Bændablaðið - 23.05.2013, Blaðsíða 14
Bændablaðið | Fimmtudagur 23. maí 201314
Jötunn Vélar ehf. opnar verslun á Akureyri:
„Stolt af að geta boðið norðlenskum
viðskiptavinum þjónustu okkar“
– segir Finnbogi Magnússon framkvæmdastjóri
Jötunn Vélar ehf. á Selfossi hafa
opnað verslun, söludeild og vara-
hlutaþjónustu á Lónsbakka á
Akureyri. Fyrirtækið er með 700
fermetra húsnæði við hlið versl-
unar Húsasmiðjunnar en hefur
auk þess yfir að ráða útisvæðum til
sýninga á vélum og tækjum. Þetta
er fyrsta starfsstöð fyrirtækisins
utan Selfoss, en Jötunn Vélar eru
nú að hefja sitt tíunda rekstrarár.
Fyrirtækið er eitt af stærstu þjón-
ustufyrirtækjum í landbúnaði hér
á landi og selur mörg af þekktustu
merkjunum í landbúnaðartækjum,
m.a. Massey Ferguson og Valtra
dráttarvélar, McHale og Pöttinger
heyvinnutæki, Schaffer Lader liðlétt-
inga og SAC mjaltakerfi, svo fátt eitt
sé nefnt. Velta Jötunn Véla á síðasta
ári var tæpir 1,7 milljarðar og hagn-
aður af rekstri um 72 milljónir fyrir
skatta. Áætlanir fyrir yfirstandandi
ár gera ráð fyrir að velta félagsins
aukist í 2 milljarða.
Vörur fyrir landbúnaðinn og
þéttbýlið
Jötunn Vélar hafa á síðustu árum
byggt upp öfluga verslun sem bæði
höfðar til landbúnaðar og hins
almenna neytanda. Í boði er úrval
af rekstrarvörum fyrir mjólkur- og
sauðfjárframleiðslu, hreinsiefni,
verkfæri, vinnufatnaður, lagnaefni,
olíur og smurefni, lökk og kítti og
þannig mætti áfram telja af vörum
sem heyra til þess sem að land-
búnaðinum snýr. Því til viðbótar eru
garðvörur, gróðurhús, reiðhjól, skór,
stígvél og hlífðarfatnaður á börn og
fullorðna og ýmis útivistarfatnaður,
leikföng, bruggvörur, gæludýrafóður
og gæludýravörur og margt fleira.
Finnbogi Magnússon, fram-
kvæmda stjóri Jötunn Véla, segir að
fyrirtækið sé landsbyggðarfyrirtæki
„og við erum stolt af því að geta
boðið norðlenskum viðskiptavinum
þjónustu okkar með sama sniði og á
Selfossi. Vöruúrval í versluninni á
Akureyri er að miklu leyti það sama,
bæði hvað varðar almennar rekstrar-
vörur til landbúnaðar og algengustu
varahluti í vélar og tæki,“ segir hann.
„Við lítum á okkur sem hluta af
landbúnaðinum og teljum hlutverk
okkar að vera í fararbroddi við inn-
leiðingu tækninýjunga og nýrrar
þekkingar tengdrar tækni og vél-
búnaði. Þannig leggjum við okkar
af mörkum til framfara og aukinnar
samkeppnishæfni íslensks landbún-
aðar,“ segir Finnbogi og er bjartsýnn
fyrir hönd bænda.
Hann segir greinilegt að fjár-
festingar í landbúnaði séu að aukast
þrátt fyrir að víða tefji seinagangur
banka og fjármögnunarfyrirtækja við
endurútreikninga fyrir, að ógleymdu
erfiðu veðurfari undanfarin misseri.
„það er með ólíkindum æðruleysið
og dugnaðurinn sem bændur í þeim
sveitum sem illa hafa farið út úr erf-
iðri veðráttu í vetur hafa sínt í sinni
baráttu“.
Mikil tækifæri í landbúnaði
„Íslenskur landbúnaður hefur á
stuttum tíma breyst úr atvinnugrein
í samdrætti í atvinnugrein í hægum og
jöfnum vexti. Það er því engin þörf á
að vera með minnimáttarkennd yfir
að tilheyra þessari atvinnugrein, þvert
á móti eiga menn að vera stoltir af að
taka þátt í þessari þróun. Tækifærin
eru fyrir hendi í landbúnaðinum.
Nú er það okkar allra að sýna kjark
og útsjónarsemi til að unnt verði að
breyta tækifærunum í arðsama fram-
leiðslu sem mun stuðla að nýju skeiði
uppbyggingar í sveitum landsins.“
Möguleikar íslensks landbúnaðar
séu miklir en sem dæmi nefnir hann
mikla fjölgun erlendra ferðamanna
sem hingað koma árlega, en fjölgun
upp á um 150 þúsund manns á ári
eykur árlega heildarneyslu íslenskra
matvæla verulega. „Nú þurfum við að
móta stefnu innan landbúnaðarins um
hvernig við ætlum að mæta þessum
tækifærum á komandi árum þannig
að uppbygginginn verði markviss og
sem hagkvæmust,“ sagði Finnbogi að
lokum. /MÞÞ
Jötunn Vélar hefur opnað verslun á Akureyri. Starfsmennirnir eru þrír talsins
í fyrstu og standa vonir til að þeim muni fjölga samhliða auknum umsvifum.
Frá vinstri: Finnbogi Magnússon framkvæmdastjóri, Valbjörn Ó. Þorsteins-
son, Eiður Jónsson og Hrafn Hrafnsson verslunarstjóri. Mynd / MÞÞ
Skoðanakönnun í Flóahreppi:
60% vilja að leikskólinn
verði áfram í Þingborg
Alls 204 kjósendur í Flóahreppi, eða
60%, vilja að framtíðarstaðsetning
leikskólans Krakkaborgar í
Flóahreppi verði í Þingborg en
127 kjósendur, eða 37%, að hann
verði í Flóaskóla. Þetta kom fram
í skoðanakönnun sem fram fór
samhliða kosningum til Alþingis
laugardaginn 27. apríl.
Skoðanakönnnunin fór fram í
framhaldi af íbúafundi sem haldinn var
18. apríl síðastliðinn. Fundurinn var
vel sóttur og margir sem tóku til máls
og tjáðu sig um málið. Í kosningunum
tóku alls 339 af 457 manns sem á
kjörskrá voru þátt í skoðanakönnuninni
eða 74% kjósenda. Sjö seðlar voru
auðir og einn ógildur. /MHH
45.000 sunnlenskar ljósmyndir á nýjum vef
Héraðsskjalasafn Árnesinga
hefur opnað myndavefinn www.
myndasetur.is sem inniheldur um
45.000 ljósmyndir, bæði skráðar og
óskráðar myndir í vörslu héraðs-
skjalasafnsins.
Megintilgangur vefsins er að gera
ljósmyndasöfn sem afhent hafa verið
á héraðsskjalasafnið aðgengileg
almenningi, fræðimönnum og öllum
þeim sem áhuga hafa á ljósmyndum.
Skráning ljósmyndanna er sam-
vinnuverkefni starfsmanna héraðs-
skjalasafnsins og almennings. Því
er mikilvægt að allir sem þekkja fólk
eða viðburði sem festir hafa verið á
filmu og eru á myndasetur.is hafi
samband við starfsmenn safnsins.
Vefurinn var formlega opnaður á
Vori í Árborg. /MHH
Á myndinni má hins vegar sjá þegar Katrín Jakobsdóttir menntamálaráðherra
Másson, forstöðumaður héraðsskjalasafnsins, Eyþór Arnalds, formaður
bæjarráðs Árborgar, og Ásta Stefánsdóttir bæjarstjóri. Mynd / MHH
Sauðburður tók hraustlega við
sér norðan heiða eftir 10. maí , að
sögn Þórarins Inga Péturssonar,
formanns Landssambands
sauðfjárbænda og bónda á
Grýtubakka í Höfðahverfi í
Grýtubakkahreppi. Allt hefur
gengið nokkuð snurðulaust fyrir
sig enn sem komið er þrátt fyrir
kalt vor.
Ólafur G. Vagnsson ráðunautur
segir að aðstæður í fjárhúsum
skipti mestu þegar vorið er kalt,
þ.e. að nægt húspláss sé fyrir hendi,
en þar sem enn er snjór yfir öllu
hefur fé ekki verið hleypt út enn.
„Þetta er fyrst og fremst ofboðslega
vinna og mikið álag á þá bændur
þar sem ekki er hægt að hleypa
fé út,“ segir hann, en mestur er
snjórinn í Svarfaðardal, frammi
í dölum í Hörgár- og Öxnadal og
almennt við utanverðan Eyjafjörð.
Í Eyjafjarðarsveit hefur snjó hins
vegar víðast tekið upp.
Löng húsvist eykur álagið
„Það skiptir öllu að geta hleypt
lambfé út, löng húsvist getur aukið
hættu á sjúkdómum og vanhöld,“
segir Ólafur, en stálpuð lömb, hálfs
mánaðar gömul eða svo, þurfa að
komast út í hreina loftið og hreyfa
sig. Hætti er á að þau gangi hart
að móður sinni í langri húsvist,
sem aftur getur haft þau áhrif að
kindur sárni á spena og fá jafnvel
júgurbólgu. „Ég held þetta hafi
enn sem komið er sloppið vel til,
en vissulega væri gott að fá örlítið
meiri hlýindi þannig að hægt sé
að hleypa út. Það skiptir bændur
líka gríðarlega miklu máli, að hafa
allt fé á húsi stóreykur alla þeirra
vinnu,“ segir Ólafur.
Girðingar enn víða undir snjó
Þórarinn segir að víða séu girðingar
enn undir snjó á ákveðnum svæðum
norðanlands og mikið verkefni sé
fram undan fyrir bændur þegar snjóa
leysi og þær komi undan. „Víða er
staðan þannig að ekki er hægt að
hleypa ánum út því girðingar eru að
stórum hluta enn undir snjó og það
er auðvitað bagalegt,“ segir hann, en
eitthvað er um að kindur hafi verið
settar út í réttir eða gerði heima
við bæi. „Bændur bera sig bara
vel þrátt fyrir þetta, en auðvitað
þykir okkur algjör óþarfi að fá yfir
okkur eina gusu enn af skítaveðri,“
segir hann. Eftir ágætis veður um
hvítasunnuhelgina er útlit fyrir
kuldatíð nú í vikunni, sem Þórarinn
segir reyndar að eigi að standa stutt,
„sem betur fer“. /MÞÞ
Sauðburður víðast hvar langt kominn
Kindurnar hans Þórarins Inga Péturssonar á Grýtubakka bíða óþreyjufullar
eftir að hann komi tuggunni til þeirra.
Kind í keisaraskurð í fjárhúsinu
„Hún er bara spræk og fór strax
út á tún,“ segir Þórarinn Ingi
Pétursson, bóndi á Grýtubakka
í Höfðahverfi og formaður
Landssambands sauðfjárbænda,
en í liðinni viku gerði Gestur Páll
Júlíusson dýralæknir sér lítið fyrir
og framkvæmdi keisaraskurð á
einni ánni í fjárhúsum hans.
Gestur Páll var staddur á
Grýtubakka vegna annars tilfellis,
„en hann fór bara strax í þetta verk,
setti upp skurðstofu hér í fjárhúsinu,
við skelltum plötum upp á garðann
og vippuðum kindinni upp á,“
segir Þórarinn. Skurðurinn gekk
vel og náðist lambið lifandi úr
ánni, en báðum heilsast ljómandi
vel. Keisaraskurðir eru af og til
framkvæmdir hjá ám, en ekki oft.
Það þykir hins vegar nokkrum
tíðindum sæta þegar þeir eru
gerðir á staðnum eins og gerðist í
fjárhúsunum á Grýtubakka.
Þórarinn segir um að gera að nýta
sér þjónustu dýralækna, enda meiri
möguleiki á að skepnurnar lifi komi
eitthvað upp á. „Það er nú ekki mikið
að splæsa í einn til tvo keisaraskurði
í törn sem þessari,“ segir hann, en
á milli 800 og 900 kindur bera á
Grýtubakka þetta vorið.
/MÞÞ
Ærin klár fyrir keisaraskurðinn og
Baldur Stefánsson heldur henni.
Leitað að lambinu.
Myndir / Þórarinn Ingi Pétursson.
Lambið tekið úr, en því heilsast vel
sem og móðurinni.
Sprækar lambær í gerði heima á
Grýtubakka.