Fréttatíminn - 05.07.2013, Page 62

62 dægurmál Helgin 5.-7. júlí 2013
ÖRYGGISHNAPPUR SECURITAS
- Hnappur sem getur bjargað
þínu lífi og þinna nánustu.
 Menning SirkuShátíðin Volcano hófSt í gær
Á hvolfi í Vatnsmýrinni
Á sirkushátíðinni Volcano sem stendur yfir dagana 4. til 14. júlí er boðið upp á ýmsa viðburði
fyrir alla fjölskylduna. Katla Þórarinsdóttir sirkuslistamaður kennir börnum sirkusatriði á
námskeiðum tengdum hátíðinni og segir alla finna eitthvað við sitt hæfi innan sirkussins.
Katla Þórarinsdóttir sirkuslistamaður að kenna áhugasömum nemendum sirkusatriði. Ljósmynd/Hari
Þ að sem er svo skemmtilegt við sirkusinn er að allir geta fundið sér eitthvert hlutverk,“ segir
Katla Þórarinsdóttir, sirkuslistamaður.
Í tengslum við sirkushátíðina Volcano
í Vatnsmýrinni, 4. til 14. júlí, standa
Katla og Birta Benónýsdóttir, sem
einnig er sirkuslistamaður, fyrir nám-
skeiðum sem njóta
mikilla vinsælda.
„Núna er hátíðin að
lifna við sem er mjög
skemmtilegt fyrir
okkur á námskeiðinu
því þá fá krakkarnir
að sjá að það er til fólk
sem vinnur við sirkus.
Sumir vinna við að
setja tjöldin upp og
aðrir sem sirkuslista-
menn. Það er gaman
að þau fái tilfinningu
fyrir því að þetta sé líf
og starf fólks.“
Í næstu viku verður haldið námskeið
fyrir hóp ungmenna frá Hinu húsinu.
„Í þeim hópi eru börn með sérstakar
þarfir. Við vorum svo heppin að fá sam-
norrænan styrk til að kynna sirkus fyrir
öllum hópum. Það er sjaldnar boðið
upp á sirkusnámskeið fyrir þessi börn
svo það verður sérstaklega gaman að fá
þau hingað í Vatnsmýrina í sirkusnám,“
segir hún.
Katla segir sirkusinn henta breiðum
hópi fólks og hefur kennt ungum sem
öldnum. „Í fyrra lærði blind stúlka sirk-
us hjá mér. Það sem er svo skemmtilegt
við sirkusinn er að það finna sér allir
eitthvert hlutverk innan hans. Það er
gaman að sjá krakka, sem kannski eiga
erfitt með einbeitningu, gleyma sér við
skemmtileg verkefni eins og að halda
jafnvægi með fjöður.“
Katla starfar sem
sirkuslistamaður en
lærði áður ballett og
notar enn ballett-
tæknina þó hún sé á
hvolfi. Hún var einn af
stofnendum Sirkuss Ís-
lands en starfrækir nú
Sirkusinn Öskju. „Ég
treð upp við hin ýmsu
tækifæri, eins og á
árshátíðum og útihátíð-
um og er aðallega í loft-
fimleikum.“ Aðspurð
hvort loftfimleikar séu
ekki hættulegir segir hún: „Jú, jú! En
ef maður treystir manneskjunni sem
á að grípa mann þá er þetta allt í lagi.
Það er líka mikilvægt að gera þetta allt í
réttri röð og fást ekki við of flókin atriði
í byrjun. Ég fæ alltaf fiðring í magann í
þegar ég prufa ný atriði í loftfimleikum
í fyrsta sinn.“
Dagný Hulda Erlendsdóttir
dagnyhulda@frettatiminn.is
Það er
gaman að sjá
krakka, sem
kannski eiga
erfitt með
einbeitningu,
gleyma sér
við skemmti-
leg verkefni
eins og að
halda jafn-
vægi með
fjöður.
Á hverjum degi Volcano sirk-
ushátíðarinnar verður einnig
boðið upp á örnámskeiðið Sirk-
us fyrir forvitna. Námskeiðið
tekur eina klukkustund og gefst
bæði börnum og fullorðnum
tækifæri til að spreyta sig í
línudansi, juggli, húllahoppi,
línudansi og diskasnúningi.
Námskeiðið hentar þriggja ára
og eldri og nánari upplýsingar
má nálgast á síðunni midi.is
Nile Rodgers og Chic færa
sig í Silfurberg
Tónleikar Nile Rodgers and The Chic Organization
miðvikudagskvöldið 17. júlí hafa verið færðir úr
Laugardalshöll í Silfurberg í Hörpu. Að sögn
Þorsteins Stephensen tónleikahaldara hefur
miðasala á þá ekki verið í samræmi við væntingar
og því var brugðið á það ráð að færa þá í minni
sal. „Með því að flytja tónleikana yfir í Hörpu
verður stemmingin þéttari og búast má við að
í frábærum hljómi í Silfurbergi og með aukinni
nánd við listamennina muni upplifun tónleika-
gesta verða enn magnaðri,“ segir Þorsteinn.
Á tónleikunum í Hörpu munu Nile Rodgers og Chic
spila öll þekktustu lög sín. Á undan Chic munu
Moses Hightower og Sísí Ey hita upp með dans-
vænni íslenskri eðaltónlist. Miðaverð er 8.500
krónur og enn eru til miðar á Harpa.is og Miði.is.
Skátar heiðra fallinn félaga
Hljómsveitin Skátar snýr aftur í kvöld, föstudagskvöld, til að
heiðra minningu Björns Kolbeinssonar, fyrrum bassaleikara
sveitarinnar. Hann var í íslensku jaðarrokksenunni þekktur
sem Bjössi Skáti eða sem El Buerno. Bjössi lést í köfunarslysi í
Silfru við Þingvelli 28. desember síðastliðinn. Hann hafði búið
frá því í ágúst 2009 í Genf í Sviss þar sem hann starfaði sem
lögfræðingur hjá EFTA.
Tónleikarnir eru á Faktorý og hefjast klukkan 22. Auk Skáta
koma fram Bloodgroup, Grísalappalísa, Jan Mayen og Sig-
tryggur Berg Sigmarsson. Miðaverð er þúsund krónur og allur
ágóði af tónleikunum rennur til Kvennaathvarfsins.
 SjónVarp ebba guðný guðMundSdóttir gerir MatreiðSluÞætti frá eigin brjóSti
Heilsuréttir Ebbu í nýjum matreiðsluþætti
„Ég verð með uppskriftir sem ég elda
fyrir mína fjölskyldu, upskriftir sem
hafa virkað. Ég vil vona að þær geti nýst
fleirum því ég vil sýna fólki hvað það er
einfalt að búa til hollan mat,“ segir Ebba
Guðný Guðmundsdóttir um nýja mat-
reiðsluþætti sem hún mun stjórna á RÚV
næsta vetur.
Ebba hefur vakið athygli fyrir heilsu-
rétti sína. Þættir hennar á Mbl.is vöktu
mikla athygli fyrir nokkrum misserum
og bók hennar, Hvað á ég að gefa barninu
mínu að borða?, sló í gegn á sínum tíma.
Ebba hefur haldið úti heimasíðunni
Pureebba.com um nokkra hríð. Nú tekur
hún skrefið enn lengra og stjórnar átta
þátta röð í Ríkissjónvarpinu. Saga film
framleiðir og leikstjóri er Sævar Sigurðs-
son. „Við vorum að klára síðustu tökuna
í eldhúsinu svo ég er óskaplega glöð,“
segir Ebba og hlær.
Auk þess að kenna áhorfendum að elda
hollan mat fyrir fjölskylduna mun Ebba
verða með ýmsan gagnlegan fróðleik í
þáttunum. „Ég mun reyna að fræða fólk
um hráefnið og eitt og annað um heil-
brigða lífshætti og lífsstíl almennt. Það
verða alls konar eldhúsráð líka. Og þetta
verður allt frá mínu brjósti.“
-hdm
Ebba Guðný Guðmundsdóttir
stýrir nýjum matreiðsluþáttum
á RÚV næsta vetur.