elsa Bragadóttir
Gunnþórunn Guðmundsdóttir
Hallgrímur Helgason
Hildur Lilliendahl
Ingi Björn Guðnason
Ingólfur Gíslason
Ingunn Snædal
Kristín Svava Tómasdóttir
Lilja Sigurðardóttir
Maríanna Clara Lúthersdóttir
Páll Ásgeir Ásgeirsson
Rósa Elín Davíðsdóttir
Salka Guðmundsdóttir
Vigdís Grímsdóttir
Þórarinn Már Baldursson
Þórdís Gísladóttir
Þórunn Hrefna Sigurjónsdóttir
Ævar Örn Jósepsson
Ríkisútvarpið
Kiljan og konurnar
Við teljum að ef ritstjóri þáttar getur ekki framfylgt lands-
lögum (Ríkisútvarpið er, sem allar aðrar stofnanir, bundið af
jafnréttislögum) eða jafnréttisstefnu Ríkisútvarpsins, þá sé
hann ekki hæfur í starfið.