Prentarinn - 06.04.1992, Side 17

Matarhlé -
svið og samlokur
síðan haldinn 4. september og þar var
eftirfarandi kröfugerð samþykkt.
1. Að launataxtinn verði gerður
virkari með sérstakri hækkun. I sam-
ræmi við kjarakönnun í jan. 1990, að
viðbættum umsömdum %-hækkunum
síðan, verði lægstu laun:
á viku á mán.
1. Iðnsveinar/texta-
innritarar .....kr. 22.600 97.858
2. Aðstoðarfólk .... kr. 16.300 70.579
Þeir sem hafa fyrir samning hærri laun
en að ofan greinir skulu hækka um
sömu krónutölu og grunntaxtinn
hækkar.
2. Starfsaldurshækkanir. Starfsald-
urshækkanir verði með svofelldum
hætti:
Eftir 1 ár hækki laun viðkomandi um 6%
Eftir 3 ár hækki laun viðkomandi um 7%
Eftir 5 ár hækki laun viðkomandi um 8%
Eftir 7 ár hækki laun viðkomandi um 10%
Eftir 5 ár hjá sama fyrirtæki hækki laun
viðkomandi um 16%
Eftir 7 ár hjá sama fyrirtæki hækki laun
viðkomandi um 20%
3. Aukavinnukaup: Starfsmaður
skal fá alla aukavinnu greidda með
100% álagi á heildardagvinnulaun sín,
sem miðast við 40 klst. vinnuviku
(deilitala 40).
4. Vaktaálag: Vaktaálag hækki og
verði svo: Meðalálag 20% á tvískiptar
vaktir. Vaktavinna við dagblöð, tví-
skiptar vaktir 26%. Vaktavinnukaup,
unnin kvöldvakt 32%.
5. Júlíuppbót. Þann 1. júlí og eigi
síðar en 15. júlí ár hvert skal fastráðnu
starfsfólki, sem unnið hefur í 1 ár,
greidd júlíuppbót er nemi einum viku-
launum viðkomandi.
6. Desemberuppbót. Þann 1. des-
ember og eigi síðar en 15. desember
ár hvert skal fastráðnu starfsfólki, sem
unnið hefur 1 ár, greidd desember-
uppbót kr. 12.000.
7. Veikindi í orlofi. 8.6. „Veikist
launþegi hér innanlands það alvar-
lega, ... “ Breytist og hljóði svo: Veik-
ist launþegi það alvarlega ... “
.8. Veikindi barna. 6.3. „Foreldri er
heimilt að verja samtals 7 vinnudög-
um ... “ Breytist og hljóði svo: For-
eldri er heimilt að verja samtals 15
vinnudögum ...
9. Sumar- og vetrarorlof. 8.2.
„Óski bókagerðarmaður með 9 ára
starfsreynslu ... “ Breytist og hljóði
svo: Óski bókagerðarmaður með 6
ára starfsreynslu ...
10. Taka fæðingarorlofs, innan
marka laga um fæðingarorlof, skerðir
ekki orlofslaunagreiðslu.
11. Laun félagsmanna sem sótt hafa
námskeið á vegum Prenttæknistofn-
unar hækki um 10-20% eftir umfangi
námskeiðs. Stjórn Prenttæknistofnun-
ar metur námskeiðin og skal vera
samstaða um úrskurð í stjórninni.
12. Vinnuvikan skal vera 35 dag-
vinnustundir.
13. Samið verði um kaupmáttar-
tryggingu svo kaupmáttur umsaminna
launa rýrni ekki á samningstímanum.
Þegar að félagsfundi loknum var
óskað eftir samningafundi með at-
vinnurekendum. Fyrsti samningafund-
urinn var síðan haldinn 17. september
s.l. Þar var kröfugerðin lögð fram og
kynnt atvinnurekendum. Á þessum
fundi fengust því miður engar efnis-
legar umræður um kröfur okkar.
Andspænis okkur sátu atvinnurekend-
ur, með sinn varðhund, og sögðu: Við
ykkur verður ekki rætt fyrr en í ljós
kemur hver framvinda samningamál-
anna verður almennt. Svo sem komið
hefur fram á trúnaðarráðs- og félags-
fundum síðan, höfum við ekki viljað
mæta þessari afstöðu með sérstökum
hætti. í lok þessa fyrsta samninga-
fundar óskaði stjórn FBM mjög ein-
dregið eftir því við atvinnurekendur,
að annar fundur yrði haldinn sem
allra fyrst.
Atvinnumálin
Á liðnu starfsári hefur verið viðvar-
andi atvinnuleysi hjá félagsfólki okk-
ar. Á undanförnum vikum og mánuð-
um hafa atvinnuhorfur versnað. Er
svo komið að 27 félagar, eða um 3,1%
félagsmanna, eru á atvinnuleysisskrá
þegar þetta er skrifað. Eftir störfum
skiptist atvinnuleysið þannig: Fimm
setjarar, sex textainnritarar, þrír í ljós-
myndun og skeytingu, tveir of-
fsetprentarar, tveir hæðarprentarar,
þrír starfsþjálfunarnemar í prentsmíð
og sex úr aðstoðarstörfum. Sem sagt
12 iðnlærðir, 3 í starfsþjálfunarnámi
og 12 ófaglærðir félagsmenn.
Atvinnuleysisbótatíminn er nú að
hámarki 52 vikur af hverjum 68 og há-
marksupphæðin er kr. 10.524 á viku,
auk kr. 421 með hverju barni undir 18
ára aldri.
Starfsmenn félagsins hafa lagt sig
mjög fram um að útvega atvinnulaus-
um félögum störf. Margoft hafa kjara-
samningsákvæðin um ráðningu starfs-
fólks verið ítrekuð, bæði við einstaka
atvinnurekendur sem og samtök
þeirra. Nokkur árangur hefur náðst
með því - en engan veginn fullnægj-
andi. Því verður að sjálfsögðu áfram
haldið að krefjast ráðningar atvinnu-
lausra félaga í laus störf.
Sé litið til þeirrar þróunar er átt
hefur sér stað innan prentiðnaðarins
að undanförnu, bendir því miður
ákaflega lítið til þess að atvinnuhorfur
muni batna á næstunni. Á þessari
stundu virðist, því miður, fleira benda
til jafn slæmrar stöðu, ef ekki verri,
a.m.k. næstu mánuði.
Vinnustaðafundir
Á liðnu starfsári voru að venju haldnir
vinnustaðafundir. Samningsákvæði
okkar um þessa fundi veita okkur rétt
til að halda tvo slíka á ári hjá hverju
fyrirtæki. Til þeirra má verja einni
klst. af dagvinnutíma í hvort sinn.
PRENTARINN 1.12. '92
17