Fréttatíminn - 15.02.2013, Blaðsíða 4

veður Föstudagur laugardagur sunnudagur
Él verða norðaustantil, en annars
bjartviðri og hiti um eða yfir frostmarki.
höfuðborgarsvæðið: NA-átt og
léttskýjAð.
suðaustan- og austanlands snjóar dálítið,
annars úrkomulaust, en strekkingur af na.
höfuðborgarsvæðið: ÚrkomulAust, eN Að
mestu skýjAð.
rignng eða slydda um mest allt land
þegar líður á daginn og hvassviðri.
höfuðborgarsvæðið: Þurrt um morguNiNN,
eN síðAN rigNiNg.
hláka með rigningu
á sunnudag
lægðir verða á sveimi fyrir sunnan og
suðaustan land. él verða norðaustantil í dag og
á morgun laugardag má gera ráð fyrir snjókomu
um tíma suðaustanlands og eins él eða snjór
víða á Austur- og Norðausturlandi.
Bjartviðri hins vegar vestan- og
suðvestanlands, en NA-strekkings-
vindur og hiti nærri frostmarki.
á sunnudag er síðan spáð
lofti af suðlægum uppruna
norður yfir landi. Hlýnar og
rigning eða slydda um land allt
síðdegis.
3
-1 -1
0
3
1
-2 -3 -2
0
3
1 -1 1
4
einar sveinbjörnsson
vedurvaktin@vedurvaktin.is
Nýr Mitsubishi
Outlander frumsýndur
Nýr Mitsubishi Outlander verður frumsýnd-
ur hjá Heklu, umboðsaðila Mitshubishi, á
morgun, laugardaginn 16. febrúar á milli
klukkan 10-16. Umhverfi, gæði og öryggi
ásamt aksturseiginleikum eru meginþætt-
irnir sem liggja að baki þróunar á þriðju
kynslóð hins fjórhjóladrifna Mitsubishi
Outlander. Þessi nýja gerð Outlander sem
verið er að kynna hér á landi var frumsýnd
á bílasýningunni í Genf á liðnu ári og kom
á almennan markað í fyrstu Evrópulönd-
unum á liðnu hausti. Outlander er í boði
í tveimur stigum búnaðar, „INTENSE“ og
„INSTYLE“, og í boði ýmist 5 eða 7 manna.
Báðar gerðir eru hlaðnar búnaði, bæði til
þæginda og öryggis.
Átján ára í fimm ára
fangelsi
átján ára piltur var í vikunni dæmdur
í fimm ára óskilorðsbundið fangelsi í
Héraðsdómi Reykjaness. Drengurinn stakk
fyrrverandi kærustu föður síns ítrekað
með hnífi í apríl í fyrra. Drengurinn játaði
verknaðinn en sagðist ekki hafa ætlað að
bana henni heldur einungis hóta. Drengur-
inn varð tvísaga um hvort hann myndi eftir
verknaðinum eða ekki en hann veittist
einnig að konunni með hnefahöggum og
spörkum.
þrír vilja verða mannréttindadómarar
róbert ragnar spanó.
Þrír hafa óskað eftir því að verða tilnefndir sem dómaraefni við mannréttindadóm-
stól Evrópu en kjörtímabil íslensks dómara við dómstólinn rennur út 31. október. Þeir
eru Guðmundur Alfreðsson, prófessor við lagadeild Háskólans á Akureyri, Oddný
Mjöll Arnardóttir, prófessor við lagadeild Háskóla Íslands og Róbert Ragnar Spanó,
prófessor og forseti lagadeildar Háskóla Íslands. Evrópuráðið fór þess á leit við ís-
lensk stjórnvöld að tilnefnd verði af hálfu Íslands þrjú dómaraefni og var auglýst eftir
þeim 24. janúar, að því er fram kemur á síðu innanríkisráðuneytisins. Umsóknirnar
verða nú sendar nefnd sem meta mun hæfni umsækjendanna til að vera tilnefndir
sem dómaraefni af íslands hálfu. - jh
É g trúi því að nafn föður míns verði hreinsað og vonast til þess að skýrsla starfshópins verði liður í þeirri veg-
ferð ásamt því að hún upplýsi um einhver af
þeim fjölmörgu mannréttindabrotum sem
framin voru á föður mínum og öðrum sak-
borningum“ segir Hafþór Sævarsson, sonur
Sævars Ciesielski. Sævar var einn sex sak-
borninga sem dæmdir voru fyrir aðild að
Guðmundar- og Geirfinnsmálinu svokall-
aða, sem er eitt umfangsmesta sakamál í ís-
lenskri réttarsögu. Í lok ársins 2011 skipaði
Ögmundur Jónasson innanríkisráðherra
starfshóp sem fara átti yfir Guðmundar- og
Geirfinnsmálin. Skýrslu starfshópsins er að
vænta eftir um tvær vikur.
Sævar var einn þeirra sem sakfelldur var
í sakadómi árið 1977 og í hæstarétti árið
1980 fyrir að hafa banað Guðmundi Einars-
syni og Geirfinni Einarssyni árið 1974.
Sævar var í gæsluvarðhaldi í um fjögur ár,
þar af tvö ár í einangrun, og er það lengsta
gæsluvarðhald sem sögur fara af á Íslandi.
Sævar skýrði frá því að hann hafi verið lát-
inn sæta miklu harðræði og pyntingum á
meðan hann sat í gæsluvarðhaldi og hefur
fyrrverandi fangavörður vitnað um það í
fjölmiðlum.
„Ég vil að sannleikurinn í þessu máli
komi fram í dagsljósið,“ segir Hafþór. „Ég
trúi á sakleysi föður míns og veit að fólk,
allavega í seinni tíð, gerir sér fulla grein
fyrir því að pabbi átti enga aðild að þessum
mannshvörfum líkt og greinargerð pabba
og Ragnars Aðalsteinssonar [lögmaður
hans] um endurupptöku málsins sýnir
fram á,“ segir Hafþór. „Þótt pabbi hafi
ekki náð endanlegu lífsmarkmiði sínu, að
hreinsa nafn sitt, var barátta hans ekki
til einskis. Dómsmorð, bók pabba sem
inniheldur greinargerð pabba og Ragnars,
ber vitni um hverju hann áorkaði. Þegar ég
lagði fram beiðni til Ögmundar Jónassonar
innanríkisráðherra, lét ég greinargerð
þeirra fylgja með,“ segir hann.
Hafþór er 23 ára laganemi og hefur tekið
við keflinu af föður sínum, sem lést árið
2011. „Óskaniðurstaða skýrslunnar yrði sú
að grundvöllur sé fyrir því að málið verði
tekið upp að nýju,“ segir Hafþór. Hann
hefur kynnt sér mál föður síns til hlítar en
segist ekki hafa komist dýpra en Sævar
í rannsókn málsins. „Ég hef lesið máls-
skjölin, dóminn, greinargerð pabba og
Ragnars og önnur gögn sem ég hef fundið.
Hins vegar vantar mikið af gögnum sem
ég vonast eftir að starfshópnum hafi tekist
að hafa upp á, m.a. fjarvistarsönnunum
sem hann hafði í báðum málunum,“ segir
Hafþór. Meðal þeirra gagna sem Sævar og
Ragnar fengu ekki við gerð greinargerðar
sinnar voru gögn frá ríkissaksóknara þar
sem Ragnar H. Hall, hæstaréttarlögmaður
sem skipaður var sérstakur ríkissaksókn-
ari við meðferð á beiðni Sævars, neitaði
Sævari og lögmanni hans um aðgang
að gagnasafni ríkissaksóknara. Að auki
fengu þeir umbeðna lögregluskýrslu ekki
afhenta og að ennfremur vantaði um 300
blaðsíður í gögn varðandi rannsókn lög-
reglunnar í Keflavík á málinu, að sögn Haf-
þórs. „Þrátt fyrir það var nægilega mikið
sem sýndi fram á þau fjölmörgu mannrétt-
indabrot sem framin voru í þessu máli og
þýðingarmiklar forsendur Hæstaréttar
hafa verið hraktar, enda standast þær enga
skoðun,“ segir Hafþór.
Hann trúir því að réttarkerfið sé breytt
frá því föður hans var synjað um endurupp-
töku árið 1997. „Ég trúi því að samfélagið
sé loks tilbúið til þess að horfast í augu
við sannleikann. Það hefur sýnt sig í ný-
legum málum á borð við málefni barna á
vistheimilum þar sem brotið var skelfilega
á mörgum þeirra barna sem þar dvöldust.
Pabbi dvaldist sjálfur sem barn á tveimur
af þeim vistheimilum. Sannleikurinn á
það til að leita upp á yfirborðið. Ég trúi því
að það gerist í þessum málum líka,“ segir
Hafþór.
sigríður dögg auðunsdóttir
sigridur@frettatiminn.is
 dómsmál HaFþór sævarsson tók við keFli Föður síns
Trúi því að nafn föður
míns verði hreinsað
Hafþór Sævarsson, sonur Sævars M. Ciesielski, sem dæmdur var fyrir aðild að Guðmundar- og
Geirfinnsmálinu svokallaða, bíður niðurstöðu skýrslu starfshóps innanríkisráðherra sem fara átti
yfir málin. Hafþór er sannfærður um sakleysi föður síns og trúir því að nafn hans verði hreinsað.
hafþór sævarsson er 23 ára laganemi og hefur tekið við keflinu af
föður sínum, sævari Ciesielski, sem lést árið 2011 án þess að ná lífs-
markmiði sínu að hreinsa mannorð sitt. Sævar var dæmdur fyrir að bana
Guðmundi og Geirfinni árið 1974 í einu umsvifamesta sakamáli Íslands-
sögunnar. Ljósmynd/Hari
4 fréttir Helgin 15.-17. febrúar 2013