Prentarinn - 01.04.2005, Qupperneq 27

Starfsmannafélag ísafoldar-
prentsmiðju ehf. var stofnað
árið 2002. Fékk félagið nafnið
Isfólkið og er þetta alvöru félag
með kennitölu. Starfsmenn
borga mánaðarleg félagsgjöld
en stór hluti af tekjunum er sala
á notuðum prentplötum, dósum
og fleiru. Við reynum að gera
eitthvað í hverjum mánuði,
höldum spilakvöld, forum í
keilu, leikhús eða eitthvað annað
skemmtilegt. Árlega eru haldin
golfmót, minnst tvisvar á sumri.
Áætlað er að golfmót vorsins
verði haldið á hinum glæsilega
golfvelli í Vestmannaeyjum.
Tvisvar höfum við haldið gokart-
mót sem var mjög skemmtilegt.
Förum í vor- eða haustferðir,
jólahlaðborð og árshátíð.
Eigendur prentsmiðjurmar styðja
alltaf dyggilega við bakið á okkur,
þannig að starfsmenn þurfa ekki
að borga fyrir þessar uppákomur.
Við höldum árshátíðina 24. mars
á Hótel Flúðum og ætlum að gista
þar. Starfsmenn prentsmiðjunnar
eru rúmlega 70.
F.h. ísfólksins, Kolbrún
Guðmundsdóttir.
Axel t.v., Arni Sörensen í miðju og Haukur
t.h. Úrslitin ígolfmóti 2004
Snœddur hádegisverður í Þrastarskógi
A leiðinni i haustferð
FJÖLÞJÓÐAFYRIRTÆKI
Á undanförnum árum hafa
svokölluð fjölþjóðafyrirtæki
orðið meira og meira áberandi
í prentiðnaði, fyrirtæki sem eru
með prentsmiðjur í mörgum
löndum um allan heim. Union
Network International og Nordisk
Grafisk Union, sem FBM á aðild
að, hafa lagt aukna áherslu á
baráttu við þessa auðhringa og
lagt mikla vinnu í það að koma
þar á kjarasamningum, því stefna
þessara fyrirtækja er að meina
starfsmönnum sínum að vera í
verkalýðsfélögum og þau leggja í
ómældan kostnað til að svo megi
verða. Talið er að þessi fyrirtæki
veiji allt að einni billjón dollara
til að halda starfsmönnum sínum
utan félaga.. Sem betur fer höfunt
við ekki þurft fram að þessu að
beijast við þessi fyrirtæki, en
hvenær kemur að því? Því nú
hafa þrjú íslensk fyrirtæki keypt
erlendar prentsmiðjur þ.e. Oddi,
Plastprent og Prentmet (Edda
miðlun). Og starfsfólk í þessum
útibúum er ekki félagsmenn
í verkalýðsfélögum. Þá hafa
miklar breytingar orðið á stöðu
fýrirtækja í Danmörku en
fjárfestar leita meira erlendis með
fjárfestingar og fyrirtæki hverfa
af innanlandsmarkaði. I dönskum
fyrirtækjum er staðan nú þannig
að dönsk aðild er 25% og 75%
erlend. Sem skiptist þannig: 25%
dönsk eignaraðild, 28,9% blönduð
eignaraðild og 46,1% erlendir
fjárfestar.
Til að gera okkur grein fyrir
umfangi þessara auðhringa getum
við staðnæmst við fyrirtækin
Quebecor, Amcor og Global Trade
Union en það er stærsta fyrirtækið
í pappírs- og umbúðaiðnaði með
yfir 100 þúsund starfsmenn í 22
löndum og Quebecor, kanadískt
fyrirtæki í prentun sem starfar
í 16 löndum með yfir 43000
starfsmenn. Einnig er hægt
að nefna ástralska fyrirtækið
Amcor í pappírs-, urnbúða- og
prentiðnaði. Þessi fyrirtæki auk
tveggja annarra eru með 80-
90% af allri heimsframleiðslu í
pappír og leggja mikla áherslu á
fjárfestingar í láglaunalöndunum.
Eignaraðild fyrirtækja hefur
verið að breytast með yfirtöku
stórra ijölþjóðafyrirtækja í
pappírsiðnaði á umbúðaprentun
og pappírsiðnaðurinn er að taka
yfir alla framleiðslu frá byrjun
til enda, þ.e. að búa til pappír,
prenta á hann og fullvinna
umbúðir. Stærstu fyrirtækin eru í
Bandaríkjunum, Svíþjóð, Kanada,
Ástralíu og lrlandi. Reyndar hefur
orðið nokkur samdráttur á síðustu
tveim árum í öllum pappírsiðnaði
nema í „tissjú“-framleiðslu. Þar
er aukning 5,8%, í dagblöðum
er samdráttur 3,6%, í almennri
prentun 4,5% og í karton og plasti
6,7%. Á síðustu tveim árum
hafa yfir 19000 störf horfið í
pappírsiðnaði.
NGU hefur rætt almennt
um þau vandamál er steðja
að iðnaðinum og telur að
vandamálið sé þríþætt, þ.e.
hvernig við aukum þekkinguna,
tökumst á við tæknibreytingar
og fjölþjóðafyrirtækin.
Norðurlöndin eru hálaunalönd
og það er okkar vandamál við
alþjóðavæðingu fyrirtækja sem
flytja framleiðsluna til launalægri
landa. Erfitt er að ná til eigenda,
enginn veit hvar eða hverjir þeir
eru, t.d. Amcor sem er ástralskt
með höfuðstöðvar í París. Sé
hagnaður lítill er fyrirtækið flutt
til annars lands og með aukinni
aðild erlendra fyrirtækja hefur
atvinnutækifærum fækkað. NGU
telur að við verðum að byggja
upp netverk, annars tapist stríðið,
því þessi fyrirtæki pressa niður
laun í krafti auðs og valda.
NGU getur haft áhrif á alþjóða-
samninga með samstöðu og virku
upplýsingastreymi. NGU leggur
áherslu á upplýsingastreymi
milli félaga, þannig er hægt að
vinna á alþjóðlegum fyrirtækjum
með áherslu gegn niðurboðum á
vinnumarkaði.
Sæmundur Árnason
PRENTARINN ■ 27