Fréttatíminn - 15.11.2013, Blaðsíða 54

H jónin María Krista Hreiðarsdóttir, iðn- og grafískur hönnuður, og Börkur Jónsson vélfræðingur búa
með börnum sínum þremur að Brúsastöðum
II, í sveitinni rétt fyrir utan Hafnarfjörð og
reka þar hönnunargalleríið Krista Design. Í
framleiðslu sinni leggja þau mikla áherslu á
hönnun nytjahluta og skrautmuna úr efnum
sem eru óvenjuleg og oft endurnýtt. „Við
reynum að búa til fallega hluti úr óaðlaðandi
efnum eins og gúmmíi og gólfdúkum og
stundum úr parketti,“ segir María Krista en
þau hjónin framleiða allar vörurnar sjálf og
selja í verslunum en eru alltaf með opið hús
hjá sér að Brúsastöðum á miðvikudögum.
Þegar kemur að heimilinu er endurnýting
einnig í fyrirrúmi og er uppáhalds húsgagn
Maríu antíkskápur sem þau hjónin fundu á
eyðibýli fyrir mörgum árum og gerðu upp.
„Skápurinn var í slæmu ástandi þá en við
fengum leyfi til að hirða hann. Það var búið
að vaxbera hann einu sinni og þetta var
greinilega gamall fataskápur. Hann var mál-
aður fjólublár og við þurftum að afsýra hann
til að finna upprunalega litinn,“ segir hún.
Þau hjónin hafa flutt skápinn með sér á milli
þriggja heimila og alltaf gert útlitsbreytingu
á honum í hvert sinn. „Núna erum við búin
að kalkbera skápinn svo hann er hvítur. Þó
hann sé eldgamall er hann alltaf í takt við
tískuna.“
Núna gegnir skápurinn því hlutverki
að geyma diska og bolla en eftir að María
Krista fékk brennandi áhuga á lágkolvetna
mataræði stofnaði hún bloggsíðu þar sem
hún deilir ljúffengum uppskriftum með
lesendum og á því gott úrval af diskum til
að mynda kræsingarnar á. „Ég er alltaf að
sanka að mér mismunandi kökudiskum svo
það sé ekki alltaf sami diskurinn á mynd-
unum á blogginu. Þegar ég fer til útlanda
kaupi ég ekki lengur skó, heldur konfektmót
og möffinskökuform. Það er alltaf þannig
hjá mér – allt eða ekkert.“ María Krista
ætlaði sér aldrei að gefa uppskriftirnar út
á bók, heldur að láta bloggsíðuna nægja en
eftir að hafa fengið hvatningu víðs vegar
að ákvað hún að láta slag standa og í næstu
viku kemur út fyrsta bókin hennar, Brauð &
eftirréttir Kristu. Bókin er heilar 140 síður
og eins og nafnið gefur til kynna, inniheldur
hún aðallega uppskriftir að brauði og eftir-
réttum. „Það kunna flestir að elda steik með
bernaise-sósu svo mér finnst um að gera að
kenna eitthvað annað.“ Uppskriftirnar henta
jafnt sem millimál, nesti, í barnaafmæli eða
saumaklúbbinn.
Áhugi Maríu Kristu á léttkolvetna mat-
aræði kviknaði fyrst þegar dóttir hennar
ákvað að prufa að skipta um mataræði og
hætta að borða hveiti vegna glútenóþols.
Þá er sonur Maríu Kristu með ofnæmi
fyrir hveiti. „Ég hafði heyrt af léttkolvetna
mataræðinu og fór á kynningu hjá Gunn-
ari Má Sigfússyni rétt áður en fyrsta LKL
bókin hans kom út og fannst þetta svolítið
sniðugt og velti því fyrir mér hvort ég væri
jafnvel með einhvers konar óþol líka úr því
tvö barnanna mín væru það. Svo prófaði ég
þetta mataræði og það svínvirkaði.“ María
Krista fann mikinn mun á sér er nú laus við
ýmsa kvilla sem henni hafði ekki tekist að
losna við með öðru mataræði. „Það er alveg
málið fyrir mig að sleppa hveitinu. Ég tel að
sykur- og hveitilaust mataræði sé gott fyrir
alla, hvort sem fólk er á einhverjum kúr eða
ekki. Við höfum öll gott að því að sleppa
sykrinum.“
Nánari upplýsingar um hönnun Maríu
Kristu og Barkar má nálgast á vefnum
internet.is/brusastadir/kristadesign/ og á
Facebook-síðunni Krista Design
Dagný Hulda Erlendsdóttir
dagnyhulda@frettatiminn.is
heimili Helgin 15.-17. nóvember 201354
viðarparket
Verðdæmi:
Eik 3ja stafa kr. 4.590 m2
Skútuvogi 6 - Sími 568 6755
Nýtt
2-lock
endalæsing
María Krista Hreiðarsdóttir, hönn-
uður og matarbloggari með meiru,
sendir í næstu viku frá sér sína fyrstu
bók, Brauð & eftirréttir Kristu. Bókin
inniheldur fjölda ljúffengra uppskrifta
án hveitis og sykurs. Eftir að mat-
reiðsluáhuginn kviknaði hefur María
Krista sankað að sér miklu magni
af kökudiskum og bollum sem hún
geymir í eldgömlum skáp sem hún og
eiginmaður hennar fundu á eyðibýli.
Fann uppáhalds
húsgagnið á eyðibýli
„Ég er alltaf að sanka að mér mis-
munandi kökudiskum svo það sé ekki
alltaf sami diskurinn á myndunum á
blogginu. Þegar ég fer til útlanda kaupi
ég ekki lengur skó, heldur konfektmót
og möffinskökuform. Það er alltaf
þannig hjá mér – allt eða ekkert.“
Skápurinn var áður fataskápur en nú gegnir hann því hlutverki að geyma diska, bolla, glös og fleira. Eftir að María Krista fékk brennandi áhuga á lágkolvetna
mataræði stofnaði hún bloggsíðu þar sem hún deilir ljúffengum uppskriftum með lesendum og á því gott úrval diska til að mynda góðgætið á. Ljósmynd/Hari.
Í hönnun sinni endurnýtir María ýmis efni. Ljósakrónurnar
fallegu á myndinni gerði hún úr sultukrukkum. Á borðstofu-
borðinu er svo parkett. Ljósmynd/Hari.
Gamall fataskápur sem María Krista og
eiginmaður hennar fundu á eyðibýli er í
miklu uppáhaldi. Þau hafa flutt skápinn
á milli þriggja heimila og gert á honum
útlitsbreytingu í hvert sinn. Skápurinn
er hvítur núna og þó hann sé eldgamall
er hann alltaf í takt við tískuna.
Ljósmynd/Hari.