Fréttatíminn - 15.11.2013, Blaðsíða 16

Enda fáar bækur þar
Það gekk ágætlega að athafna sig á Bók-
hlöðunni enda aðstæður til fyrirmyndar,
nóg pláss, svo eru snagar sem hægt er
að hengja af sér fötin.
Háskólafólk upplýsti í könnun að ýmsar
byggingar Háskóla Íslands hentuðu vel
fyrir skyndikynlíf. Ekki síst Bókhlaðan
þar sem plássið er gott.
Tekið með töngum
Ég tel mig fyllilega ráða við þetta.
Ásmundur Einar Daðason þingmaður er
störfum hlaðinn er lætur sig ekki muna
um að aðstoða forsætisráðherra ofan á
allt annað.
En Framsókn er
líka opin í báða
enda
Ég er alveg viss
um að hann
Ási er rosalega
duglegur en það
er ekki hægt að
manneskja sem er í
fjárlaganefnd, sem á
að veita framkvæmda-
valdinu aðhald, sé aðstoðarmaður
ráðherra um málefni sem tengjast fjár-
lögunum. Hann hlýtur þá alltaf að vera
trúr framkvæmdavaldinu.
Birgitta Jónsdóttir, pírati á þingi, hefur
efasemdir um erindi Ásmundar Einars í
forsætisráðuneytið.
Eru þá allir í símaskránni
komnir?
Núna ætla ég að láta sverfa til stáls og
ég mun stefna þessum útibússtjóra.
Sturla Jónsson vörubílstjóri ætlar að
verjast nauðungarsölubeiðni af fullri
hörku.
Feilnóta í gagnrýninni
Ég vil hér með biðja Gunnar og hlutað-
eigendur afsökunar á að hafa farið yfir
strikið í umfjöllun minni um hann.
Tónlistargagnrýnandinn Jónas Sen
baðst afsökunar á þungum orðum sem
hann lét falla um kvefaða tenórinn
Gunnar Guðbjörnsson sem átti slæmt
kvöld á tónleikum sem Jónas gagnrýndi
í Fréttablaðinu.
Hvaða vitleysa er þetta?
Hvaða dónaskapur er það að telja menn
einangrunarsinna fyrir að hafa þá
skoðun að hagsmunum
okkar sé betur borgið
utan Evrópusam-
bandsins.
Gunnar Bragi
Sveinsson
utanríkisráðherra
brást hinn versti
við greinarskrifum
Þorsteins Pálssonar
í Fréttablaðinu um
helgina. En heldur þykir ráðherra
seilast langt þegar hann skammar
annálað prúðmenni eins og Þorstein fyrir
dónaskap.
En jólin?
Hvort eitthvað kemur fyrir vorið fer
að verða góð spurning en kannski
hæstvirtur forsætisráðherra geti frestað
vorinu líka, rétt eins og honum hefur nú
hingað til tekist að fresta sumrinu og
nóvembermánuði.
Árni Páll Árnason, formaður
Samfylkingarinnar, greindi Sigmund
Davíð Gunnlaugsson, forsætisráðherra,
með frestunaráráttu.
Vandinn í hnotskurn
Vandræðalegt að Gísli Marteinn skuli
hafa verið með sex karla og eina konu í
öllum almennum umræðum í þættinum
sínum í dag fyrir utan þær tvær konur
sem mættu til að ræða vanda
sem bitnar á konum og
karlar hafa valdið til að
breyta.
Hildur Lilliendahl
botnar lítið í Gísla
Marteini sem var með
karlafjöld í þætti sínum
þar sem kynjahalli í
fjölmiðlum var til umræðu.
 Vikan sem Var
Vikan í tölum
Allt í einu fannst mér öll vandamál mín vera svo afskaplega yfirstíganleg
Faðmlag þakklætis
s tundum læt ég það draga mig niður að eiga ekki nýrri bíl eða búa í fínni húsakynnum.
Ég verð líka pirruð ef ég er með
hálsbólgu þegar ég er að fara í
afmælisboð eða þegar ég verð
andvaka og mæti ósofin í vinnuna.
Ég er ekki frá því að svefnleysið
auki á pirringinn. Nei, ég er ekki
ein af þeim sem hef náð að
tileinka mér hugsunarhátt
Pollýönnu. Reyndar las ég
bókina um hana aftur fyrir
nokkrum árum og var svo
hrifin að ég gaf barnapíunni
eintak í afmælisgjöf því ég
vildi að hún myndi upp-
lifa sömu gleði og ég við
lesturinn.
Bókin um Pollýönnu kom
fyrst út í Bandaríkjunum
árið 1913. Löngu síðar var
hún gefin út á Íslandi og
fyrir örfáum árum var hún
endurútgefin á íslensku.
Söguþráðurinn er í stuttu
máli sú að rík en skapvond kona
sem hefur aldrei laðast að börnum
neyðist til að taka að sér mun-
aðarlausa 11 ára systurdóttur sína.
Þessi stúlka er Pollýanna og hún er
glöð sama hvað á dynur. Bjartsýni
hennar og gleði smitar út frá sér
og hefur undraverð áhrif á alla sem
umgangast hana, líka skapvondu
frænkuna. Í raun er þetta dásamleg
saga um hvernig gleði og jákvætt
hugarfar geta unnið bug á erfið-
leikum lífsins og hana ættu allir að
lesa sem oftast.
Pollýanna hefur vingast við
marga í raunheimum í gegnum
árin. Ein þeirra sem lítur á Pollý-
önnu sem sérstaka vinkonu sína er
Katrín Björk Baldvinsdóttir sem er
í viðtali hér í Fréttatímanum ásamt
eiginmanni sínum, Eyþóri Má
Bjarnasyni. Þau hjónin glímdu við
ófrjósemi og reyndu í fimm ár að
eignast barn. Katrín og Pollýanna
urðu þá strax vinkonur. Katrín varð
loks ólétt af þríburum með hjálp
gjafasæðis og tæknifrjóvgunar, en
eitt barnið dó á meðgöngunni.
Pollýanna reyndist þá aftur
mikil stoð og stytta. Fyrr á þessu
ári greindist Katrín með brjósta-
krabbamein, hún fór í brjóstnám og
brjóstauppbyggingu og er nú laus
við meinið. En það er ekki allt. Þrír
mánuðir eru síðan Eyþór, maðurinn
hennar, lenti í alvarlegu vélhjóla-
slysi. Honum var um tíma haldið
sofandi í öndunarvél og þurfti hann
að fara í ellefu tíma aðgerð til að
laga andlit hans en allur neðri hluti
þess var brotinn. Pollýanna er góð
vinkona fjölskyldunnar og hefur
haft mikil áhrif á líf þeirra. Já-
kvæðni þeirra hjóna er einstök.
Í raun var það einstök reynsla
fyrir mig að fá tækifæri til að hitta
þau og ég fylltist auðmýkt yfir gleði
þeirra og þakklæti í stöðu sem
margir hugsa til með kvíða og sorg.
Ég veit ekki hversu oft mig langaði
hreinlega til að faðma þau á meðan
á viðtalinu stóð en fannst það nú
ekki alveg viðeigandi. Að viðtalinu
loknu, þegar ég var komin í skóna
og úlpuna, stóðst ég ekki lengur
málið og spurði feimnislega hvort
ég mætti svolítið – hvort ég mætti
faðma þau. Við föðmuðumst og mér
fannst það forréttindi að fá að taka
utan um þetta ótrúlega fólk. Katrín
benti þá á enn eina jákvæðu hliðina
við tilveru þeirra, að nú væru svo
margir sem vildu faðma þau og
þannig margir sem þau fengju að
faðma.
Í bílnum á leiðinni heim fylltist ég
líka miklu þakklæti fyrir allt sem ég
hef og fannst öll mín vandamál allt í
einu vera svo afskaplega yfirstígan-
leg og ógurlega smá.
Við föðmuðumst og mér fannst það forréttindi að fá að taka utan
um þetta ótrúlega fólk.
Íbúðir
• Leiguíbúðir
• Öryggisvöktun
• Frábært útsýni
• Púttvöllur
• Íbúaþjónusta
• Gott aðgengi
• Gönguleiðir
Þjónustumiðstöð
• Innangengt frá íbúðum
• Innisundlaug
• Hádegismatur
• Fjölbreytt afþreying
• Sjúkraþjálfun
• DAS klúbbur
• Hárgreiðsla
Kynnið ykkur kostina
Íbúðir sýndar alla virka daga
Hafið samband í síma 585 9302 og hjá thuridur.gunnarsdottir@hrafnista.is
Njótið lífsins
í íbúðum fyrir 60+
Boðaþing 22-24 Kópavogi
Erla
Hlynsdóttir
erla@
frettatiminn.is
sjónarhóll
28
matreiðslubækur
koma út hér á landi í
ár sem ku vera met.
Eva Laufey Kjaran
er höfundur einnar
bókarinnar.
460
fermetrar er húsið
að Blikanesi 20
sem sett var á
sölu á dögunum.
Það þykir eitt
glæsilegasta hús
landsins og var eitt
sinn metið á 200
milljónir króna.
800.000
manns hafa nú halað
niður spurninga-
leiknum QuizUp sem
íslenska leikjafyrir-
tækið Plain Vanilla
hannaði.
500
milljónir króna hefur
fjárfestingafélag Skúla
Mogensen greitt inn í
WOW air í formi hlutafjár.
Heildarfjárfesting hans
er því orðin 1,5 milljarðar
króna frá stofnun WOW.
16 viðhorf Helgin 15.-17. nóvember 2013