Bændablaðið - 23.05.2013, Blaðsíða 21

21Bændablaðið | Fimmtudagur 23. maí 2013
Ef keypt er 1 stk.
stærri 24.900 kr. án vsk.
minni 14.900 kr. án vsk.
Ef keyptar eru 2-5 stk.
stærri 21.900 kr. án vsk.
minni 11.900 kr. án vsk.
Ef keyptar eru 6 stk. eða fleiri
stærri 19.900 kr. án vsk.
minni 9.900 kr. án vsk.
Lamir 2.900 kr. án vsk.
Nánari upplýsingar og pantanir hjá
elvarey@gmail.com, sími 899 1776 og om@mo.is, sími 669 1336
Aurasel ehf.
Vandaðar og ódýrar
hliðgrindur
Stærri gerð 4,27 m
Minni gerð 1,50 m
Beint frá verksmiðju
Síðasta sending

seldist upp
Bændablaðið Smáauglýsingar 56-30-300
Dreift í 30 þúsund eintökum á 340 dreifingarstaði
af þeirri mykju sem til fellur af
Eyjafjarðarsvæðinu.
„Það þarf að skoða fleiri
möguleika, eins og til að mynda eru
í Öxnadal, sem er kalt svæði, fjögur
stór kúabú á litlu svæði,“ segir hann.
Hægt verður að nýta orkuna í
íslenskum landbúnaði
Eiður veltir líka fyrir sér hvernig
nýta eigi orku sem fæst úr gasgerð
og nefnir að aðallega hafi verið rætt
um að hreinsa gasið þannig að úr því
fáist a.m.k. 97% metan, CH4, og nýta
það sem eldsneyti í samgöngum.
Þá hafi verið hugmyndir um að
koma metani í fljótandi form og
markaðssetja það fyrir stórnotendur,
flutningafyrirtæki, sjávarútveg,
álver og fleiri en miklir möguleikar
séu einnig á að nýta þessa orku í
landbúnaði, til upphitunar húsa, í
kornþurrkun eða sem orkugjafa á
dráttarvélar. Enn sem komið er eru
þó fáar dráttarvélar í boði sem ganga
fyrir metani.
Eiður nefnir að Steyr hafi árið
2011 sett á markað nokkuð öfluga
dráttarvél, 140 hö, sem eingöngu noti
metan og Valtra hafi áform um að
koma á markað nú í ár 110 hestafla
vél sem gangi á allt að 80% metani
á móti 20% dísil, en geti einnig
gengið eingöngu á dísil. Þá sé fjöldi
dráttarvéla sem geti nýtt lífdísil
sem 20% orkugjafa á móti dísil og
nokkrar gerðir ráði við 100% lífdísil.
„Það gæti því orðið stutt í að
vélar sem gagna á blöndu af metani
og lífdísil líti dagsins ljós og því
er miklir möguleikar á að nýta
þessa orku í íslenskum landbúnaði,
sem við það tæki enn eitt skref til
aukinnar visthæfni,“ segir Eiður.
Ræktun jurta til
orkuframleiðslu sem nýtast
einnig til matvælaframleiðslu?
Hann bendir á að takmarkaður
lífmassi sé til ráðstöfunar og
undirstriki það enn frekar nauðsyn
þess að setja stefnu um hvernig
honum verði best ráðstafað.
„Ef við framleiðum metan úr
öllum lífmassanum sem nú er
aðgengilegur til þess dugar það gróft
áætlað fyrir tæplega 10% núverandi
einkabílaflota landsmanna. Það
myndi hins vegar mögulega nægja
til að útvega um það bil 30% þeirrar
orku sem fer í heyskap og jarðvinnslu
í íslenskum landbúnaði,“ segir Eiður
og bætir við að lífmassann megi
einnig auka með ræktun.
„Ræktun eldsneytis vekur þó
siðferðilega spurningu, sem er hvort
rækta eigi jurtir til orkuframleiðslu
á landi sem hægt er að nýta til
matvælaframleiðslu. Ég læt því
ósvarað nú, en þetta er engu að síður
spurning sem ekki verður hjá komist
að svara.“
Margir möguleikar í boði
Eiður segir framleiðslu metans
byggða á áratuga reynslu en hún sé
ávallt í þróun. Sú tækni sem menn
horfa til nú er svonefnd fyrstu
kynslóðar tækni, hvort heldur sem
um er að ræða einföldustu gerð af
gasgerð til eldunar í Asíu eða stóra
miðlæga gasgerðarstöð í Evrópu.
Það sama eigi við um lífdísil, en
nokkur verkefni séu í vinnslu þar
sem áhersla er lögð á að beita
nýrri tækni til að auka nýtingu eða
framleiða eldsneyti úr lífmassa sem
fyrstu kynslóðar tækni á erfitt með
að nýta. Í annarri kynslóð eldsneytis
er einnig um fleiri orkugjafa að
ræða, m.a. etanól.
„Það er ljóst að margir mögu-
leikar eru í boði, þeir eru misjafnlega
hagkvæmir en hagkvæmnin veltur
mjög á aðstæðum og markaði
fyrir afurðina. Þetta undirstrikar
nauðsyn þess að við förum í
markvissa stefnumótunarvinnu
áður en fjárfest verður í rándýrum
lausnum sem svo kemur ef til vill
í ljós að falla ekki að framtíðarsýn
og hagsmunum samfélagsins,“ segir
Eiður Guðmundsson.
/MÞÞ