Bændablaðið - 23.05.2013, Blaðsíða 8

Bændablaðið | Fimmtudagur 23. maí 20138
Fréttir
Snjóalög í Ólafsfirði talin svipuð og snjóaveturinn 1995:
Bóndinn á Þóroddsstöðum í vandræðum
með að setja út lambfé vegna snjóa
Á bænum Þóroddsstöðum í Ólafs-
firði eru um 80 fjár á húsum og
sauð burður hafinn fyrir nokkru.
Hjalti Berg steinn Bjarka son,
bóndi á Þórodds stöðum, sagði
í samtali við Bænda blaðið á
mánudag í síðustu viku að þar
stefndi í vand ræði ef ekki færi að
hlýna verulega þannig að hægt
yrði að koma lamb fénu út úr húsi.
Þóroddsstaðir eru um sex
kílómetra innan byggðina í
Ólafsfirði. Hjalti, sem er fæddur
og uppalinn austur í Breiðdal, flutti
þaðan til Siglufjarðar haustið 2009
þar sem hann kynntist konu sinni.
Í framhaldinu réðust þau í að kaupa
jörðina ásamt tengdaföður Hjalta
og hófu þar búrekstur í fyrra, en
jörðin hafði þá ekki verið á ábúð
um tíma. Nú eru þau með 30 hross
og 80 kindur sem Hjalti keypti frá
Siglufirði og úr Fljótum.
Af kindunum eru um 40 gimbrar.
Af þeim voru 7 geldar og tvær
tvílembdar, segir Hjalti.
„Svo er ég með 35 rollur og þegar
ég lét sónarskoða var 31 tvílembd,
tvær þrílembdar og ein einlemd. Ég
mun fljótt lenda í vandræðum ef ég
kem fénu ekki út en maður vonar
það besta.“
Svipað og snjóaveturinn 1995
„Ætli það hafi ekki sjatnað snjórinn
um 20 til 30 sentímetra á einni og
hálfri viku. Nú er norðanátt og
rigning og hitastigið rétt um tvær
gráður.
Það vantar meiri hita til að snjó-
inn rífi upp. Ég hef verið að tala
við karlana hér í Ólafsfirði og þeir
segja mér að þetta sé nánast eins og
snjóaveturinn 1995. Í fyrravor var
allt orðið autt hér í mars.“
Óskir Hjalta voru þó ekki
snarlega að rætast þar sem kalt var
fram eftir síðustu viku. Það var því
ekki að sjá að hann kæmi fénu út í
hólf við bæinn.
Með lambféð í hlöðu og
gömlu fjósi
„Það er byrjað að bera á fullu og ég
er með lambféð hér inni í hlöðu og
að hluta í gömlu fjósi. Ég hef verið
að reyna að fá bæjarfélagið til að
hjálpa mér við að moka upp hólfið.
Hæstu skaflarnir í hólfinu eru um
tveir og hálfur til þrír metrar. Ef
ég fæ ekki aðstoð er maður ekki í
góðum málum til að geta sett fé út
til að létta á öllu í húsunum hjá mér.
Þurfi ég að að moka þetta sjálfur
tekur það mig fjóra sólarhringa.“
Hjalti segist hafa verið vel birgur
af heyjum í haust. Hann hafi þó ekki
haft við að hækka girðingar eftir því
sem snjóaði til að halda hrossum frá
heyrúllunum. Þau hafi því sloppið
heim að bæ nokkrum sinnum og gert
gat á einar 40 heyrúllur.
„Vegna þessa þurfti ég að fara um
daginn til að kaupa hey í Skagafirði.
Þar fékk ég 24 stórbagga sem kost-
uðu 9.000 krónur stykkið fyrir utan
virðisaukaskatt. Þá á eftir að reikna
út kostnað við að koma heyinu
heim.“
Býst ekki við kali
Hjalti hefur leitað ráða hjá
Ráðgjafarmiðstöð landbúnaðarins
(RML) vegna ástandsins. Hann
telur samt að þótt mikill snjór sé
enn yfir öllu sleppi túnin að mestu
við kal.
„Það sem bjargar okkur er að
það snjóaði snemma þannig að það
var kominn mikill snjór á túnin
áður en það fór að frysta að ráði.
Það eru því um 60 sentímetrar upp
í klakann, sem er um 7-8 sentímetra
þykkur.
Snjóalögin yfir túnunum hjá
mér eru um 120 og upp í 150
sentímetra,“ segir Hjalti en nefnir
þó að mun minni snjór sé við
austanverðan fjörðinn.

/HKr.
Skógfræði og landgræðsla við LbhÍ á Hvanneyri:
Þriggja ára nám til BS-prófs
Skógfræði og landgræðsla er
þriggja ára 80 eininga BS-nám við
Landbúnaðarháskóla Íslands. Á
brautinni er fléttað saman náms-
greinum á sviði náttúruvísinda,
skógfræði, landgræðslu, tækni-
fræði, stjórnunar og hagfræði og
einnig er farið inn á svið landupp-
lýsinga og landslagsfræða. Lögð
er áhersla á að veita nemendum
traustan vísindalegan grunn og
um leið að búa þá sem best undir
störf sem fræðimenn, stjórnendur
eða sjálfstæðir atvinnurekendur.
Ekki er boðið upp á hliðstæða
samsetningu náms við aðra íslenska
háskóla.
Boðið er upp á tvær námslínur,
skógfræði og landgræðslufræði, sem
eru nánast eins fyrstu tvö árin en
aðgreinast síðan á lokaári námsins.
Annars vegar er um að ræða nám
með áherslu á sjálfbæra skógrækt og
hins vegar á endurheimt vistkerfa á illa
förnu landi, jarðvegs- og gróðurvernd
og aðra landgræðslu.
Skógfræði
Námslína í skógfræði er með áherslu
á skóginn, bæði sem endurnýjanlega
hráefnisauðlind á Íslandi og sem
vistkerfi sem veitir margvíslega
vistþjónustu. Ræktunartækni skóg-
ræktar, sjálfbær nýting og umhirða
skóglenda, aðlögun að landslagi,
vönduð áætlanagerð og skipulag
framkvæmda sem og nýsköpun eru
áherslur línunnar.
Landgræðsla
Í námslínu í landgræðslu er áhersla
lögð á fræðilegan grunn og hagnýta
þekkingu á sviði vistheimtar og sjálf-
bærrar landnýtingar, sem miðar að
verndun og endurheimt gróðurs- og
jarðvegsauðlinda. Hnignun land-
kosta og jarðvegseyðing hafa haft
víðtæk áhrif á umhverfisgæði, bæði
á Íslandi og alþjóðlega.
Atvinna í skógrækt og
landgræðslu
Umsvif skógræktar og landgræðslu
eru að aukast og færast út til land-
eigenda og þar með að verða mála-
flokkur sem kemur í æ ríkari mæli til
kasta sveitarfélaga, ýmissa opinberra
stofnana og einkaaðila.
Á síðustu árum hefur þörf fyrir
fólk með trausta fagþekkingu á þessu
sviði stóraukist. Einnig eru að verða
til lítil verktakafyrirtæki víða um
land sem sérhæfa sig á þessu sviði og
selja þjónustu sína til bænda, sveitar-
félaga og annarra landeigenda.
Þetta er þverfaglegt nám sem nýtist
einkar vel til starfa hjá hinu opinbera
eða til sjálfstæðrar atvinnustarfsemi
innan græna geirans. Einnig opnast
möguleikar á störfum erlendis sem
varða skógfræði og landgræðslu,
t.d. í sambandi við þróunar verkefni
í þriðja heiminum, en skógar- og
jarðvegseyðing er oftar en ekki
undirrót vandamála sem leysa þarf
þar.
Ennfremur opnast margvísleg
önnur atvinnutækifæri, t.d. í kennslu,
landbúnaði, blaðamennsku og stjórn-
sýslu. Að sjálfsögðu verða nemendur
þar í samkeppni við fólk með aðra
menntun, en munu þá njóta óvenju
þverfaglegs undirbúnings síns við að
takast á við fjölbreytt viðfangsefni.
Nánari upplýsingar gefur Bjarni
Diðrik Sigurðsson prófessor í símum
433 5212 / 843 5342 bjarni@lbhi.is

Myndir / Hjalti Bergsteinn Bjarkason
Forystufé er eitt af því einstaka
sem við Íslendingar eigum, en
forystu kindur finnast hvergi
annars staðar í heiminum. Um
hæfi leika þeirra eru til margar
sögur sem sumar hverjar hafa
verið skráðar, en aðrar lifa manna
á meðal.
Þann 10. september 2012
skall á aftakaveður á Norður- og
Norðausturlandi með skelfilegum
afleiðingum fyrir bændur og
búfénað á svæðinu. Talið er að um
10 þúsund fjár hafi orðið úti. Ætla má
að einhverjar kindur, jafnvel heilu
hóparnir, hafi bjargast fyrir vit og
dugnað forystufjár.
Til að minnast þessa og varð veita
sögur af forystufé efnir verkefnis-
stjórn söfnunarinnar „Gengið til fjár“
til ritgerðasamkeppni í samvinnu
við Bændablaðið og Landssamtök
sauðfjárbænda. Skila má inn stuttum
ritgerðum, sögum eða öðrum texta,
að hámarki 1.000 orð að lengd.
Þema keppninnar er forystufé og
einstakir hæfileikar þess. Túlkun á
viðfangsefninu er að öðru leyti í
höndum þátttakenda.
Dómnefnd mun meta innsenda
texta og veitt verða þrenn verðlaun.
1. 100.000 kr. í peningum, haustlamb
af forystukyni og gisting og máltíð
fyrir tvo frá Ferðaþjónustu bænda.
2. Gisting og máltíð fyrir tvo á Hótel
Sögu.
3. Gisting og máltíð fyrir tvo á Hótel
Geysi í Haukadal.
Verðlaunaafhending fer fram
fyrsta vetrardag, laugardaginn 26.
október 2013.
Textum skal skilað á eftirfarandi:
Landssamtök sauðfjárbænda
(merkt „Forystufé“)
Bændahöllinni við Hagatorg
107 Reykjavík
Skila skal fyrir 1. október 2013.
Merkja ber hvern texta með dulnefni,
en nafn, heimilisfang og símanúmer
skal jafnframt fylgja í lokuðu umslagi
auðkenndu dulnefninu.
Öllum er heimil þátttaka. Áskilinn
er réttur til að birta þau framlög sem
hljóta verðlaun í Bændablaðinu.
Ritgerðasamkeppni
um forystufé