Bændablaðið - 23.05.2013, Blaðsíða 37
37Bændablaðið | Fimmtudagur 23. maí 2013
landbúnaður hér á landi en laufblöðin
eru tínd af lágvöxnum terunnum.
Auk þess er töluverð notkun á
búpeningi s.s. nautgripum, kindum,
geitum og alífuglum.
Margar hendur en lítil velta
Þrátt fyrir að um 60% íbúa landsins
starfi við eða í tengslum við
landbúnað þá nemur heildarvelta
þarlends landbúnaðar ekki nema
13,7% landsframleiðslunnar (GDP)
árið 2012 og hefur hlutfallið lækkað
ört á liðnum árum samhliða breyttum
efnahag landsins og aukinni iðn-
væðingu samfélagsins. Enn þann dag
í dag er mun ódýrara að ráða fólk í
vinnu við margs konar verk sem fyrir
löngu er búið að tæknivæða í Evrópu.
Má þar t.d. nefna jarðvinnslu, sem
oftast er unnin með dráttardýrum og
handavinnu. Því miður er það því
enn svo að mikil fátækt ríkir meðal
landbúnaðarverkafólks og auk þess
búa margir bændur við afar bág kjör
og stunda í raun sjálfsþurftarbúskap
enda er talið að um þriðjungur
búanna hafi ekki að ráða yfir nema
um tveimur hekturum.
Markaðurinn stækkar gríðarlega
Árlega við íbúafjölda Indlands
um 20 milljón manns og þar sem
hagur íbúanna eykst jafnt og þétt
hefur neysluhegðun breyst og er
t.d. mikil ásókn nú í mjólkurvörur.
Mjólkurneysla árið 2012 í Indlandi
er talin hafa verið um 122 milljarðar
lítra en talið er að árið 2022 verði
neysla mjólkur komin í 200 milljarða
lítra. Aukningin nemur nærri 700
faldri árlegri heildarframleiðslu
mjólkur á Íslandi. Þess má geta að
nærri helmingur þeirra mjólkurvara
sem neytt er í Indlandi eru fluttar
inn til landsins og raunar er það svo
að í Indlandi eru útflutningstollar
á mjólkurvörum til þess að tryggja
að þær vörur sem framleiddar eru í
landinu fari ekki úr landi.
Hinar heilögu kýr
Kýrnar í Indlandi eru af kúakyninu
Zebu og þar sem kýrnar eru álitnar
heilagar sjást þær oft í fréttamyndum
ráfandi um með hinn sérkennilega og
einkennandi fituhnúð á makkanum,
en hann gegnir hlutverki í vatns-
búskap nautgripanna og er sérlega
heppilegur í heitum löndum. Zebu
er í raun afar merkilegt kúakyn, með
eindæmum harðgert gagnvart hita og
með fjölþætta nýtingarmöguleika,
m.a. sem dráttardýr. Vegna stöðu
gripanna sem heilagra dýra, þ.e.
kýrnar má ekki fella, er í raun alls
óvitað um fjölda þeirra en talið er að
hann sé í kringum 270 milljón gripir.
Þegar kýrnar loks gefa upp öndina
má þó nýta af þeim skinnið.
Alls eru um 75 milljón kúabú í
landinu en hvert þeirra ekki nema
með um 2 kýr að jafnaði. Þá eru
afar óljósar upplýsingar til um
afurðasemi þessara heilögu kúa en
hún er væntanlega undir 1.000 kg
mjólkur árlega.
Þó svo að ekki megi slátra kúm
má slátra buffalóum og hefur fjölda
slíkra hjarða verið komið upp á
undanförnum árum. Buffalómjólk er
vaxandi hluti heildarmagns mjólkur
á markaðinum og kjöt af buffalóum
er í stórauknum mæli útflutningsvara
frá Indlandi en neysla á buffalókjöti
er í lágmarki í Indlandi, enda afar líkt
nautakjöti sem væntanlega má ekki
leggja sér til munns.
Sóknarfæri?
Þó svo að stór hluti íbúa Indlands
hafi ekki efni á að kaupa sér hágæða
landbúnaðarvörur frá Norður-Evrópu
er dagljóst að í landinu er að verða
til geysilega stór hópur fólks sem er
vel efnað, vill fyrst og fremst mikil
gæði landbúnaðarvara og spyr vart
um verð. Nákvæmlega sama þróun
hefur átt sér stað í Kína, en nefna má
sem dæmi að í Beijing er seld lífrænt
vottuð G-mjólk frá Danmörku á
tæplega 700 krónur lítrann miðað við
núverandi gengi. Fáist slíkt yfirverð
í Indlandi fyrir mjólk og fleiri góðar
landbúnaðarvörur þá er staðsetning
Íslands og fjarlægðin frá Indlandi
ekki nokkur fyrirstaða.
Snorri Sigurðsson
sns@vfl.dk
Nautgriparæktarsviði
Þekkingarsetri landbúnaðarins
í Danmörku
„Mjólkurbíllinn“ er kominn.
ÞAR SEM MARGIR STAURAR KOMA
SAMAN – ÞAR ER GIRÐING
Hjá Líflandi færðu landsins mesta úrval af girðingaefni. Við veitum þér persónulega þjónustu
og ráðleggingar um allt frá sinklum* upp í stagaða hornstólpa.
Skoðaðu úrvalið á www.lifland.is eða hafðu samband við sölumenn í síma 540 1100.
Lífland verslun Reykjavík | Lynghálsi 3
110 Reykjavík | sími 540 1125
Lífland verslun Akureyri | Lónsbakka
601 Akureyri | sími 540 1150
Sölumenn og ráðgjafar Líflands
eru til taks í síma 540 1100.
lifland@lifland.is
www.lifland.is
*EINNIG NEFNT: KENGIR EÐA VÍRLYKKJUR.
Sími: 575 1111 • thorsverk@thorsverk.is
ÓRSVERK
ehf.
Vantar þig vatn?
Þjónustum m.a. bændur, sveitarfélög, sumarbústaðaeigendur og verktaka.
Traustir og ábyrgir aðilar.
Gerum verðtilboð ykkur að kostnaðarlausu.
Við borum eftir vatni um land allt!