Aðventfréttir - 01.12.2007, Blaðsíða 14

Kveðja frá Sydney í Astralíu
Erna Rós Johnson
Ég er íslensk kona sem hef verið búsett
erlendis í tæp 40 ár. Ég kem heim til
íslands einstöku sinnum, þó ekki eins
oft og þegar pabbi og mamma voru á
lífi. Að koma heim vekur alltaf upp
margar minningar og þann tíma nota ég
til að hitta fjölskyldu og vini. Ég sendi
ykkur öllum góðar kveðjur frá Ástralíu.
Ég var beðin um að skrifa um
kvennastarf Aðventista hérna í Sydney
fyrir Aðventfréttir. Ég hef verið deildar-
stjóri
kvennastarfs
undanfarin 10 ár
og þau 2 síðustu
hérna í Sydney.
Robert
Folkenberg,
fyrrverandi
formaáur Aðal-
deildarinnar í
Washington, skrifaði eftirfarandi í
formála sínum fyrir kaflann um
kvennastarf safnaðarins: „i mörg ár
hefur konum ekki verið gefinn kostur á
því innan safnaðarins að efla hæfileika
sína. Þegar við bregðumst jákvætt við
hinni miklu áskorun Guðs að boða orð
hans til hinna 900 milljóna Múha-
meðstrúar manna og 350 - 400
milljóna Búddista og allra annarra
jarðarbúa sem þurfa að heyra orð
Guðs, verðum við að nota allar þær
talentur og hæfileika sem allt fólkið i
söfnuðinum býr yfir, því við erum öll salt
jarðarinnar (Matteus 5:13). Þegar við
nýtum ekki talentur hvers og eins í
söfnuðinum, munum við þurfa að svara
fyrir það frammi fyrir Guði. “
Ég trúi því að Guð gefi öllum talentur til
að starfa á akri hans. (Matteus 28:19,
20 ; 1 Pétursbréf 2:9) Af einhverjum
ástæðum halda sumir að það séu
aðeins prestarnir sem eigi að vinna fyrir
Guð og að okkur hinum beri einungis
að skila tíundinni. Það sé því engin
þörf á því að við gerum annað. En ég
hefi komist að þvi að þetta er alls ekki
rétt!
Guð sýndi mér að ég hafði oft setið að-
gerðarlaus á kirkjubekkjunum í mörg ár,
ef til vill leikið á píanóið og stjórnað
kórnum, eða kennt í barnadeildunum.
En það hafði alls ekki hvarflað að mér
að Guð hefði gefið mér sérstaka hæfi-
leika til annarra starfa líka!
Kvennastarfið sýndi mér fram á að Guð
gaf mér talentur sem ég hafði vanrækt,
ef til vill af feimni, og jafnvel
alls ekki notað til góðs fyrir
söfnuðinn. Gerir þú þér grein
fyrir því hvaða talentur Guð
hefur gefið þér? Þetta er
spurning sem við öll þurfum að
spyrja okkur sjálf. Eftir að hafa
tekið þátt í námskeiði sem
hjálpar fólki til þess að upp-
götva hvaða hæfileika og
talentur það eru sem það býr
yfir, fann ég að mínar þrjár helstu
talentur fólust í skipulagningu, gestrisni,
og svo þvi að sýna fólki samhyggð.
Þegar ég komst að raun um það, að
Guð hafði gefið mér slíka hæfileika og
að mér bæri að nota þá
öðrum til blessunar,
fékk ég algjört áfall!
Fyrir þessa uppgötvun
hafði ég haldið að þetta
væru einfaldlega hlutir
sem ég gerði af sjálfri
mér, og ósjálfrátt, en
ekki að Guð hefði gefið
mér þessar gáfur. Það
tók mig nokkur ár að
melta þetta með mér
áður en ég sá að ég
yrði að gera eitthvað
meira með þessa hæfi-
leika mína. Þegar við
Eddy vorum í Nýju
Kaledóníu þar sem
hann var formaður
starfsins, bað hann mig
um að byrja
kvennastarf. Ég varð afskaplega
skelkuð! Ég að gerast deildarstjóri
kvennastarfsins á meðal allra
safnaðanna! Hjálpi mér hamingjan! Ég
hafði aldrei haldið ræðu. Ég hafði, jú,
sungið í kirkjunni og gert ýmislegt
annað til að aðstoða í dagskrá samko-
munnar hverju sinni, en ALDREI pre-
dikað né stjórnað svo víðtæku starfi.
Ég dró þvi lappirnar eins lengi og ég
gat, en Guð lét mig ekki í friði. Árið
1997 byrjaði ég að skipuleggja
kvennastarfið í Nýju Kaledóníu og hef
ekki litið til baka síðan!
í dag er ég deildarstjóri kvenna-
deildarinnar í stórborginni Sydney í
Ástralíu sem er sérstakt starfssvæði út
af fyrir sig með yfir 60 söfnuðum. Starf
kvennadeildarinnar felst meðal annars í
þvi að sýna konunum í hinum ýmsu
söfnuðum, að Guð þarf á þeim að
halda! Ellen White skrifaði oft um það
að Guð vilji og þurfi að nota bæði karla
og konur á starfsakri sínum. "Þegar
vinna þarf mikið og háleitt starf, kallar
Guð bæði karla og konur til starfa.
Þegar talentur beggja eru ekki notaðar,
fara allir mikils á mis" Evangelism, bls.
| AÐVENTFRÉTTIR ♦ Desember 2007