Prentarinn - 01.11.2005, Síða 7

Ein af bókunum glœsilegu.
Hér er búið að klæða spjöldin með silki.
bindarar, þarna í 25 stiga hita alla
dagana, í heila viku. Við stíluðum
uppá að ná í endann á sýningunni
og vorum á henni í tvo daga.
Sýningin var haldin í litlu fallegu
þorpi u.þ b. 45 mínútna lestarferð
frá París og þar voru bækur frá
öllum heimshornum.
J: Þetta var keppni, var það
ekki?
R: Jú.
J: Og hvernig stóðuð þið
ykkur í samanburði við hina?
R: Við erum bara mjög
sambærileg þegar á heildina er
litið; ekkert síðri.
G: Við erum vel fyrir ofan
meðallag, þó svo að við höfnuð-
um ekki í verðlaunasæti.
J: Nú fengu allir þátttakendur
sömu bókina, hvernig gekk það
fyrir sig?
G: í ár er hundrað ára ártíð
Jules Verne og honum til heiðurs
voru allir þátttakendur látnir
binda inn bók eftir hann.
R: Það voru prentuð 800 ein-
tök og allir fengu sömu arkimar
og nokkrar myndir sem átti að
setja inní hér og þar og Guðlaug
fékk hugmynd með litunum á
bókunum, einskonar regnboga-
þema og það var unnið út frá því.
G: Við gerðum það þannig að
við tókum litina og síðan leiðina
sem hann fór, ferðasöguna; hann
fer í kring um jörðina og við stíl-
uðum inná tímabil og byrjuðum á
London, brúnu bókinni. Síðan fer
það yfir í rauðu bókina sem er
París, svo er það Ítalía og Suez
og svo Indland og Kína og síðan
yfir til Bandaríkjana, San
Francisco og New York, og þetta
endar svo í Edinborg. Alltaf var
hann að keppa við klukkuna til
að ná réttum tíma. Við erum með
klukkuþema sem er gyllt eða
þrykkt á.
R: Það var ein sem útvegaði
klisju af vasaúri og við skikkuð-
um alla til að setja hana einhvers
staðar á bókina.
G: Síðan er þemað ofan á snið-
unum sem táknaði filmuna, því
að við munum ekkert eftir þessari
sögu öðru vísi en sem kvikmynd.
Titillinn er eins og filma líka. En
hver bók getur auðvitað staðið
fyrir sig.
R: En svo var verið að kenna
meira en bara framhliðina. Þau
voru að læra að búa til skinnfals
inn í bókina og að klæða spjöldin
að innan með silki. Ferðin endaði
svo með ágætum á Islandinu
góða eftir að búið var að skoða
söfn og kennileiti Parísarborgar
ásamt kaffibörum og verslunum.
J: Flvað er svo framundan?
R: Það er norræn keppni eftir
þrjú ár og Islendingar verða í
forsvari fyrir henni. Hún verður
haldin hérna og verður síðan send
áfram sem farandsýning. Mér
finnst hópurinn sem hefur áhuga
á þessu fara stækkandi.
G: Það var Islendingur þama
úti í París, sem heitir Sveinbjörn
Blöndal, sem tók á móti okkur.
Hann er mikill bókavinur og
hann var að tala um það að
Frakkar væru sú þjóð sem mæti
bókband hvað mest. I Frakklandi
er litið á bókband eins og hverja
aðra listgrein. Þeir meta allar
þessar skreytingar og allt sem
gert er í bókbandi eins og hverja
aðra myndlist og viðurkenna
þetta sem listform.
J: Nú eru tónlistarmenn farnir
að nýta sér þetta. Hafið þið séð
nýja diskinn með Sigur Rós?
G: Já. Eg hugsa að það séu
áhrif héðan og veistu vegna
Bœkurnar góðu.
PRENTARINN ■ 7